Пробны перапіс насельніцтва пройдзе ў Беларусі 2-13 кастрычніка
(абноўлена 19:03 30.09.2017)
Ён будзе арганізаваны ў Маладзечанскім раёне. Перапісчыкі будуць хадзіць па дамах. Тым, хто не захоча прыняць іх у сябе, можна будзе самому з'явіцца на адмысловыя ўчасткі.МІНСК, 29 вер — Sputnik. Пробны перапіс насельніцтва пройдзе ў Беларусі 2-13 кастрычніка, паведамляе Нацыянальны статыстычны камітэт Беларусі.
Агульнарэспубліканскі перапіс насельніцтва павінен прайсці ў рэспубліцы ў 2019 годзе. Пры прыняцці рашэння аб правядзенні перапісу было вызначана, што ў 2018 годзе ў адным з рэгіёнаў Беларусі пройдзе пробны перапіс.
"З 2 па 13 кастрычніка 2017 г. на тэрыторыі Маладзечанскага раёна Мінскай вобласці пройдзе пробны перапіс насельніцтва, які стане падрыхтоўчым этапам перапісу насельніцтва Рэспублікі Беларусь 2019 года", — праінфармавалі ў Белстаце.
Там адзначылі, што пробны перапіс будзе ажыццяўляцца двума спосабамі — дома або на спецыяльных участках, адзначылі ў Белстаце.
Першы спосаб прадугледжвае, што ў адзін з дзён у перыяд 2-13 кастрычніка на дом да грамадзянаў будуць прыходзіць перапісчыкі. Перш, чым задаваць пытанні, перапісчыкі будуць абавязаны прад'явіць спецыяльнае пасведчанне і пашпарт. Без пашпарта пасведчанне несапраўднае.
Пры гэтым у Белстаце адзначылі, што перапісчыкі будуць мець пры сабе спецыяльную сумку з лагатыпам пробнага перапісу і святлоадбівальным элементам і электронны планшэт, у які яны будуць запісваць адказы на пытанні пробнага перапісу. Адказы на пытанні павінны заносіцца ў электронны апытальны ліст у прысутнасці рэспандэнта.
Другі спосаб дазваляе грамадзяніну прыйсці, каб адказаць на пытанні пробнага перапісу, у спецыяльна абсталяваныя для гэтых мэтаў стацыянарныя ўчасткі, якія размешчаны па адрасах:
- Маладзечна, вул. Драздовіча, 5в;
- Маладзечна, пл. Цэнтральная, 2;
- Маладзечна, вул. Машэрава, 3;
- аграгарадок Лебедзева, пл. Цэнтральная, 14;
- вёска Тюрли, вул. Маладзечанская, 1.
"Ніякіх іншых спосабаў правядзення апытання грамадзян не прадугледжана", — падкрэслілі ў Белстаце.
Тэги:
Міністэрства аховы здароўя расказала, ці можна купацца на Вадохрышча пасля COVID
(абноўлена 17:56 18.01.2021)
Вадохрышчанскія купанні пачаліся сёння ў Мінску, акунуцца ў купель можна ў трох спецыяльна абсталяваных для гэтага месцах: на Камсамольскім возеры, у Драздах і на Цнянцы.МІНСК, 18 сту – Sputnik. Лішні раз нагружаць арганізм стрэсам не варта, падкрэслілі ў прэс-службе Міністэрства аховы здароўя.
Вадохрышчанскія купанні пачаліся ў Мінску. Акунуцца ў купель можна ў бліжэйшыя тры дні ў трох спецыяльна абсталяваных для гэтага месцах: на Камсамольскім возеры, у Драздах і на Цнянцы.
У прэс-службе Міністэрства аховы здароўя падкрэслілі: купанне ў палонцы - стрэс для непадрыхтаванага чалавека. У нетрэніраванага арганізма гэта можа справакаваць зрыў імунітэту і развіццё інфекцый дыхальных шляхоў, у тым ліку і пнеўманій. З-за напружанай сітуацыі ў рэспубліцы з каронавірусам, медыкі раяць не акунацца ў купель. Калі ж чалавек усё ж рашыўся на гэта, варта загадзя пракансультавацца з лекарам.
"Нечаканае для арганізма апусканне ў халодную ваду можа справакаваць розныя хранічныя захворванні, у тым ліку сардэчна-сасудзістыя", - адзначылі ў прэс-службе.
Кажучы пра купання пасля перанесенага COVID-19, у ведамстве падкрэслілі, што існуе такое паняцце, як "посткаронавірусны сіндром". Ён выяўляецца ў тым, што запаленчы працэс скончыўся, але ўскладненні з боку дыхальнай, сардэчна-сасудзістай сістэмы могуць заставацца.
"Лішні раз нагружаць арганізм стрэсам не варта", - рэзюмавалі ў прэс-службе.
Нагадаем, у Беларусі зараз усталявалася марознае надвор'е, у некаторых рэгіёнах у ноч на 19 студзеня тэмпература апусціцца да -27°C. Але ўжо да чацвярга ў краіне пацяплее, абяцаюць сіноптыкі, слупкі тэрмометраў зноў пакажуць плюсавыя значэнні ў дзённы час.
Чытайце таксама:
- Дзе можна здаць ПЦР-тэст: спіс месцаў па ўсёй Беларусі
- Эксперт патлумачыў узаемасувязь недасыпання і каронавіруса
- Халадовы наркоз і апёкі: камбустыёлагі распавялі пра наступствы маразоў
Тэги:
Тэмы:
Амаль 1900 чалавек за суткі здалі станоўчы тэст на COVID-19
(абноўлена 16:35 18.01.2021)
Па дадзеных статыстыкі міністэрства аховы здароўя Беларусі, у краіне з пачатку пандэміі было зафіксавана больш 227 тысяч пацыентаў з каронавірусам.МІНСК, 18 сту – Sputnik. За мінулыя 24 гадзіны ў краіне правялі 11,4 тысяч тэстаў на каронавірус, станоўчы вынік быў выяўлены ў 1 899 чалавек, паведамляе Міністэрства аховы здароўя.
©
CC0 / Pexels / energepic
"Усяго, з пачатку пандэміі, у Беларусі былі зарэгістраваныя - 227 360 чалавек са станоўчым тэстам на COVID-19. Паправіліся 210 779 пацыентаў, у якіх раней быў пацверджаны дыягназ COVID-19", - гаворыцца ў паведамленні ведамства.
За суткі ў Беларусі з медустаноў выпісалі 1 571 чалавекі. Смяротная статыстыка, на жаль, таксама абнавілася: у краіне ад каронавіруса за апошнія 24 гадзіны загінулі дзевяць чалавек. За ўвесь перыяд пандэміі ахвярамі COVID-19 сталі амаль 1600 беларусаў.
З пачатку пандэміі ў Беларусі ПЦР-тэставанне прайшлі больш за 4,2 мільёнаў чалавек. Даведацца, дзе ў Беларусі можна здаць ПЦР-тэст, можна тут.
Вакцынацыя ад каронавіруса ў Беларусі
Масава прышчапляць грамадзян краіны ад COVID-19 пачнуць у красавіку, пакуль жа ўколы атрымліваюць людзі з групы рызыкі, у першую чаргу - медыкі.
У сярэдзіне вясны, па словах кіраўніка Міністэрства аховы здароўя Дзмітрыя Піневіча, вакцынавацца змогуць усе жадаючыя.
Беларусь першай пасля Расіі пачала вакцынацыю грамадзян расійскім прэпаратам "Спутник V". Раней паведамлялася, што ў рэспубліцы да канца вясны плануецца прышчапіць 1,2 мільёна чалавек, паступова выйшаўшы на паказчык у 5,5 мільёна жыхароў.
Чытайце таксама:
- Піневіч ацаніў сітуацыю з COVID-19: з гэтым вірусам будзем жыць да канца вясны
- Беларусы змогуць браць адпачынак для самаізаляцыі з-за COVID
- Міністэрства аховы здароўя агучыла, калі пачнецца рост захворвання на пнеўманіі
Тэги: