МІНСК, 4 кас — Sputnik. Акцыя ахапіла 14 факультэтаў ВНУ, паведамілі Sputnik у прэс-службе Белдзяржуніверсітэта.
Мерапрыемства накіравана на адукацыйную дзейнасць ВНУ, яе спецыяльнасцяў, а таксама дапамогу абітурыентам пры выбары будучай прафесіі.
"Да ўдзелу запрашаюцца навучэнцы 10 і 11 класаў рэспубліканскіх школ. Для гэтага неабходна напісаць матывацыйны ліст з аргументацыяй на тэму "Чаму я хачу стаць студэнтам БДУ на тыдзень" і адправіць па электроннай пошце weekinbsu@gmail.com да 10 кастрычніка", — распавялі ў прэс-службе.
Патэнцыйных абітурыентаў сустрэнуць з 30 кастрычніка па 3 лістапада на факультэтах: біялагічным, геаграфічным, гістарычным, механіка-матэматычным, фізічным, філалагічным, хімічным, эканамічным, міжнародных адносін, прыкладной матэматыкі і інфарматыкі, сацыякультурных камунікацый, філасофіі і сацыяльных навук, а таксама ў Інстытуце бізнесу і менеджменту тэхналогій і Інстытуце журналістыкі.
На працягу пяці дзён старшакласнікі наведаюць навучальныя заняткі розных курсаў і спецыяльнасцяў. Таксама "навабранцам" трэба будзе не толькі праслухаць лекцыі, але і выконваць практычныя заданні на роўных са студэнтамі БДУ. Госцяў пазнаёмяць з пазанавучальнай дзейнасцю факультэтаў і студэнцкім жыццём.
Патрабаванні да афармлення прац можна знайсці тут.
