Аляксандра Чычыкава прадставіла Беларусь на міжнародным конкурсе прыгажосці Міс свету на калясцы

Беларуска перамагла ў конкурсе "Міс свету на калясцы"

30
(абноўлена 13:04 09.10.2017)
Перамога дасталася мінчанцы Аляксандры Чычыкавай.

МІНСК, 8 кас — Sputnik. Беларуска Аляксандра Чычыкава перамагла ў міжнародным конкурсе прыгажосці "Міс свету на калясцы", які праходзіў у Варшаве.

Дзяўчына ўпершыню ўдзельнічала ў спаборніцтвах падобнага роду, пра што яна распавяла Sputnik.

Аляксандра — студэнтка БДПУ імя Максіма Танка, працуе ў службе Гіпермаркет паслуг 124.

Разам з Аляксандрай у конкурсе прымала ўдзел яшчэ адна беларуска Ангеліна Уэльская.

Дапамогу ў падрыхтоўцы да конкурсу Аляксандры аказвала пераможца конкурсу "Місіс зямны шар — 2017" Святлана Кузняцова, бабруйскі дызайнер Алена Канойка, якая пашыла нацыянальны ўбор, і многія іншыя.

Чычыкава раней паведаміла Sputnik, што ў выпадку перамогі паспрабуе змяніць стэрэатыпы, якія склаліся аб людзях з інваліднасцю ў нашай краіне. У першую чаргу яна будзе бараніць правы дзяўчат на калясках, якія збіраюцца стаць мамамі.

30
Тэги:
"Міс свету на калясцы", Ангеліна Уэльская, Аляксандра Чычыкава, Варшава, Беларусь

Грамадства