Мінскае метро ў навагоднюю ноч будзе працаваць да 4 раніцы

МІНСК, 12 сне — Sputnik. Час працы мінскага метрапалітэна ў навагоднюю ноч будзе падоўжаны да 04:00, паведаміў у аўторак начальнік аддзела арганізацыі пасажырскіх перавозак установы "Сталічны транспарт і сувязь" Аляксандр Капцюх.

© AP / Сергей Гриц

Папярэдні прагноз: ці будзе снег на Новы год

Станцыі "Фрунзенская", "Няміга", "Кастрычніцкая" возьмуць пасажыраў да 04:15.

У панядзелак, 1 студзеня, падземка адкрыецца ў звыклы час — у 05:30, дадаў ён.

Адкарэктаваная будзе і праца наземнага транспарту. У навагоднюю ноч ён будзе працаваць да 05:00. Інтэрвалы руху не будуць перавышаць 20 хвілін, паведаміў Капцюх.

"У дні пераносу працоўных будняў праца транспарту будзе адкарэктавана. Калі субота рабочая, то транспарт будзе працаваць па графіку пятніцы", — дадаў спецыяліст.

Таксама з 15 снежня да 15 студзеня будзе скарочаны інтэрвал руху аўтобусаў, якія рухаюцца па маршруце №1 і 100. На абслугоўванне дадзеных ліній будзе выдзелена больш адзінак транспарту.