Акадэмія навук Беларусі

Беларускім навукоўцам могуць павысіць зарплату ўтрая, але за вынікі

19
(абноўлена 10:00 22.12.2017)
Ацэнку іх дзейнасці правядуць вучоныя саветы і Прэзідыум НАН рэспублікі.

МІНСК, 22 сне — Sputnik. Навукоўцам у Беларусі, якія паказваюць вынікі, могуць павялічыць заробак у тры разы, заявіў журналістам старшыня Прэзідыума Нацыянальнай акадэміі навук Беларусі Уладзімір Гусакоў.

"Цяпер мы будзем мець магчымасць значна, да 300%, павышаць заробак навукоўцам: дактарам навук, прафесарам, старшым навуковым супрацоўнікам, вядучым навуковым супрацоўнікам", — цытуе БелТА словы Гусакова.

Старшыня НАН адзначыў, што павышаць аплату працы будуць толькі тым дзеячам навукі, якія дасягнулі канкрэтных вынікаў у сваёй сферы. Ацэнку вынікаў навукоўцаў будуць праводзіць вучоныя саветы і Прэзідыум НАН.

Па словах Гусакова, адпаведны праект указа разглядаўся ў чацвер на нарадзе ў прэзідэнта Беларусі Аляксандра Лукашэнкі. Пацікавіўшыся, як будуць рэгулявацца гэтыя пытанні, кіраўнік дзяржавы адзначыў неабходнасць такога ўказа.

19
Тэги:
Навукоўцы, Зарплата і іншыя выплаты, Уладзімір Гусакоў, Мінск, Беларусь

Грамадства