Электронная чарга паскарае праходжанне пункта пропуску для ўсіх відаў транспарту

Акрамя "Брэста" і "Катлоўкі": дзе яшчэ з'явіцца электронная чарга?

27
Браніраванне можна будзе аформіць, знаходзячыся непасрэдна ў зоне чакання, а плата для ўсіх ва ўсе дні складзе 24,5 рублі.

МІНСК, 5 сту — Sputnik. Электронная чарга да 31 снежня бягучага года з'явіцца яшчэ ў сямі пунктах пропуску на беларускай мяжы, адпаведнае распараджэнне ўрада размешчана на Нацыянальным прававым інтэрнэт-партале.

Сістэма электроннага браніравання ўпершыню пачала працаваць восенню 2016 года ў пункце пропуску "Брэст". У канцы 2017-га такая ж сістэма была ўкаранёная ў "Катлоўцы" на беларуска-літоўскай мяжы.

Згодна з пастановай, на працягу гэтага года электронная чарга запрацуе ў яшчэ сямі пунктах пропуску: на мяжы з Польшчай у "Бераставіцы" і "Брузгах", на беларуска-літоўскай — у ПП "Каменны Лог", "Беняконі", "Прывалка", на мяжы з Латвіяй — у "Грыгораўшчыне" і "Урбанах", з Украінай — у "Новай Гуце".

Рыхтуецца яшчэ адно новаўвядзенне — электронную чаргу можна будзе аформіць, знаходзячыся ў зоне чакання. У "Катлоўцы" такая магчымасць ужо існуе, неўзабаве яна з'явіцца і на "Варшаўке".

Памер платы за паслугі электроннай чаргі складзе адну базавую велічыню (24,5 рублі). Раней прымяняліся дыферынцаваныя тарыфы для грузавікоў і легкавых аўтамабіляў у розныя дні, уключаючы святочныя. Змены ўступяць у сілу з 12 студзеня.

Дакумент рэгулюе права пазачарговага праезду праз мяжу ў пунктах пропуску, у якіх няма электроннай чаргі. Без чаргі могуць праязджаць грамадзяне, якія жывуць за межамі Беларусі і маюць там маёмасць альбо знаходзяцца за межамі краіны 183 дні ў год і больш. Таксама правілы пазачарговага выезду тычацца тых, хто вучыцца або працуе за мяжой, атрымлівае медыцынскую дапамогу, наведвае міжнародныя канферэнцыі ці едзе па запрашэнні міжнароднай арганізацыі. Акрамя таго, гэта правіла тычыцца тых, хто мае сваякоў за мяжой або выязджае да месцаў іх пахавання.

27
Тэги:
граница, Латвія, Брэст, Беларусь
Вакцына супраць COVID-19 Спутник V

"Спутник V" у ЕС: Венгрыя першай адобрыла прымяненне расійскай вакцыны

10
(абноўлена 16:42 21.01.2021)
Экспертыза для рэгістрацыі расійскай вакцыны "Спутник V" у Еўрасаюзе пачнецца ў лютым. У Венгрыі прэпарат зарэгістраваны па паскоранай працэдуры пасля клінічных выпрабаванняў вакцыны.

МІНСК, 21 сту – Sputnik. Нацыянальны інстытут фармакалогіі і харчавання Венгрыі абвясціў аб рэгістрацыі ў краіне расійскага прэпарата. Такім чынам, Венгрыя стала першай краінай у ЕС, якая адобрыла "Спутник V" да ўжывання.

"Венгрыя - першая краіна ЕС, якая ацаніла перавагі расійскай вакцыны "Спутник V" і адобрыла яе прымяненне на сваёй тэрыторыі. Гэта важнае рашэнне, якое дэманструе высокую ацэнку бяспекі і эфектыўнасці вакцыны на ўзроўні больш чым 90% нашымі партнёрамі ў Венгрыі", - паведаміў кіраўнік Расійскага фонду прамых інвестыцый Кірыл Дзмітрыеў.

Вакцына была зарэгістравана па паскоранай працэдуры. Раней, у лістападзе, у краіну былі дастаўлены першыя ўзоры прэпарата для клінічных даследаванняў. На падставе іх вынікаў і ацэнкі якасці, было прынята рашэнне дапусціць вакцыну да ўжывання.

21 студзеня расійская вакцына "Спутник V" была таксама адобрана і ў ААЭ.

Раней паведамлялася, што ў лютым пачнецца экспертыза для рэгістрацыі расійскай вакцыны ў ЕС.

"Спутник V"

Расія стала першай краінай у свеце, якая зарэгістравала вакцыну ад каронавіруса. На дадзены момант у краіне зарэгістраваны два прэпараты: ад Нацыянальнага даследчага цэнтра эпідэміялогіі і мікрабіялогіі імя Н. Ф. Гамалеі Міністэрства аховы здароўя Расіі "Спутник V" і распрацаваная Дзяржаўным навуковым цэнтрам вірусалогіі і біятэхналогіі "Вектар" Распатрэбнагляда. Пачаты працэс рэгістрацыі трэцяй вакцыны - ад Цэнтра ім. Чумакова.

У Беларусі аб рэгістрацыі расійскай вакцыны "Спутник V" Міністэрства аховы здароўя паведаміла 21 снежня, а 29 снежня першыя сем прышчэпак атрымалі медыкі 5-й гарадской клінічнай паліклінікі Мінска.

19 студзеня ў краіне стартавала масавая вакцынацыя медработнікаў, якія знаходзяцца ў зоне рызыкі.

На дадзены момант вакцына "Спутник V" зарэгістравана ў Расіі, Беларусі, Сербіі, Венгрыі, Аргенціне, Балівіі, Алжыры, Палестыне, Венесуэле, Парагваі, ААЭ, Туркменістане.

Заяўкі на набыццё вакцыны "Спутник V" накіравалі больш за 50 краін Блізкага Усходу, Азіі, Лацінскай Амерыкі, Еўропы і СНД.

Чытайце таксама:

10
Тэги:
Расія, Венгрыя, Вакцынацыя
Тэмы:
Расійскія вакцыны ад каронавіруса
Пульсометр на пальцы пацыента

Міністэрства аховы здароўя Беларусі абнавіла статыстыку па COVID: плюс 1804 за суткі

13
(абноўлена 15:21 21.01.2021)
У краіне з пачатку пандэміі было зарэгістравана больш за 232 тысяч чалавек са станоўчым тэстам на каронавірус.

МІНСК, 21 сту – Sputnik. За мінулыя суткі ў Беларусі ў 1 804 чалавек пацвердзіўся дыягназ COVID-19, паведамляе Міністэрства аховы здароўя.

Паводле статыстыкі ведамства, за апошнія 24 гадзіны выпісалася 2 378 пацыентаў з каронавірусам. Ахвярамі пандэміі за суткі сталі дзевяць чалавек, усяго ў краіне 1 619 пацыентаў памерлі ад COVID-19.

"Усяго, з пачатку пандэміі, у Беларусі былі зарэгістраваны - 232 298 чалавек з станоўчым тэстам на COVID-19. Паправіліся 216 744 пацыента, у якіх раней быў пацверджаны дыягназ COVID-19", - гаворыцца ў паведамленні.

Колькасць тэстаў, зробленых за суткі, перавысіла 16,5 тысячы. Усяго ў краіне праведзена больш за 4 мільёны ПЦР-даследаванняў. Даведацца, дзе ў Беларусі можна здаць тэст на каронавірус, можна тут.

Масавая вакцынацыя ад COVID-19

Беларусы ўжо пачалі прышчапляцца ад каронавіруса. Першымі ўколы атрымалі людзі з групы рызыкі - медыкі. Дзесяць чалавек, якіх вакцынавалі 29 снежня, адчуваюць сябе добра.

У сярэдзіне вясны, па словах кіраўніка Міністэрства аховы здароўя Дзмітрыя Піневіча, вакцынавацца змогуць усе жадаючыя грамадзяне краіны.

Беларусь першай пасля Расіі пачала вакцынацыю грамадзян расійскім прэпаратам "Спутнік V". Раней паведамлялася, што ў рэспубліцы да канца вясны плануецца прышчапіць 1,2 мільёна чалавек, паступова выйшаўшы на паказчык у 5,5 мільёна жыхароў.

Чытайце таксама:

13
Тэги:
Статыстыка, Міністэрства аховы здароўя Рэспублікі Беларусь, каронавірус