Беларусаў на гэтым тыдні чакае шэсць працоўных дзён

© PixabayШтодзённік
Штодзённік - Sputnik Беларусь
Падпісацца
У суботу 20 студзеня жыхары краіны будуць працаваць за дадатковы выхадны, прадстаўлены 2-га чысла.

МІНСК, 15 сту — Sputnik. Бліжэйшая субота 20 студзеня ў Беларусі з'яўляецца працоўнай, гэта замацавана ва ўстаноўленым Саўмінам графіку выходных і працоўных дзён на 2018-ы год.

Каляндар выхадных і святочных дзён на бягучы год Савет міністраў РБ зацвердзіў яшчэ ў канцы 2017-га. Акрамя дзяржаўных святаў і выхадных дзён, устаноўлены і пераносы працоўных — у тых выпадках, калі гэта неабходна.

Святочныя і выхадныя дні ў 2018 годзе ў Беларусі - Sputnik Беларусь
Інфаграфіка
Каляндар выхадных і святочных дзён у 2018 годзе ў Беларусі

Так, аўторак 2 студзеня ў Беларусі зрабілі выхадным, аднак адпрацаваць гэты дзень усё ж трэба, і зрабіць гэта патрэбна 20 студзеня. Такім чынам, гэты тыдзень для беларусаў будзе доўгім- шасцідзённым.

У наступны раз падобная сітуацыя будзе ў сакавіку: выхадным абвешчаныя не толькі восьмае, але і дзявятае сакавіка, аднак за яго адзін дзень прыйдзецца адпрацаваць 3-га чысла.

А вось у красавіку беларусаў чакаюць адразу дзве "шасцідзёнкі".

Кіраўнікі арганізацый маюць права на сваё меркаванне адмаўляцца ад пераносаў выхадных дзён і не рабіць суботу працоўнай.

Стужка навiн
0