МІНСК 6 лют — Sputnik. Дыстанцыйнае навучанне па большасці спецыяльнасцяў плануе запусціць Беларускі дзяржаўны ўніверсітэт, распавёў рэктар установы Андрэй Кароль.
Навучанне будзе арганізавана як на рускай, так і на англійскай мове. У інтэрв'ю газеце "Рэспубліка" Кароль адзначыў, што кантэнт на англійскай мове з'явіцца абавязкова, паколькі ён арыентаваны на аўдыторыю, якая гатовая плаціць за адукацыю.
Паводле яго слоў, інфармацыя не з'явіцца ў адкрытым доступе: на міжнародных платформах стануць прапаноўваць навучальныя матэрыялы з лекцыямі вядучых прафесараў, заданнямі і крытэрамі ацэнкі, каб мець права выдаваць дыпломы.
Пачаць паўнавартаснае дыстанцыйнае навучанне па большасці існуючых спецыяльнасцяў маюць намер у бліжэйшыя тры гады.
На думку рэктара БДУ, варта не толькі працаваць над метадамі навучання, але і развіваць тэхнічнае абсталяванне ВНУ і сетку сучасных інтэрнатаў.
Праекты з магчымасцю атрымаць дыстанцыйную онлайн-адукацыю папулярныя ва ўсім свеце. Напрыклад, са многіх краін людзі запісваюцца на курсы партала Coursera — там можна вывучаць шэраг дысцыплін у вядучых універсітэтах свету. Напрыклад, там даступныя курсы Масачусецкага тэхналагічнага ўніверсітэта, Кембрыджа і маскоўскай Вышэйшай школы эканомікі.
