Лукашэнка абвясціў 2018-ы Годам малой радзімы

© пресс-служба президента РБ Прэзідэнт Беларусі Аляксандр Лукашэнка
Прэзідэнт Беларусі Аляксандр Лукашэнка - Sputnik Беларусь
Падпісацца
Лукашэнка заклікаў шырока трактаваць гэтае паняцце і разумець пад "малой радзімай" і горад ці вёску, дзе прайшло дзяцінства, і любімы кавалачак дзікай прыроды.

МІНСК, 9 лют — Sputnik. Прэзідэнт Беларусі Аляксандр Лукашэнка аб'явіў  2018-ы Годам малой радзімы, ён заклікаў аказаць дапамогу таму месцу, дзе правялі юныя гады — яна можа быць "матэрыяльнай, стваральнай, асветніцкай, творчай".

Паняцце малой радзімы Лукашэнкі таксама заклікае трактаваць шырока.

"Для адных — гэта родны горад ці вёска, дзе прайшлі лепшыя дзіцячыя гады, для іншых — кавалачак дзікай прыроды, які цешыў вока і дарыў пачуццё напоўненасці і спакою. А для тых, хто з'ехаў шукаць шчасце ў іншыя краіны, малой радзімай стала Беларусь", — цытуе Лукашэнку прэс-служба кіраўніка дзяржавы.

Прэзідэнт заклікаў праявіць сябе і ўпісаць сваё імя ў гісторыю малой радзімы.

"Беларусь — наш агульны дом, і ў нашых інтарэсах зрабіць яго ўтульным і ўзорным! Давайце пакажам, што мы сапраўдныя і руплівыя гаспадары сваёй зямлі. Нас шмат, і таму нават самы сціплы ўклад кожнага згуляе сваю ролю. Зробіць краіну яшчэ больш прыгожай", — заклікаў Лукашэнка і адзначыў, што справы "важней лозунгаў і словаў".

Беларускі лідар падкрэсліў, што чым больш у краіне будзе паспяховых людзей, тым мацней дзяржава, і заклікаў перадаць гэтае разуменне дзецям. У той жа час Лукашэнка запатрабаваў прааналізаваць, як можна дапамагчы беларускіх вёсках стаць прывабнымі ў тым ліку і для моладзі. Ён загадаў чыноўнікам паставіць сябе на месца работнікаў вёскі і падумаць, як можна палепшыць не толькі ўмовы працы, але і жыцця, і вольнага часу ў вёсцы.

Стужка навiн
0