Шкарпэткі для прэм'ер-міністра Канады Джасціна Трудо

Снупі для Трудо: брэсцкая фабрыка падарыла шкарпэткі прэм'ер-міністру Канады

23
(абноўлена 15:35 19.02.2018)
Цяпер супрацоўнікі панчошнага камбіната чакаюць, калі Джасцін Трюдо "засвеціцца" ў шкарпэтках з Брэста.

БРЭСТ, 19 лют — Sputnik. Ліст з падзякай за шкарпэткі са Снупі з адміністрацыі прэм'ер-міністра Канады Джасціна Трудо прыйшоў у ААТ "Брэсцкі панчошны камбінат" у пятніцу, 16 лютага.

Пасылку з эксклюзіўнымі шкарпэткамі брэсцкае прадпрыемства адправіла яшчэ восенню мінулага года. Акрамя пары са Снупі ў бандэроль паклалі мужчынскія і жаночыя шкарпэткі з беларускім арнаментам у бляшанцы.

Носки для премьер-министра Канады Джастина Трюдо
© Photo : ОАО "Брестский чулочный комбинат"
Шкарпэткі для прэм"ер-міністра Канады Джасціна Трудо

Джасцін Трудо вядомы сваёй любоўю да яркіх, рознакаляровых шкарпэтак. Улетку панчошны камбінат вырашыў падарыць прэм'ер-міністру шкарпэткі ўласнай вытворчасці. Дызайнерская ідэя звязаная з тым, што цацку ў выглядзе Снупі ў дзяцінстве Джасціну Трудо падарыла жонка прэзідэнта ЗША Рычарда Ніксана. Тады яго бацька П'ер Трудо займаў пасаду канадскага прэм'ера і сустракаўся з Ніксанам. Амерыканская пара пажадала хлопчыку ў будучыні стаць прэм'ер-міністрам Канады.

Да шкарпэтак у пасылцы прыкладалаўся ліст, у якім было напісана, што Беларусь і Канада маюць шмат агульнага. Напрыклад, у вядомага хакеіста Уэйна Грэцкі ёсць беларускія карані і ў Канадзе жыве вялікая беларуская дыяспара.

"Справа ў тым, што Джасцін Трудо — публічная персона, якая выклікае цікавасць не толькі статусам — чалавек уваходзіць у G7, адзін з сямі галоўных лідэраў гэтага свету. Але ён яшчэ і чалавек, за якім сочыць увесь свет, амаль абразчык стылю для кагосьці, і новы погляд на тое, як можа выглядаць публічная персона, але не са сферы шоў-бізнэсу", — распавёў Sputnik дырэктар ААТ "Брэсцкі панчошны камбінат" Сяргей Жаўняровіч.

Цяпер за з'яўленнем сусветнага лідэра на публічных мерапрыемствах супрацоўнікі прадпрыемства будуць сачыць больш пільна.

Носки для премьер-министра Канады Джастина Трюдо
© Photo : ОАО "Брестский чулочный комбинат"
Тры шкарпэткі - на выпадак, калі адна страціцца

"Вядома, фатаграфіі Трудо будзем разглядаць з асаблівай дбайнасцю. І, вядома, калі разгледзім уласныя шкарпэткі, то раздрукуем фота і павесім у офісе, каб любавацца ўласнай прадукцыяй на нагах аднаго з сусветных лідэраў", — падзяліўся кіраўнік прадпрыемства.

Трудо — не адзіная знакамітасць, у якой ёсць шкарпэткі Брэсцкага панчошнага камбіната. Народны артыст Беларусі дырыжор Міхаіл Фінберг таксама носіць шкарпэткі брэсцкай вытворчасці.

"Ведаю, што Фінберг носіць нашы шкарпэткі. Але, праўда, яны цікавыя не малюнкам, не дызайнам, а тэхналогіяй вырабу. Ён нам даслаў падзячны ліст, які таксама вісіць у нас у офісе", — паведаміў Сяргей Жаўняровіч.

Ці з'явяцца шкарпэткі, як у Трудо, у продажы ў Беларусі, пакуль не вядома. Але на прадпрыемстве не выключаюць такой верагоднасці.

"Снупі для Трудо — гэта быў некамерцыйны прадукт. Мы яго не прадавалі, не атрымлівалі грошы. Для нас тут няма праблемы выкарыстання гэтага вобразу. Калі пусціць гэта ў серыю, нам трэба будзе знайсці праваўладальніка і з ім дамовіцца. А так як персанаж такой мегапапулярны ў цэлым свеце, права на яго выкарыстанне каштуе вялікіх грошай, я мяркую. Пакуль мы вядзем размовы аб выкарыстанні іншых вядомых персанажаў на нашых шкарпэтках. Снупі, так бы мовіць, у шорт-лісце", — растлумачыў дырэктар камбіната.

23
Тэги:
шкарпэткі, ААТ "Брэсцкі панчошны камбінат", Джасцін Трудо, Брэст, Беларусь
Машыны хуткай дапамогі ў бальніцы ў Камунарцы

Зноў больш за 900 за суткі: Мінздароўя Беларусі абнавіла статыстыку па COVID

12
(абноўлена 16:17 27.10.2020)
З пачатку пандэміі ахвярамі каронавіруснай інфекцыі ў рэспубліцы сталі 965 чалавек.

МІНСК, 27 кас - Sputnik. Па стане на аўторак у Беларусі зарэгістравана 94 тысяч 609 чалавек са станоўчым тэстам на COVID-19, такія дадзеныя апублікаваў Міністэрства аховы здароўя рэспублікі.

Такім чынам, за мінулыя суткі колькасць пацверджаных выпадкаў інфекцыі павялічылася на 902. Максімальны сутачны прырост за ўвесь час пандэміі ў Беларусі склаў 973 выпадкі, ён зафіксаваны 29 красавіка гэтага года. Мінімальны - 58 новых выпадкаў - зарэгістраваны 11 жніўня.

Паправіліся 84 237 пацыентаў (489 да 26 кастрычніка), памерлі 965 (4) пацыентаў з шэрагам хранічных захворванняў і выяўленай каронавіруснай інфекцыяй.

Раней у аўторак заяву з нагоды другой хвалі каронавіруса зрабіў кіраўнік Брэсцкага гарвыканкама Аляксандр Рагачук. Ён таксама даў шэраг рэкамендацый жыхарам горада на Бугу.

12
Тэги:
каронавірус, Міністэрства аховы здароўя Рэспублікі Беларусь, Беларусь
Тэмы:
Каронавірус COVID-19
Вакцынацыя ўрачоў ад каронавіруса ў Краснадары

Вытворчасць вакцыны "ЭпиВакКорона" стартавала ў Расіі

8
(абноўлена 12:59 27.10.2020)
Пра пачатак вытворчасці вакцыны ад каронавіруса "ЭпиВакКорона" заявілі ў Расспажыўнаглядзе, у выпрабаваннях прымуць удзел каля 40 тысяч добраахвотнікаў.

МІНСК, 27 кас - Sputnik. Аб рэгістрацыі другой вакцыны ад каронавіруса ў Расіі паведаміў Уладзімір Пуцін у сярэдзіне кастрычніка.

Выпрабаванні "ЭпиВакКороны" пачнуцца ў бліжэйшы час, у іх будуць удзельнічаць у тым ліку людзі старэйшыя за 60 гадоў і якія пакутуюць ад хранічных захворванняў. Вакцыну рэкамендуюць уводзіць двухразова з інтэрвалам не менш 14-21 дзень. Масавыя пастаўкі запланаваны на апошнія дні лістапада ці снежня. У грамадзянскі абарот прэпарат можа паступіць з 1 студзеня.

Нагадаем, раней Пуцін заклікаў нарошчваць вытворчасць двух расійскіх вакцын ад каронавіруса і забяспечыць імі ў першую чаргу айчынны рынак. Расія плануе прасоўваць свае вакцыны ад каронавіруса за мяжой. Аднак, па словах Пуціна, неабходна імкнуцца, каб вытворчасць для іншых краін пераважна вялася на іх жа магутнасцях.

Нагадаем, першую ў свеце вакцыну ад каронавіруса "Спутник V", распрацаваную ў расійскім НДЦ імя Гамалеі, Міністэрства аховы здароўя РФ зарэгістравала ў жніўні. Выпрабаванні прэпарата прайшлі ў чэрвені-ліпені на добраахвотніках ва ўзросце ад 18 да 60 гадоў. Да канца 2020-га года ў Расіі плануюць вырабіць каля 2,3 млн доз гэтай вакцыны, а вясной будучага года расійскі Мінпрамгандаль мае намер выйсці на паказчык у 15 млн доз у месяц.

Таксама зараз ідзе праца над стварэннем жывы вакцынай ад Цэнтра даследаванняў і распрацоўкі імунабіялагічных прэпаратаў імя Чумакова Расійскай акадэміі навук.

8
Тэги:
Расія, Вакцынацыя, каронавірус
Тэмы:
Каронавірус COVID-19
Аляксандр Васілевіч, партнёр рэкламнага агенцтва Vondel/Hepta

Удзельніку "круглага стала" з Лукашэнкам Васілевічу працягнулі арышт

0
(абноўлена 17:35 27.10.2020)
На дадзены момант пецярым з дванаццаці прысутных на сустрэчы з прэзідэнтам змякчылі меру пакарання або адмянілі зусім.

МІНСК, 27 кас - Sputnik. Сузаснавальніку рэдакцый беларускіх інтэрнэт-выданняў KYKY і The Village Аляксандру Васілевічу працягнулі тэрмін знаходжання ў СІЗА, піша ў сваім Facebook яго жонка Надзея Зелянкова.

"Аляксандр Васільевіч ужо два месяцы ў турме. Сёння яму працягнулі тэрмін затрымання яшчэ на месяц. Саша адчувае сябе выдатна, так паказалі па тэлевізары", - дзеліцца Зелянкова.

Васілевіч удзельнічаў у сустрэчы прэзідэнта Беларусі Аляксандра Лукашэнкі з прадстаўнікамі апазіцыі краіны, якая прайшла 10 кастрычніка ў СІЗА КДБ. Акрамя яго з прэзідэнтам размаўлялі яшчэ 11 чалавек: незарэгістраваны кандыдат у прэзідэнты Віктар Бабарыка з сынам Эдуардам, члены Каардынацыйнага савета Лідзія Уласава і Максім Знак, дырэктар IT-кампаніі PandaDoc Дзмітрый Рабцэвіч, экс-супрацоўнікі "Белгазпрамбанка" Сяргей Дабралёт і Кірыл Бадзей, паліттэхнолаг Віталь Шкляраў, блогер Сяргей Ціханоўскі, адвакат Ілля Салей, а таксама прадпрымальнік Юры Васкрасенскі.

Васкрасенскі і Рабцэвіч сталі першым, каго адпусцілі з СІЗА КДБ. Пазней меру стрымання змянілі Іллі Салею і Наталлі Уласавай - іх адправілі пад хатні арышт, а затым для Уласавай яго адмянілі. З падпіскай аб нявыездзе выйшаў з "амерыканкі" Віталь Шкляраў.

Першы раз Аляксандра Васілевіча затрымалі на два тыдні 28 ліпеня. Тады ён і яшчэ дзесяць чалавек прыйшлі ў СІЗА КДБ, каб паручыцца за экс-банкіра Віктара Бабарыкі. Праз месяц Васілевіч быў выкліканы на допыт у Дэпартамент фінансавых расследаванняў Камітэта дзяржкантролю і зноў апынуўся пад вартай.

0
Тэги:
Арышт і затрыманне, КДБ РБ