МІНСК, 5 сак — Sputnik. Усяго тры працоўныя дні будуць у беларусаў на гэтым тыдні — з панядзелка 5 сакавіка па сераду 7 сакавіка, гэта прадугледжана ўстаноўленым Саветам міністраў календаром выхадных і працоўных дзён на год.
Мінулы тыдзень у беларусаў быў шасцідзённы — з-за пераносу працоўнага дня субота 3 сакавіка была аб'яўлена працоўнай.
Бягучы працоўны тыдзень 5-11 сакавіка будзе "кароткі": працаваць грамадзяне краіны будуць толькі ў панядзелак, аўторак і сераду. У чацвер у Беларусі будзе дзяржаўнае свята — 8 Сакавіка, а за пятніцу 9 сакавіка ў рэспубліцы ўжо адпрацавалі.
Аднак працадаўцы маюць права самі ўсталёўваць каляндар рабочых і святочных дзён — у залежнасці ад вытворчай неабходнасці. Аналагічна могуць паступаць і ў навучальных установах: так, частка ўніверсітэтаў у пятніцу будуць працаваць.
Наступныя "доўгія выхадныя" чакаюць беларусаў у красавіку: у сувязі са святкаваннем Радаўніцы і Вялікадня два тыдні будуць шасцідзённымі, аднак чакаюць грамадзян і дадатковыя дні адпачынку.
