Адукацыйны праект для мас-медыя SputnikPro стартаваў у Беларусі

© Sputnik / Ирина БукасПрэзентацыя SputnikPro у прэс-цэнтры Sputnik
Прэзентацыя SputnikPro у прэс-цэнтры Sputnik - Sputnik Беларусь
Падпісацца
Лепшыя расійскія медыяменеджары таксама правядуць унікальныя майстар-класы для журналістаў у Грузіі і Арменіі.

МІНСК, 14 сак — Sputnik. Sputnik прадставіў у Мінску новы адукацыйны праект для журналістаў, які высока ацанілі як дзяржаўны сакратар СД Рыгор Рапота, так і намеснік міністра інфармацыі Беларусі Павел Лёгкі.

Новы адукацыйны праект SputnikPro — гэта серыя ўнікальных майстар-класаў ад лепшых расійскіх медыяменеджараў і вядучых спецыялістаў для прадстаўнікоў СМІ, прэс-сакратароў і супрацоўнікаў прэс-службаў, а таксама студэнтаў старэйшых курсаў профільных ВНУ, якія пройдуць у Арменіі, Беларусі і Грузіі.

"У рамках аднаго медыяфоруму складана адказаць на ўсе пытанні, тым больш што развіццё медыятэхналогій сёння ідзе такімі тэмпамі, што вам прыйдзецца гэтым увесь час займацца", — заявіў дзяржаўны сакратар СД Рыгор Рапота ў сваім звароце да ўдзельнікаў семінара.

Ён назваў праект SputnikPro "вельмі добрай справай" і пажадаў поспехаў усім, хто займаецца гэтым праектам і будзе прымаць удзел у майстар-класах.

У сваю чаргу намеснік міністра інфармацыі Беларусі Павел Лёгкі, які прысутнічаў на адкрыцці праекта ў мультымедыйным прэс-цэнтры Sputnik, адзначыў, што падобны абмен вопытам у сферы мас-медыя вельмі важны, што самае галоўнае ў сучаснай журналістыцы — гэта ўзровень падрыхтоўкі супрацоўнікаў СМІ.

© Sputnik / Виктор ТолочкоНамеснік міністра інфармацыі Павел Лёгкі
Замминистра информации Павел Легкий - Sputnik Беларусь
Намеснік міністра інфармацыі Павел Лёгкі

"Сёння інтэрнэт-журналістыка — гэта рэальнасць, а не проста навамодны трэнд. Калі мы гаворым пра інтэрнэт-журналістыку, гаворка ідзе не аб правадах, серверах, кросінгу. Гаворка, у першую чаргу, аб якасці кадраў, прафесійным узроўні людзей, якія тут працуюць. Гэта самае галоўнае", — падкрэсліў ён.

© Sputnik / Виктор ТолочкоМайстар-клас Алега Шчадрова ў прэс-цэнтры Sputnik
Мастер-класс Олега Щедрова в пресс-центре Sputnik - Sputnik Беларусь
Майстар-клас Алега Шчадрова ў прэс-цэнтры Sputnik

Аб глабальных трэндах новых медыя беларускім журналістам распавяла намеснік галоўнага рэдактара МІА "Россия сегодня", старшы выкладчык кафедры новых медыя факультэта журналістыкі МДУ Наталля Лосева.

З сінтэтычнымі фарматамі падачы інфармацыі ў СМІ прысутных пазнаёміла намеснік дырэктара Дырэкцыі дзяржаўных інтэрнэт-праектаў МІА "Россия сегодня" Ірына Кядроўская.

Кіраўнік навучальных праграм МІА "Россия сегодня" Алег Шчадроў распавёў, як пісаць для інтэрнэта, каб зрабіць гісторыю захапляльнай і лёгкай для чытання.

© Sputnik / Виктор ТолочкоМайстар-клас Алега Шчадрова ў прэс-цэнтры Sputnik
Мастер-класс Олега Щедрова в пресс-центре Sputnik - Sputnik Беларусь
Майстар-клас Алега Шчадрова ў прэс-цэнтры Sputnik

Такі майстар-клас у Беларусі праведзены ўпершыню, да канца года плануецца правесці яшчэ дзве сустрэчы лепшых расійскіх медыяменеджараў з журналістамі рэспубліканскіх і рэгіянальных СМІ, прадстаўнікамі прэс-службаў і студэнтамі старэйшых курсаў.

Стужка навiн
0