Наведвальнікі кафэ, архіўнае фота

Міжнародны стартап-фестываль кулінарнага майстэрства пройдзе ў Магілёве

19
(абноўлена 21:46 19.03.2018)
Лепшыя стратап-праекты будуць прадстаўлены на маладзёжным форуме, які адбудзецца 26-28 верасня 2018 года у рамках V Форуму рэгіёнаў Беларусі і Расіі.

МІНСК, 19 сак – Sputnik. Міжнародны стартап-фестываль кулінарнага майстэрства "Нацыянальная кухня: учора, сёння, заўтра" пройдзе ў Магілёўскім дзяржаўным універсітэце харчавання, пра гэта паведамляецца на сайце ўніверсітэта.

Фестываль праводзіцца ў рамках святкавання 45-годдзя ўніверсітэта. Яго галоўная мэта — папулярызацыя беларускай нацыянальнай кухні і стварэнне "кулінарнага брэнда Беларусі".

Таксама ва ўніверсітэце разлічваюць, што фестываль паспрыяе раскрыццю патэнцыялу таленавітай моладзі, пашырэнню акадэмічных сувязяў і павышэнню турыстычнай прывабнасці Рэспублікі Беларусь.

Арганізатарамі стартап-фестывалю з'яўляюцца Міністэрства адукацыі Рэспублікі Беларусь і Магілёўскі дзяржаўны ўніверсітэт харчавання.

У фестывалі прымуць удзел студэнты ўстаноў вышэйшай адукацыі Рэспублікі Беларусь і іншых дзяржаў.

Публічная прэзентацыя бізнес-ідэй адбудзецца 29 сакавіка ў Магілёўскім дзяржаўным універсітэце харчавання.

Пераможцаў і прызёраў фестывалю ўзнагародзяць прызамі і памятнымі падарункамі. Усе ўдзельнікі атрымаюць дыпломы ўдзельнікаў фестывалю.

Лепшыя стратап-праекты будуць прадстаўлены на маладзёжным форуме, які адбудзецца 26-28 верасня 2018 г. у рамках V Форуму рэгіёнаў Беларусі і Расіі з удзелам прэзідэнтаў дзвюх краін.

19
Тэги:
Нацыянальная кухня, Стартап-фестываль "Нацыянальная кухня: учора, сёння, заўтра", Магілёўскі дзяржаўны ўніверсітэт харчавання, Магілёў, Беларусь

Піцерскія майстры ўзяліся за рэстаўрацыю гадзінніка Нотр-Дама - відэа

16
(абноўлена 11:00 03.03.2021)
Спецыялісты гадзіннікавага завода "Ракета", які знаходзіцца ў Санкт-Пецярбургу, рамантуюць гадзіннік сабора Парыжскай Божай Маці, пацярпелы ў выніку моцнага пажару. Як гэта адбываецца - глядзіце на відэа.

Аб'ём работ, які неабходна выканаць піцерскім майстрам, на заводзе назвалі даволі значным - гадзіннікавым майстрам трэба будзе вырабіць каля двух тысяч дэталяў.

"Мы думаем у нас у кампаніі вырабляць колы для механізма", - распавёў інжынер-канструктар прадпрыемства Віталь Камароў.

Ён адзначыў, што завод ужо вырабіў сігнальную прыладу, якая ўнутры будынка будзе паказваць час вялікага гадзінніка на фасадзе Нотр-Дама.

Раней на прадпрыемстве адзначылі, што ў Францыі цяпер няма тэхналогій для выпуску манументальных гадзіннікаў, а піцерскі завод мае такі вопыт - прыкладам гэтаму механізм у атрыуме ЦДМ у Маскве. Гадзіннік памерам шэсць на сем метраў важыць больш за чатыры тоны і складаецца з тысяч дэталяў, выкананых з розных матэрыялаў.

Пажар у саборы Парыжскай Божай Маці адбыўся 15 красавіка 2019 года. Абрынуўся шпіль сабора, полымем была агорнутая апорная канструкцыя. Як паведамілі пажарныя, структура Нотр-Дама і галоўныя творы мастацтва, рэліквіі, якія захоўваліся ў саборы, ацалелі. Пракуратура Парыжа выключае крымінальную версію ўзгарання. У якасці магчымых прычын пажару разглядаюцца непатушаная цыгарэта ці праблемы з электрычнасцю.

Прэзідэнт Францыі Эмануэль Макрон раней заявіў пра амбіцыйную мэту аднавіць Нотр-Дам за пяць гадоў, хоць многія эксперты кажуць, што на рэканструкцыю можа сысці да 15 гадоў.

16
Тэги:
гадзіннік, Санкт-Пецярбург, Францыя
СІЗА, архіўны фотаздымак

Радзей заключаць пад варту ў Беларусі будуць з 14 красавіка

8
(абноўлена 13:04 03.03.2021)
У цяперашні час да абвінавачаных і падазроных ужываецца сем відаў мер стрымання, асноўная колькасць якіх не звязана з пазбаўленнем волі.

МІНСК, 3 сак – Sputnik. На 20% скарацілася колькасць санкцый, якія тычацца ўжывання меры стрымання ў выглядзе заключэння пад варту абвінавачаных, у мінулым годзе, паведамілі ў Генпракуратуры.

З сярэдзіны красавіка 2021 года ў сілу ўступаюць нормы абноўленага Крымінальна-працэсуальнага кодэкса, у адпаведнасці з якімі пашыраны пералік асоб, якіх не могуць заключаць пад варту.

"З 14 красавіка ўступаюць у сілу навацыі КПК, якімі устанаўліваецца забарона на заключэнне пад варту ў выпадку магчымасцi прымянення больш мяккай меры стрымання", - паведамілі Sputnik у сераду ў Генпракуратуры.

Там удакладнілі, што ў мінулым годзе з ліку абвінавачаных, у дачыненні да якіх дадзена санкцыя на заключэнне пад варту, больш за 50% былі раней судзімыя, больш за 10% хаваліся ад органа крымінальнага пераследу, больш за 5% - замежныя грамадзяне і асобы без грамадзянства, а 5 % - не мелі пэўнага месца жыхарства.

Адзначым, што з-за адсутнасці дастатковых падстаў пракуроры ў мінулым годзе адмовілі ў дачы санкцыі на заключэнне пад варту ў дачыненні да 315 грамадзян.

Меры стрымання ў Беларусі

У адпаведнасці з КПК, у цяперашні час у Беларусі да абвінавачаных і падазроных ужываецца сем відаў мер стрымання, з якіх пераважная большасць не звязана з пазбаўленнем волі.

Сярод іх - падпіска аб нявыездзе і належных паводзінах, асабістае даручальніцтва, залог, перадача асобы, на якую распаўсюджваецца статус ваеннаслужачага, пад назіранне камандавання вайсковай часткі. Непаўналетніх могуць аддаваць пад нагляд на час следства. Таксама ў Беларусі прымяняецца такая мера стрымання, як хатні арышт.

Тэрмін утрымання пад вартай вылічаецца з часу заключэння падазронага, абвінавачанага пад варту і да перадачы крымінальнай справы пракурору для накіравання ў суд. Знаходжанне абвінавачанага пад вартай больш за тры месяцы падчас следства можа быць падоўжана да трох месяцаў пракурорамі раёнаў. Далей тэрміны ўтрымання абвінавачанага пад вартай падаўжаюць пракуроры вобласці, горада Мінска або іх намеснікі да шасці месяцаў.

Падаўжэнне тэрміну ўтрымання пад вартай звыш шасці месяцаў дапускаецца толькі ў дачыненні да асоб, якія абвінавачваюцца ў здзяйсненні цяжкіх або асабліва цяжкіх злачынстваў, а таксама аб'ёмных крымінальных спраў.

Чытайце таксама:

8
Тэги:
воля, мера стрымання, варта, Беларусь