Слуцкія паясы-2017

Брытанская газета назвала беларускую мову сярод тых, якім пагражае знікненне

48
(абноўлена 12:42 26.03.2018)
Паводле ацэнак вучоных, да наступнага стагоддзя 50 адсоткаў цяперашніх распаўсюджаных моў свету вымрэ.

МІНСК, 26 сак – Sputnik. Брытанская газета Independent прапанавала чытачам паслухаць, як гучаць 25 моў, якім пагражае знікненне. Сярод іх ёсць і беларуская мова.

Згодна з падлікамі ЮНЕСКА, каля 2500 моў у свеце знаходзяцца пад пагрозай вымірання. Сярод іх, згадвае Independent, ёсць тыя, на якіх гавораць усяго 30 чалавек.

Паводле ацэнак вучоных, да наступнага стагоддзя 50 адсоткаў цяперашніх распаўсюджаных моў свету вымрэ. Мовы, якіям пагражае знікненне, вылучаюцца на падставе пяці катэгорый:

  • уразлівыя (большасць дзяцей размаўляюць на мове, але яна можа быць абмежавана сферамі ўжытку);
  • у небяспецы (дзе дзеці больш не вывучаюць мову як родную дома);
  • пад пагрозай знікнення (калі на мове размаўляюць бабулі і дзядулі і наступнае пакаленне можа іх зразумець, але яне не маюць зносінаў паміж сабой або з унукамі);
  • у крытычным становішчы (калі мовай валодаюць толькі людзі старэйшага ўзросту і амаль не ўжываюць яе);
  • зніклыя (калі не засталося тых, хто размаўляе на гэтай мове).

Каб паказаць прыгажосць моў, якія з’яўляюцца пад пагрозай знікнення, газета прапанавала носьбітам прамовіць фразу: "Іншая мова з'яўляецца іншым бачаннем жыцця".

Аўтары праекта згадваюць, што па-беларуску таксама размаўляюць у Латвіі, Літве, Польшчы, Расіі і Украіне. Нягледзячы на тое, што, паводле ацэнак, колькасць носьбітаў дасягае 4 мільёнаў, па агульным меркаванні даследчыкаў, большасць беларусаў размаўляюць дома па-руску і толькі каля паловы з іх здольныя чытаць і гаварыць па-беларуску.

48
Тэги:
пагроза вымірання, беларускамоўныя, Беларуская мова
Тэмы:
Вучым беларускую мову (58)
Бела-чырвона-белы сцяг на выхадзе з станцыі метро Пушкінская

Зараз афіцыйна: на дахах і фасадах будынкаў забаранілі размяшчаць сцягі

13
(абноўлена 12:25 26.11.2020)
Старшыня Мінгарвыканкама Уладзімір Кухараў распарадзіўся "спыніць вэрхал" і ўвесці дадатковыя меры па забеспячэнні грамадскага парадку, бяспекі і дысцыпліны ў сталіцы.

МІНСК, 26 ліс - Sputnik. З гэтага часу на фасадах і дахах будынкаў нельга вешаць вырабы "з гаручага тэкстылю", дадзеная пастанова апублікавана на Нацыянальным прававым інтэрнэт-партале.

МНС Беларусі ўнёс змены ў Правілы пажарнай бяспекі для жылых дамоў, будынкаў і збудаванняў.

У прыватнасці, не дапускаецца "размяшчаць на фасадах, дахах і (або) вонкавых паверхнях частак будынкаў (тэраса, ганак, прыступкі і іншыя) вырабы з гаручага тэкстылю, не прадугледжаныя праектнай дакументацыяй, за выключэннем выпадкаў, устаноўленых заканадаўствам".

Верагодна, гаворка ідзе пра бела-чырвона-белыя сцяги, якія цяпер масава вывешваюцца ў жылых дамах. Грамадзянам таксама нельга пакідаць без нагляду запаленыя свечкі, цеплагенератары, якія працуюць, курыць тытунёвыя вырабы ў ложку, выкідаць іх і запалкі непатушанымі з вокнаў, балконаў, а таксама ў смеццеправоды і скрыні. Пастанова №39 дзейнічае з 27 лістапада.

Колькі выдаткоўваюць МНС на зняцце сцягоў

У кастрычніку генеральны пракурор Мінска Алег Лаўрухін распавёў, у якую суму абыходзяцца пашкоджанні альбо апаганьванні фасадаў будынкаў, гарадскіх канструкцый і іншых аб'ектаў камунальнай уласнасці.

У якасці прыкладу пракурор назваў выезды пажарных службаў на дэмантаж недзяржаўнай сімволікі. Паводле яго слоў, толькі ад гэтых выездаў гарадскімі органамі МНС затрачана было каля 27 тысяч рублёў. Грошы, як адзначыў пракурор, кампенсуюць старшыні таварыстваў уласнікаў, калі такія маюцца. Менавіта яны нясуць адміністрацыйную адказнасць за парушэнне правілаў архітэктурных рашэнняў фасадаў будынкаў.

Якія яшчэ меры "па навядзенні парадку" ёсць у Мінску

Старшыня Мінгарвыканкама Уладзімір Кухараў на мінулым тыдні назваў тое, што адбываецца ў Мінску "вакханаліяй, якую пара спыняць" і заявіў аб увядзенні дадатковых мер па забеспячэнні грамадскага парадку, бяспекі і дысцыпліны ў сталіцы.

У спіс адрасоў, дзе цяпер асабліва пільна сочаць за "ўзорным парадкам", патрапілі 44 кропкі - цэлыя мікрараёны і асобныя двары.

Цяпер гэтыя месцы патрулююцца добраахвотнымі дружынамі, "дваровыя" чаты актыўна маніторацца на прадмет "сацыяльнай напружанасці", а мясцовыя ўлады павінны актыўна папулярызаваць і размяшчаць дзяржаўную сімволіку. Sputnik паглядзеў, якая праца ўжо праведзена і пагутарыў з жыхарамі "пратэстных" двароў.

13
Тэги:
Заканадаўства і права, Беларусь
Машыны хуткай дапамогі каля бальніцы

Хваля не спадае: Мінздароўя абнавіла статыстыку па каронавірусе

12
(абноўлена 12:54 26.11.2020)
Вылечыліся ад COVID-19 ўжо 108 тысяч 769 чалавек, такім чынам за суткі выпісана 1 тысяч 317 пацыентаў.

МІНСК, 26 ліс - Sputnik. Па стане на чацвер у Беларусі зафіксавана 130 012 выпадкаў заражэння каронавірусам, паведамляе Міністэрства аховы здароўя рэспублікі.

За мінулыя суткі колькасць тых, хто заразіўся павялічылася на 1563 чалавекі, вынікае з дадзеных ведамства. Усяго ад пачатку пандэміі праведзена 3 мільёна 158 тысяч 352 тэсты.

Вылечыліся ад COVID-19 ўжо 108 тысяч 769 чалавек, такім чынам за суткі выпісана 1 тысяч 317 пацыентаў.

"За ўвесь перыяд распаўсюджвання інфекцыі на тэрыторыі краіны памерлі 1 тысяч 128 пацыентаў з шэрагам хранічных захворванняў, з выяўленай каронавіруснай інфекцыяй", - распавялі ў ведамстве, такім чынам, у параўнанні з серадой колькасць ахвяр пандэміі вырасла на 9 чалавек.

Нагадаем, у Беларусі дзейнічае масачны рэжым і, па словах в. а. міністра аховы здароўя Дзмітрыя Піневіча, ён будзе доўжыцца да таго часу, пакуль не скончыцца эпідэмічны працэс. У ведамстве таксама запэўнілі, што лекаў для цяжкіх пацыентаў з COVID-19 у рэспубліцы закуплена дастаткова.
Другая хваля COVID-19 цяпер ідзе па ўсім свеце, пры гэтым спецыялісты СААЗ не выключаюць, што як мінімум еўрапейскім кантыненце не пазбегнуць трэцяй ўспышкі колькасці захворванняў.

12
Тэги:
каронавірус, Міністэрства аховы здароўя Рэспублікі Беларусь, Беларусь
Тэмы:
Каронавірус COVID-19
Які сёння дзень: 27 лістапада 2020 года

Які сёння дзень: 27 лістапада 2020 года

0
(абноўлена 11:21 20.11.2020)
Гэты дзень з'яўляецца трыста трыццаць другім па грыгарыянскім календары, да канца года застаецца 34 дні.

Гэты дзень - апошні перад Вялікім постам. Якія яшчэ падзеі адбыліся 27 лістапада і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 27 лістапада

  • У 1918 годзе ў склад Літоўскай Тарыбы кааптаваны 6 прадстаўнікоў Віленскай беларускай рады і створана Міністэрства беларускіх спраў Літвы.
  • У 1996 годзе ў выніку праведзенага рэферэндуму была спынена дзейнасць Вярхоўнага Савета Рэспублікі Беларусь.

Хто нарадзіўся 27 лістапада

  • 1900 год: Рыгор Пукст, беларускі кампазітар.
  • 1903 год: Піліп Пестрак, беларускі пісьменнік.
  • 1906 год: Юрый Арынянскі, беларускі акцёр і рэжысёр.
  • 1938 год: Зоя Літвінава, беларуская мастачка.
  • 1947 год: Эдуард Белагураў, беларускі мастак.

Таксама сёння нарадзіліся амерыканскі і ганконгскі кінаакцёр, майстар усходніх адзінаборстваў Брус Лі і савецкі і расійскі паэт і музыкант, галоўны выканаўца гурта "Акварыўм" Барыс Грабеншчыкоў.

27 лістапада ў народным календары

У гэты дзень, напярэдадні Вялікага посту, праваслаўныя вернікі шануюць памяць святога Піліпа, аднаго з 12 апосталаў. Гэты дзень у народзе называлі Піліпаўскія запускі, або заговіны.

У гэты дзень дазвалялася ў апошні раз да Каляд есці мяса і малочныя стравы. У вёсках пасля снядання рэшткі ежы не прыбіралі, а пакідалі для дамавіка. Дзяўчыны ў гэты дзень варажылі на суджанага. Для гэтага хавалі пасля вячэры кавалачак мяса і прымаўлялі: "Суджаны, прыходзь да мяне загаўляцца".

Лічылася, што калі ў гэты дзень пахмурна, у наступным годзе будзе добры ўраджай хлеба. Калі ішоў снег, гэта прадракала непагадзь у маі.

0
Тэги:
народны каляндар, які сёння дзень
Тэмы:
Які сёння дзень: каляндар знакавых падзей