Пошук Google на планшэце

Еўрапейцы лічаць, што Google і Facebook маніпулююць інфармацыяй

19
(абноўлена 16:05 19.04.2018)
Больш за дзве трэці немцаў і звыш за палову італьянцаў, французаў і брытанцаў упэўненыя ў тым, што IT-гіганты не неперадузятыя.

МІНСК, 19 кра — Sputnik. Большасць еўрапейцаў упэўненыя ў тым, што Facebook і Google выкарыстоўваюць алгарытмы для маніпулявання інфармацыяй на карысць таго ці іншага палітычнага пункту гледжання, сведчаць дадзеныя сацыялагічнага апытання.

Апытанне аб стаўленні еўрапейцаў да Facebook і Google ў рамках праекта Sputnik.Меркаванні правяла адна з найстарэйшых сацыялагічных кампаній Ifop. Галоўным пытаннем была аб'ектыўнасць інтэрнэт-гігантаў, а ў адказах жыхары розных краін паказалі ўнікальную аднадушнасць.

Інтэрнэт-маніпулятары

Згодна з вынікамі апытанняў большасць апытаных еўрапейцаў лічаць, што Google і Facebook, а таксама іншыя падобныя інтэрнэт-кампаніі выкарыстоўваюць алгарытмы для маніпулявання інфармацыяй.

Прычым маніпулююць яны інфармацыяй на карысць таго ці іншага палітычнага пункту гледжання.

Апытанне Sputnik.Меркаванні: Ці маніпулююць Google і Facebook інфармацыяй у чыіх-небудзь інтарэсах?
© Sputnik
Апытанне Sputnik.Меркаванні: Ці маніпулююць Google і Facebook інфармацыяй у чыіх-небудзь інтарэсах?

Такой пазіцыі прытрымліваюцца 68% немцаў, 60% італьянцаў, 57% французаў і 54% брытанцаў. Дарэчы, падтрымліваюць пункт гледжання і амерыканцы — у ЗША так думаюць 60% грамадзян.

Пры гэтым толькі 33% брытанцаў упэўненыя ў тым, што інфармацыя ў Google і Facebook падаецца аб'ектыўна, у іншых краінах паказчыкі меншыя — напрыклад, так мяркуюць толькі 24% амерыканцаў і 21% немцаў.

Вострае пытанне і для Беларусі

Сёння праблему маніпулявання інфармацыяй у сацыяльных сетках спрабуюць вырашыць і беларускія ўлады. Калі стала відавочна, што інтэрнэт шмат у чым замяняе "традыцыйныя СМІ", наспела і неабходнасць унясення зменаў у закон "Аб СМІ".

Так, інтэрнэт-пляцоўкі хочуць зраўнаваць у правах са звычайнымі СМІ — а значыць, ускласці на іх і адказнасць за прадстаўленую інфармацыю. Будзе ўведзена і магчымасць ідэнтыфікацыі каментатараў — каб не дапускаць выпадкаў, калі адзін чалавек пад рознымі імёнамі піша сотні паведамленняў, у тым ліку — з адкрытай хлуснёй і паклёпам.

Неаднаразова негатыўна выказваўся аб ступені дакладнасці і аб'ектыўнасці інфармацыі ў інтэрнэце і прэзідэнт Беларусі Аляксандр Лукашэнка — ён проста называў усё гэта "інфармацыйнай памыйніцай".

Дарэчы, разглядаць папраўкі ў заканадаўства аб СМІ пачнуць ужо з 19 красавіка.

19
Тэги:
Sputnik.Меркаванні, Facebook, Inc, Google, Еўропа
Канстытуцыя Рэспублікі Беларусь

Галоўчанка прадставіць канстытуцыйны законапраект у парламенце ў пятніцу

47
(абноўлена 14:48 23.06.2021)
Палата прадстаўнікоў у дзень закрыцця вясновай сесіі 25 чэрвеня разгледзіць папраўкі ў Канстытуцыю ў першым чытанні. Нарматыўны акт прадугледжвае ўвядзенне адзінага дня галасавання. У выпадку яго прыняцця выбары дэпутатаў усіх узроўняў і сенатараў будуць сумешчаны.

МІНСК, 23 чэр – Sputnik. Дэпутаты плануюць прыняць у пятніцу ў першым чытанні праект закона аб змене Канстытуцыі Беларусі. Прадставіць дакумент у Авальнай зале прэм'ер-міністр рэспублікі Раман Галоўчанка, паведамілі карэспандэнту Sputnik у прэс-службе Палаты прадстаўнікоў.

Для распрацоўкі канстытуцыйных паправак у ніжняй палаце парламента была створана часовая спецыяльная камісія, удакладнілі ў прэс-службе. Туды ўвайшлі дэпутаты, якія працуюць у Канстытуцыйнай камісіі, што рыхтуе асноўны блок змяненняў у галоўны закон краіны для прыняцця на рэспубліканскім рэферэндуме.

У гэты ж дзень у Авальнай зале адбудзецца закрыццё вясновай парламенцкай сесіі, а таксама прагучаць адказы ўрада на пытанні дэпутатаў і сенатараў.

Абмяркоўвацца будуць праблемы транспартнай галіны, будаўнічага комплексу і жыллёва-камунальнай гаспадаркі. Плануецца, што з асноўным дакладам выступіць віцэ-прэм'ер Анатоль Сівак.

Аб адзіным дне галасавання

У выпадку прыняцця канстытуцыйных паправак выбары ў мясцовыя саветы дэпутатаў, якія павінны прайсці не пазней за 18 студзеня наступнага года, будуць перанесены на 2023 год і сумешчаны з парламенцкімі. Прычым у адзін дзень будуць абірацца як дэпутаты Палаты прадстаўнікоў, так і члены Савета Рэспублікі.

Нагадаем, што сенатараў у Беларусі выбіраюць дэпутаты мясцовага ўзроўню на пасяджэннях.

Як паведаміла раней Sputnik старшыня Цэнтрвыбаркама Лідзія Ярмошына, арганізаваць усё гэта тэхнічна нескладана. Справа ў тым, што склад верхняй палаты парламента фарміруюць дэпутаты мясцовых саветаў адыходзячага склікання.

У адзіны дзень галасавання іх паўнамоцтвы яшчэ захоўваюцца - яны застаюцца да правядзення першай установачнай сесіі. Таму ўсё адбудзецца ў адну нядзелю, канстатавала Ярмошына.

Асноўны блок паправак у Канстытуцыю

Праект новага Асноўнага закона будзе вынесены на рэспубліканскі рэферэндум у лютым 2022 года. Над ім зараз працуе Канстытуцыйная камісія, у склад якой уваходзяць 36 чалавек.

Чарговае яе пасяджэнне адбудзецца 24 чэрвеня. Пра гэта паведаміў карэспандэнту Sputnik у сераду член камісіі, кіраўнік "Круглага стала дэмакратычных сіл" Юрый Васкрасенскі.

"Спецыялісты на гэты раз будуць разглядаць прэамбулу і першы раздзел галоўнага закона краіны - "Асновы канстытуцыйнага ладу", - распавёў Васкрасенскі.

У ім ідзе гаворка пра правы, свабоды і гарантыі грамадзян, асновы дэмакратыі, ролю палітычных партый і аб'яднанняў, віды ўласнасці, рэлігіі, дзяржаўныя сімвалы і мовы.

Чакаецца, што ў цэлым Канстытуцыя зведае істотныя змены. Плануецца пашырыць ролю парламента і абмежаваць заканадаўчую функцыю прэзідэнта.

Акрамя таго, частка адказнасці кіраўніка дзяржавы можа перайсці да ўрада. Напрыклад, прапануецца пашырыць паўнамоцтвы прэм'ер-міністра, узмацніўшы яго ролю ў фарміраванні Саўміна.

Усебеларускі народны сход можа атрымаць канстытуцыйны статус. Ён стане вышэйшым прадстаўнічым органам народаўладдзя, а выбіраць яго дэлегатаў будуць па такім жа механізме, як дэпутатаў парламента.

Канстытуцыйная камісія павінна падрыхтаваць усе папраўкі да першага жніўня гэтага года. Затым праект будзе вынесены на грамадскае абмеркаванне і апублікаваны ў сродках масавай інфармацыі.

У выбарчых бюлетэнях на рэспубліканскім рэферэндуме ўвесь блок карэкціровак будзе пазначаны ў адным пытанні.

Чытайце таксама:

47
Тэги:
Беларусь, Выбары, Галасаванне, Палата прадстаўнікоў Нацыянальнага Схода РБ, Парламент, Канстытуцыя, законапраект, Раман Галоўчанка

У Наваполацку ўзвялі пантонны мост відэа

16
(абноўлена 16:11 22.06.2021)
Калі мост праз Заходнюю Дзвіну зачынілі на рамонт, жыццё горада фактычна спынілася: адлегласць да цэнтра Наваполацка для жыхароў некаторых раёнаў павялічылася ў 10 разоў.

Пантонны 130-метровы мост праз Заходнюю Дзвіну ўсталявалі ў Наваполацку, узвядзеннем канструкцыі займаліся работнікі Пінскага цэнтра рэспубліканскага атрада спецыяльнага прызначэння "ЗУБР" МНС Беларусі.

За суткі ратавальнікі ўстанавілі 20 пантонаў, вагой у сем тон кожны. Па дадзеных прэс-службы МНС, ва ўзвядзенні маста было задзейнічана 30 чалавек, 18 машын пантонна-маставога парку і цягач ЗІЛ-131 з катэрам БМК 150.

Акрамя таго, дарожныя службы працуюць над добраўпарадкаваннем пад'язных шляхоў.

18 чэрвеня адзіны ў Наваполацку мост праз Заходнюю Дзвіну зачынілі на рэканструкцыю. Мост быў пабудаваны ў 1962 годзе і ўжо двойчы рамантаваўся - у 2000-м і 2018-м.

Глядзіце на відэа, як выратавальнікі ўзводзілі мост у Наваполацку.

Глядзіце таксама:

16
Тэги:
жыхар, відэа, мост, Наваполацк
Які сёння дзень: 24 чэрвеня 2021 года

Які сёння дзень: 24 чэрвеня 2021 года

0
(абноўлена 19:32 21.06.2021)
Гэты дзень з'яўляецца сто семдзесят пятым па грыгарыянскім календары, да канца года засталося 190 дзён.

Якія падзеі адбыліся 24 чэрвеня і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 24 чэрвеня

  • У 1989 годзе ў Вільнюсе пачаўся I Устаноўчы з’езд Беларускага народнага фронту "Адраджэнне".

Хто нарадзіўся 24 чэрвеня

  • 1777: Ян Ходзька, пісьменнік, публіцыст, грамадскі дзеяч.
  • 1796: Ян Чачот, беларускі паэт і фалькларыст.
  • 1900: Кузьма Чорны, беларускі пісьменнік.
  • 1907: Язэп Зазека, беларускі пісьменнік, навуковец, педагог.
  • 1949: Уладзімір Тоўсцік, беларускі мастак.

Таксама сёння нарадзіліся польскі мастак Ян Матэйка і англійскі астраном і пісьменнік Фрэд Хойл.

24 чэрвеня ў народным календары

Сёння праваслаўныя вернікі шануюць памяць апосталаў Варфаламея і Варнавы. Апостал Варфаламей быў адным з 12 вучняў Ісуса, Варнава – вучнем апостала Паўла, апосталам ад 70-ці.

Апостала ў народзе празвалі Варнава Сунічнік, бо ў лесе да гэтага часу ўжо выспяваюць суніцы. Іх хадзілі збіраць у лес, а вось ірваць у гэты дзень траву было забаронена, каб не прынесці з ёй у хату нячыстую сілу. Верылі нават, што лекавыя зёлкі на Варнаву становяцца ядавітымі.

Калі 24 чэрвеня туманна, будзе добры ўраджай грыбоў, а цёплая ноч прадвяшчае мноства садавіны.

0
Тэги:
народны каляндар, які сёння дзень
Тэмы:
Які сёння дзень: каляндар знакавых падзей