Знойдзены на гарышчы пісталет

Новы скарб знайшлі ў Гродне: загорнутыя ў фашысцкі сцяг стрэльбу і пісталет

49
(абноўлена 17:52 26.04.2018)
Схаваная на гарышчы зброя знаходзілася ў скрутку, зробленым з газеты "Праўда" 1944 года

МІНСК, 26 кра — Sputnik. Рабочыя адной з арганізацый Гродна падчас уборкі гарышча старой хаты знайшлі сцяг са свастыкай, у які былі загорнутыя малакаліберны пісталет і паляўнічая стрэльба, паведамілі Sputnik ва УУС Гродзенскага аблвыканкама.

Знаходка была зроблена працоўнымі ААТ "Гроднагарстрой" у доме 1930 года пабудовы, размешчаным на вуліцы 1 Мая.

"Знайшлі скрутак, загорнуты ў газету "Правда", датаваную кастрычнікам 1944 года: у нямецкім сцягу з выявай свастыкі знаходзілася двуствольная паляўнічая стрэльба ў разабраным стане і малакаліберны пісталет", — сказалі ва УУС.

Там таксама паведамілі, што было знойдзена 125 патронаў да дадзенай зброі.

Пісталет і стрэльба былі адпраўленыя на экспертызу ў Гродзенскае абласное ўпраўленне Дзяржаўнага камітэта судовых экспертыз. У цяперашні час па факце супрацоўнікі міліцыі праводзяць праверку.

Дом, где нашли оружие
© Фото : УВД Гродно
Дом, дзе знайшлі стрэльбу

Як раней паведамляў Sputnik, 14 красавіка на гарышчы старога дома на вуліцы 2-й Рабочай абласнога цэнтра знайшлі скарб з залатых манет, кошт якога склаў каля 15 тысяч долараў ЗША.

49
Тэги:
Скарб, зброя, Гродзенскі аблвыканкам, Гродна
Тэмы:
Беларускія скарбы: што, дзе, калі? (5)
Каментары