Самалёт Airbus A320

Прамы авіярэйс запушчаны паміж Мінскам і Новасібірскам

25
(абноўлена 18:17 02.05.2018)
Самалёты Airbus A320neo, разлічаныя на 164 пасажыры, з Новасібірска ў Мінск і назад будуць лятаць штотыдзень па серадах.

МІНСК, 2 мая — Sputnik. Прамыя авіязносіны паміж Мінскам і Новасібірскам адкрывае з сённяшняга дня авіякампанія S7 Airlines, інфармацыя пра гэта размешчана на сайце перавозчыка.

"Гарады краін СНД традыцыйна запатрабаваныя сярод пасажыраў S7 Airlines для асабістых паездак, а ў апошні час набіраюць папулярнасць і ў якасці турыстычных напрамкаў. У маі 2018 года вандроўцы з Сібірскага рэгіёна і з Далёкага Усходу змогуць адправіцца прамымі рэйсамі з Новасібірска ў Мінск: прайсціся па праспекце Незалежнасці з ўзорамі савецкай архітэктуры розных эпох, зірнуць на панараму горада з назіральнай пляцоўкі Нацыянальнай бібліятэкі і паспрабаваць фірмовыя беларускія дранікі", — гаворыцца ў паведамленні авіакампаніі.

Самалёты з новасібірскага аэрапорта Талмачова ў Мінск будуць лятаць кожны тыдзень па серадах. Перавозіць пасажыраў плануецца лайнерамі Airbus A320neo, якія могуць змясціць 164 чалавекі.

Вылятаць з Новасібірска самалёт будзе ў 11:10, а ў мінскім аэрапорце ён апынецца ў 12:15. У шляху пасажыры правядуць 5 гадзін 5 хвілін. Назад рэйс адправіцца ў 13:15, у Новасібірск прыбудзе а 22:00. Час у шляху складзе 4 гадзіны 45 хвілін (у абодвух выпадках паказаны мясцовы час вылету і прылёту).

Рашэнне аб неабходнасці запуску прамых авіязносін паміж Мінскам і Новасібірскам было прынята яшчэ ў кастрычніку 2017 года. Чакаецца, што дадзены маршрут будзе папулярны ў турыстаў.

25
Тэги:
рэйсы, Аэрапорт, Самалёты, Новасібірск, Расія, Беларусь
Каментары