Аб'ядноўваць усіх у краіне і на планеце: адкрылася выстава "СМІ ў Беларусі"

МІНСК, 3 мая — Sputnik. Сродкі масавай інфармацыі павінны пачуць заклік прэзідэнта Беларусі Аляксандра Лукашэнкі садзейнічаць кансалідацыі грамадства, сказаў на адкрыцці выставы "СМІ ў Беларусі" міністр інфармацыі Аляксандр Карлюкевіч.

"Хацелася б, каб у імкненні да дакладнай перадачы інфармацыі мы не забывалі і пра ролю медыя ў кансалідацыі грамадства нашай краіны", — сказаў міністр.

Велізарная роля СМІ заключаецца ў тым, каб кансалідаваць не толькі народ, не толькі ў маштабе краіны, але і на планетарным узроўні, падкрэсліў член Савета Рэспублікі Нацыянальнага сходу Сяргей Рахманаў.

© Sputnik / Виктор Толочко

Адкрыццё выставы пачалося з выступу Спецыялізаванага ліцэя МУС

Выстава "СМІ ў Беларусі" у дваццаць другі раз адкрылася ў сталіцы. На ёй прадстаўлены каля паўтысячы сродкаў масавай інфармацыі з Беларусі, Расіі, КНР, Балгарыі, Літвы, Азербайджана, Украіны, Латвіі, Індыі, Германіі, Турцыі, Грузіі і іншых краін.

© Sputnik / Виктор Толочко

Прывітальнае слова прэзідэнта Беларусі зачытаў намеснік кіраўніка Адміністрацыі прэзідэнта Уладзімір Жаўняк

Прывітальнае слова прэзідэнта Беларусі зачытаў намеснік кіраўніка Адміністрацыі прэзідэнта Уладзімір Жаўняк.

Свой стэнд на выставе прадставіла і міжнароднае агенцтва і радыё Sputnik Беларусь. На стэндзе можна пасачыць за працай перасоўнай радыёстудыі і пагутарыць з радыёвядучымі Sputnik Аляксандрам Крывашэевым і Вячаславам Шарапавым або паслухаць лекцыю намесніка галоўнага рэдактара інфармацыйнага агенцтва МІА "Россия сегодня" Наталлі Лосевай у канферэнц-зале.