Аперацыя на сэрцы, архіўнае фота

Унікальную аперацыю без скальпеля зрабілі дзіцяці ў Мінску

10
(абноўлена 11:30 05.05.2018)
Аперацыя, у якой удзельнічалі італьянскія ўрачы, доўжылася больш за дзве гадзіны.

МІНСК, 5 мая — Sputnik. Урачы ў Мінску правялі ўнікальную аперацыю — штучны імплантат уставілі 12-гадоваму хлопчыку з цяжкім парокам сэрца. Дзякуючы спецыяльнаму матэрыялу імплантат павінен стаць часткай арганізма.

Унікальнасць аперацыі, праведзенай 4 мая ў РНПЦ дзіцячай хірургіі ў тым, што яна выконвалася без выкарыстання скальпеля — імплантат быў уведзены праз сцегнавы сасуд у сэрца. Ён павінен замяніць пацыенту клапан, які будзе несці кроў у лёгачную артэрыю.

Раней для такіх аперацый быў неабходны разрэз грудной клеткі, спыненне сэрца і выкарыстанне штучнага кровазвароту. Дзіцяці замена клапана лёгачнай артэрыі праз вену з унікальным штучным пратэзам была праведзена ўпершыню — дагэтуль у Беларусі такую аперацыю рабілі толькі дарослым.

Аперацыя доўжылася больш за дзве гадзіны, у ёй удзельнічалі 7 медыкаў: хірургі, медсёстры і анестэзіёлагі. Беларускія медыкі працавалі сумесна з італьянскім хірургам Марыё Кармінаці, які ўжо больш за дзесяць гадоў развівае малаінвазіўныя метады і правёў ужо больш за 200 падобных аперацый.

Раней дзіця ўжо перанесла 4 адкрытыя аперацыі на сэрцы. Па папярэдніх прагнозах медыкаў, хлопчыку каля 15 гадоў не трэба будзе звяртацца па дапамогу кардыёлагаў.

10
Тэги:
Кардыялагічны цэнтр, РНПЦ дзіцячай хірургіі, Беларусь
По теме
Тэрапеўтаў у паліклініках заменяць урачы агульнай практыкі
Беларускія медыкі навучыліся змагацца з урастаннем плацэнты
Лукашэнка заявіў, што беларускія анколагі вартыя Нобелеўскай прэміі
Каментары