Сцяг Беларусі

Лукашэнка павіншаваў беларусаў з Днём Дзяржаўнага герба і сцяга

20
(абноўлена 09:39 12.05.2018)
Сімвалы суверэннай Беларусі - герб і сцяг - напоўнены доблесцю і гераізмам.

МІНСК, 12 мая — Sputnik. Прэзідэнт Беларусі Аляксандр Лукашэнка павіншаваў беларусаў з Днём Дзяржаўнага герба і сцяга рэспублікі, паведамілі Sputnik у прэс-службе кіраўніка дзяржавы.

Дзень Дзяржаўнага герба і сцяга Беларусь адзначае штогод, пачынаючы з 1998 года, у другую нядзелю мая.

"Дарагія суайчыннікі! Ад усёй душы віншую вас з Днём Дзяржаўнага герба і Дзяржаўнага сцяга Рэспублікі Беларусь", — гаворыцца ў віншаванні беларускага лідара.

"Сёння мы падкрэсліваем значнасць гэтых неад'емных сімвалаў суверэннай Беларусі, напоўненых доблесцю і гераізмам. Усведамляем іх глыбокую гістарычную ролю ў захаванні грамадскай згоды на беларускай зямлі", — працягнуў прэзідэнт.

Кіраўнік дзяржавы выказаў упэўненасць, што грамадзяне, якія ведаюць і паважаюць нацыянальныя каштоўнасці, у сілах зрабіць сваю радзіму квітнеючай. Прыемна, паводле слоў Лукашэнкі, што маладое пакаленне беларусаў сваёй плённай працай разам стварае найноўшую гісторыю краіны, "з гонарам працягваючы слаўныя традыцыі мінулага".

"Герб, сцяг і гімн — гэта не проста сімволіка, а візітная картка міралюбнай палітыкі Рэспублікі Беларусь, чый аўтарытэт бясспрэчна прызнаны на міжнароднай арэне", — заявіў Лукашэнка.

Прэзідэнт пажадаў беларусам шчасця, невычэрпнай энергіі, жыццёвага аптымізму і новых дасягненняў на карысць радзімы.

20
Тэги:
Аляксандр Лукашэнка, Беларусь
Каментары