Пацыент у паліклініцы

Сталічныя паліклінікі перайшлі на летні рэжым працы

11
(абноўлена 13:17 16.05.2018)
З панядзелка па пятніцу прыём пацыентаў урачамі ажыццяўляецца з 08:00 да 20:00, а здаць аналізы, прайсці працэдуры, зрабіць рэнтген і флюараграфію можна з 07:30 да 20:00.

МІНСК, 16 мая — Sputnik. З сённяшняга дня паліклінікі Мінска працуюць у летнім рэжыме, пра гэта паведамілі ў камітэце па ахове здароўя Мінгарвыканкама.

Летні графік работы ўстаноў аховы здароўя будзе дзейнічаць з 16 мая па 30 верасня. У гэты перыяд з панядзелка па пятніцу рэгістратура паліклінік будзе працаваць з 07:00 да 20:00, выклікаць лекара на дом можна з 07:30 да 19:30. Здаць аналізы, прайсці працэдуры, зрабіць ЭКГ, рэнтгенаўскі здымак ці флюараграфію, а таксама наведаць назіральны і даўрачэбны кабінеты можна будзе з 07:30 да 20:00.

Прыём пацыентаў урачы будуць ажыццяўляць з 08:00 да 20:00, а медычныя прызначэння на дому будуць выконвацца з 07:30 да 20:00.

У суботу графік працы рэгістратуры — з 08:30 да 15:00, а дапаможныя службы, у тым ліку кабінет рэгістрацыі лісткоў непрацаздольнасці і дзённы стацыянар, будуць працаваць з 09:00 да 15:00. Акрамя таго, да 15:00 па суботах па графіку будуць праходзіць прыёмы ў лекараў, а выклікаць урача дамоў можна з 08:30 да 14:30. Хадзіць па выкліках медработнікі будуць з 09:00 да 15:00, медычныя прызначэння на хаце будуць ажыццяўляцца з 08:30 да 18:00.

Па нядзелях і ў святы дзяжурны урач, які афармляе медыцынскую дакументацыю, будзе працаваць з 09:00 да 15:00, а медычныя прызначэння на даму будуць выконвацца з 09:00 да 18:00.

11
Тэги:
графік работы, паліклініка, здароўе, Беларусь
Каментары