Антыкварныя падробкі рэйхсталераў Аўстрыі Фердынанда ІІ, талераў Трансільваніі Жыгімонта Баторыя і георталераў графства Мансфельд

"Дзяржаўныя" падробкі і зман калекцыянераў: у музеі паказалі фальшывыя грошы

85
(абноўлена 14:35 18.05.2018)
У часы ВКЛ і Рэчы Паспалітай фальшываманетчыкаў спальвалі, варылі ў алеі, залівалі ім у горла расплаўлены метал - але нават жорсткія пакаранні не спынялі ўмельцаў і ахвочых да лёгкай нажывы. Карэспандэнт Sputnik пабываў на выставе і даведаўся пра гісторыю фальшывых грошай.

Падробкай грошай людзі займаліся з моманту іх з'яўлення, і выстава "Зладзейскія грошы", або гісторыя фальшываманетніцтва", якая адкрылася 17 мая ў Нацыянальным гістарычным музеі — добрае таму пацвярджэнне. У вітрынах музея можна ўбачыць каля 400 манет: ад несапраўдных дэнарыяў часоў Рымскай Імперыі да савецкіх і сучасных фальшывых манет.

Зрэшты, не ўсе манеты, раскладзеныя і пранумераваныя ці проста зваленыя маляўнічай грудай у вітрынах, калісці ўводзілі ў зман даверлівых абывацеляў.

Так выглядалі падробныя грошы, паўгрошы і пенязі XVI-XVII стагоддзяў
© Sputnik / Анастасия Волчок
Так выглядалі падробныя грошы, паўгрошы і пенязі XVI-XVII стагоддзяў

"Рымскія манеты траплялі да нас, але не заўсёды былі плацежным сродкам — вельмі часта яны з'яўляліся ўпрыгажэннем, — расказвае куратар выставы Людміла Талкачова. — На падставе сапраўдных манет рабіліся імітацыі, і яны не могуць лічыцца падробкай".

У перыяд Старажытнай Русі, запэўнівае Людміла Талкачова, фальшывых манет фактычна не было, затое ў часы ВКЛ і асабліва — у XVII стагоддзі, у час існавання Рэчы Паспалітай, выраблялася мноства фальшывых манет, і не заўсёды да з'яўлення гэтых грошай мелі дачыненне простыя грамадзяне.

"Патоп" фальшывых грошай

На працягу 20 гадоў, вядомых як "Патоп", шведы, рускія і казакі здзяйснялі налёты на гарады, палілі вёскі; становішча пагаршала і эпідэмія чумы. З тых часоў да нас дайшло мноства скарбаў, якія жыхары хавалі ад захопнікаў, і ў гэтых скарбах трапляецца мноства фальшывых манет. Справа ў тым, што для дэстабілізацыі палітычнай сітуацыі Швецыя наладзіла выпуск фальшывых грошай, якія затым ішлі ў Рэч Паспалітую, саслабляючы яе эканоміку.

Гісторыя таксама ведае прыклады, калі самі кіраўнікі дзяржаваў з мэтай эканоміі прыніжалі кошт высакароднага металу ў манеце — выраблялі іх з срэбра меншай пробы або з прымешкамі іншых металаў.

У кладах да 25% грошай могуць быць фальшыўкамі
© Sputnik / Анастасия Волчок
У кладах да 25% грошай могуць быць фальшыўкамі

Калі Рэччу Паспалітай правіў Ян Казімір, адбыліся дзве грашовыя рэформы з мэтай выратаваць эканоміку дзяржавы. Першую правялі пад кіраўніцтвам Ціта Лівія Бараціні (1659 – 1666 гг.). Медныя манеты, якія пазней сталі называць па яго прозвішчы "барацінкамі", чаканілі на адзіным манетным двары на тэрыторыі Беларусі – Берасцейскім. У выніку павышэнне колькасці манет прывяло да іх абясцэньвання, але менавіта дзякуючы гэтай рэформе Рэч Паспалітая здолела заплаціць грошы сваім войскам. 

Другую рэформу падрыхтаваў таксама іншаземец – немец Андрэй Тымф. Пры ім чаканілі 30-грашовікі, якія, аднак, змяшчалі металу толькі на 12 грошаў, затое неслі на сябе пафасную легенду, якая з лацінскай мовы перакладалася як "Кошт выратавання дзяржавы вышэй за кошт метала". Дарэчы, потым немца абвінавацілі ў махлярстве, і ён ўцёк.  

У Сярэднявечча варылі жыўцом, у СССР расстрэльвалі

Зразумела, не ўсе пры вырабе фальшывак пякліся пра дзяржаву. Большасць фальшываманетчыкаў імкнулася нажыцца на падробках, нягледзячы на тое, што пакаранне за выраб падробак ва ўсе часы было вельмі жорсткім. Так, у Цэнтральна Еўропе фальшываманетчыкаў варылі ў алеі або кіпені, раздзіралі конямі, спальвалі, залівалі ў горла расплаўлены метал, адсякалі канечнасці — і не абавязкова рукі.

Акрамя падробных манет можна ўбачыць, якія пакаранні існавалі для фальшываманетчыкаў
© Sputnik / Анастасия Волчок
Акрамя падробных манет можна ўбачыць, якія пакаранні існавалі для фальшываманетчыкаў

Нават у савецкія часы для вытворцаў падробленых грошай была прадугледжана вышэйшая мера — аднак бывалі выпадкі, калі яе атрымоўвалася пазбегнуць. Так, за супрацоўніцтва са следствам усяго на 12 гадоў быў асуджаны ў 1978 годзе Віктар Баранаў. Сапраўдны геній-самавук, які не змог рэалізаваць свае тэхнічныя вынаходніцтвы, Баранаў, каб працягваць даследаванні, узяўся за падробку грошай. З 33454 вырабленых ім банкнот 23525 патрапілі ў абарачэнне. Падробкі былі вырабленыя на такім высокім узроўні, што ўлады спачатку вырашылі, што іх зрабілі ў іншай дзяржаве.

З 33454 вырабленых Віктарам Баранавым банкнот 23525 патрапілі ў абарачэнне
© Sputnik / Анастасия Волчок
З 33454 вырабленых Віктарам Баранавым банкнот 23525 патрапілі ў абарачэнне

У наш час знаходзіцца таксама нямала "ўмельцаў", але многія з іх засяродзіліся на вырабе так званых антыкварных падробак, якія ўжываюцца для падману калекцыянераў.

Адрозніць сапраўдную манету ад антыкварнай падробкі досыць складана, і калі раней фальшывую манету можна было паспрабаваць на зуб — ці сагнецца, або прабіць цвіком, каб вызначыць, ці няма пад каштоўным металам пласта таннага, зараз для гэтага патрэбен добры спецыяліст. Калі гэта вельмі дарагая антыкварная манета, яе нават могуць вырабіць з таго ж металу, што і арыгінал, і яна не будзе адрознівацца ад яго ні па выглядзе, ні па вазе.

Антыкварныя падробкі часам складана адрозніць ад сапраўдных грошай
© Sputnik / Анастасия Волчок
Антыкварныя падробкі часам складана адрозніць ад сапраўдных грошай

Выстава ў Нацыянальным гістарычным музеі сабрана з матэрыялаў, прадстаўленых нумізматычным кабінетам гістарычнага факультэта БДУ, матэрыялаў музея Міністэрства ўнутраных спраў, былі таксама запрошаныя да ўдзелу прыватныя калекцыянеры.

85
Тэги:
манеты, фальшывыя грошы, Скарб, Нацыянальны гістарычны музей Рэспублікі Беларусь, Мінск, Беларусь
Людзі ў медыцынскіх масках

На каронавірус у Беларусі захварэлі 3600 дзяцей - Мінздароўя

4
(абноўлена 09:37 02.06.2020)
За час пандэміі ў краіне нарадзіліся 62 дзіцяці ў жанчын, заражаных каронавірусам падчас цяжарнасці, у тым ліку, дзве двойні.

МІНСК, 2 чэр - Sputnik. Каронавірус зафіксаваны ў 3,6 тысяч дзяцей у Беларусі. Пра гэта паведаміла журналістам галоўны спецыяліст аддзела медыцынскай дапамогі маці і дзецям Міністэрства аховы здароўя Таццяна Бурдзь.

"На сённяшні дзень у Беларусі зарэгістравана 3600 дзяцей са станоўчым тэстам на каронавірусную інфекцыю", - праінфармавала Бурдзь.

Паводле яе слоў, 95% дзяцей пераносяць інфекцыю практычна ў бессімптомнай форме. Аднак ёсць невялікая колькасць выпадкаў, пры якіх пацыенты знаходзяцца ў сярэднецяжкім стане.

"Як правіла, гэта дзеці са спадарожнай паталогіяй, з анкагематалагічнымі захворваннямі і, на жаль, з атлусценнем", - удакладніла прадстаўнік Міністэрства аховы здароўя і дадала, што цяжкіх выпадкаў COVID-19 у дзяцей у рэспубліцы не назіралася.

Паводле дадзеных спецыяліста, больш за 60% у структуры дзіцячых хвароб складаюць паталогіі органаў дыхання. На другім месцы - захворванні органаў зроку, а на трэцім - апорна-рухальнай сістэмы (у прыватнасці, наступствы траўмаў).

Таццяна Бурдзь паведаміла таксама, што за час пандэміі ў Беларусі нарадзіліся 62 дзіцяці ў жанчын, заражаных каронавірусам падчас цяжарнасці, у тым ліку, дзве двойні. Спецыяліст падкрэсліла: усе нованароджаныя здаровыя.

Паводле інфармацыі Міністэрства аховы здароўя Беларусі на 1 чэрвеня, у Беларусі зафіксавана 43 403 выпадкі COVID-19. Паправіліся і выпісаныя 18 776 пацыентаў, памерлі 240 пацыентаў з шэрагам хранічных захворванняў з выяўленай, каронавіруснай інфекцыяй.

4
Тэги:
каронавірус, Беларусь, Міністэрства аховы здароўя Рэспублікі Беларусь
Тэмы:
Каронавірус COVID-19
Супрацоўніца навукова-даследчай лабараторыі рыхтуе прэпарат

Клінічныя выпрабаванні расійскай вакцыны ад СOVID-19 завершаць да канца ліпеня

4
(абноўлена 09:17 02.06.2020)
У выпрабаваннях вакцыны будуць прымаць удзел 50 вайскоўцаў-добраахвотнікаў, у тым ліку пяць жанчын.

МІНСК, 2 чэр - Sputnik. У Расіі пачынаюцца клінічныя выпрабаванні вакцыны супраць COVID-19 з удзелам вайскоўцаў-добраахвотнікаў, паведамілі ў аўторак у Міністэрстве абароны Расіі.

"У Мінабароны Расіі завершаны адбор добраахвотнікаў для правядзення клінічных выпрабаванняў унікальнай айчыннай вакцыны ад новай каронавіруснай інфекцыі CoViD-19. Для праверкі бяспекі і эфектыўнасці вакцыны адабрана 50 вайскоўцаў, у тым ліку пяць жанчын", - гаворыцца ў паведамленні ведамства, якое цытуюць расійскія інфармагенцтвы.

У мінабароны падкрэслілі, што ўсе ўдзельнікі выпрабаванняў добраахвотна выказалі жаданне прыняць удзел у апрабацыі сучаснага прэпарата.

Выпрабаванні будуць праходзіць на базе 48 Цэнтральнага навукова-даследчага інстытута Мінабароны РФ. Расійскія вайскоўцы з ЦНДІ прымалі ўдзел і ў распрацоўцы вакцыны. Раней тут даследаваліся вакцыны ад ліхаманкі Эбола і блізкаўсходняга рэспіраторнага сіндрому.

У расійскім Мінабароны расказалі, што 3 чэрвеня адбудзецца заезд першай групы вайскоўцаў-добраахвотнікаў. Яны павінны будуць прайсці паглыбленае медыцынскае абследаванне і падрыхтоўку да правядзення эксперыменту.

Мяркуецца, што спецыялісты завяршаюць даклінічныя даследаванні ўзору вакцыны ад COVID-19, клінічныя даследаванні плануецца завяршыць да канца ліпеня.

Раней у расійскім міністэрстве прамысловасці заяўлялі, што ў чэрвені пачнуцца клінічныя даследаванні дзвюх першых расійскіх вакцын ад COVID-19. Прадстаўнікі расійскага цэнтра "Вектар" у траўні казалі, што разлічваюць зарэгістраваць сваю вакцыну ад каронавіруса ўжо ў верасні.

4
Тэги:
Вакцынацыя, каронавірус, Расія
Тэмы:
Каронавірус COVID-19
(0:00 / .00Mb / )

Барацьба з каронавірусам: вынікі каранціна і вопыт краін СНД

0
(абноўлена 11:16 02.06.2020)
У аўторак, 2 чэрвеня, у мультымедыйным прэс-цэнтры Sputnik Беларусь у рэжыме тэлемоста Мінск - Масква - Ерэван праходзіць анлайн-прэс-канферэнцыя на тэму: "Барацьба з каронавірусам: вынікі каранціна і вопыт краін СНД".

У фармаце прэс-канферэнцыі на пытанні журналістаў адказвае афіцыйны прадстаўнік інфармацыйнага цэнтра па барацьбе з каронавірусам COVID-19, галоўны ўрач маскоўскай гарадской клінічнай бальніцы №71 Аляксандр Мяснікоў.

Закрануты актуальныя пытанні, звязаныя з пандэміяй каронавіруса, у тым ліку "рускага цуду" нізкай смяротнасці ад каронавіруса ў Расіі і іншых краінах былога СССР, а таксама эфектыўнасці сумесных мер, прынятых краінамі СНД у барацьбе з пандэміяй, пытанні прафілактыкі і будучай вакцынацыі.

Свае пытанні вы можаце даслаць прадусару Sputnik Беларусь Паўлу Антонаву на нумар +375296760259 ў Viber і Whatsapp, на нумар +375295500631 у Telegram.

Адпраўце заяўку на p.antonov@sputniknews.com для падпіскі на e-mail рассылку анонсаў мультымедыйнага прэс-цэнтра Sputnik Беларусь.

0
Тэги:
Мультымедыйны прэс-цэнтр Sputnik Беларусь, СНД, каронавірус
Тэмы:
Каронавірус COVID-19