Пісьменнік Васіль Быкаў

Моладзевы летнік ладзяць на радзіме Васіля Быкава

41
(абноўлена 17:55 29.05.2018)
Ахвотнікам прапануюць сумясціць прыемнае з карысным – адпачыць на свежым паветры, папрацаваць на ўладкаванні тэрыторыі і павучыцца.

МІНСК, 29 мая — Sputnik. Вёска Бычкі Ушачцкага раёна Віцебскай вобласці, дзе нарадзіўся народны беларускі пісьменнік Васіль Быкаў, у гэтым годзе ў трэці раз стане пляцоўкай для моладзевага летніку, паведамілі Sputnik арганізатары.

З 19 па 24 чэрвеня ўдзельнікі будуць працаваць на ўладкаванні тэрыторыі каля дома-музея пісьменніка, а таксама змогуць адпачыць і нефармальна павучыцца на свежым паветры.

Арганізатары абяцаюць насычаную і цікавую праграму — выступы экспертаў, музыкаў і грамадскіх дзеячаў, якія прымуць удзел у творчых сустрэчах, гульнях і майстар-класах.

У розныя гады ў ліку выступоўцаў і лектараў моладзевага летніку ўжо былі Уладзімір Арлоў, Алесь Пушкін, Валярына Кустава, Франак Вячорка, Пятро Клюеў, Аляксандр Лукашук і іншыя грамадскія і творчыя дзеячы.

Да ўдзелу запрашаецца моладзь ва ўзросце ад 18 да 30 гадоў. Арганізатары забяспечваюць праезд і харчаванне ахвотнікаў, якія будуць пражываць на тэрыторыі сядзібы ў намётніках. Каб зарэгістравацца, неабходна запоўніць спецыяльную форму.

41
Тэги:
моладзь, Васіль Быкаў, Віцебская вобласць
По теме
Асоба: Васіль Быкаў і яго мары аб мастацтве
Камеры і журналісты

Інфармацыйная бяспека: праект закона аб СМІ прыняты ў другім чытанні

2
(абноўлена 14:37 16.04.2021)
У адпаведнасці з праектам закона, у Беларусі пракурорам дазволяць блакіраваць інтэрнэт-рэсурсы і сеткавыя выданні.

МІНСК, 16 кра – Sputnik. Беларускія дэпутаты прынялі ў другім чытанні законапраект аб змене законаў па пытаннях СМІ, у адпаведнасці з якім уведзены больш жорсткія патрабаванні да сродкаў масавай інфармацыі ў кантэксце пытанняў нацыянальнай бяспекі.

Першае чытанне праекта закона прайшло ў Авальнай зале на мінулым тыдні, ён быў прыняты аднагалосна. Сёння ў Мінску праходзіць пасяджэнне пятай сесіі Палаты прадстаўнікоў Нацыянальнага схода Беларусі.

Прадстаўляючы праект закона дэпутатам, намеснік старшыні камісіі па правах чалавека, нацыянальных адносінах і сродках масавай інфармацыі, былы міністр інфармацыі Лілія Ананіч адзначыла, што яго прыняцце будзе садзейнічаць найбольш эфектыўнаму забеспячэнню інфармацыйнай бяспекі дзяржавы і рэалізацыі канстытуцыйных праў грамадзян на атрыманне поўнай, дакладнай i своечасовай iнфармацыi.

Як ранняе паведамляла агенцтва, у адпаведнасці з праектам закона ў Беларусі пракурорам дазволяць блакіраваць інтэрнэт-рэсурсы і сеткавыя выданні, калі тыя распаўсюджваюць інфармацыю, здольную нанесці шкоду нацыянальным інтарэсам.

Абмежаваць доступ могуць у выпадку, калі такія выданні "распаўсюджваюць звесткі, накіраваныя на прапаганду вайны, экстрэмісцкай дзейнасці або змяшчаюць заклікі да такой дзейнасці", а таксама за інфармацыю, якая "можа нанесці шкоду нацыянальным інтарэсам".

У праекце закона таксама пашыраны пералік відаў інфармацыі, распаўсюджванне якой забаронена. Таксама ўтрымліваецца норма аб абмежаванні замежнага ўплыву на інфармацыйны рынак, выключыўшы наяўную прэферэнцыю для СМІ, у статутным фондзе якіх прысутнічаюць замежныя інвестыцыі больш за 20%.

Акрамя гэтага, праектам закона прапануецца пашырыць падставы для адмовы ў дзяржаўнай рэгістрацыі і перарэгістрацыі СМІ. Спіс прычын для абмежавання доступу да інтэрнэт-рэсурсу або сеткаваму выданню ў новым праекце таксама стаў шырэй, а такое рашэнне можа прымаць не толькі Мінінфарм, але і пракуроры.

Чытайце таксама:

2
Тэги:
інтэрнэт-рэсурсы, сеткавыя выданні, Інтэрнэт, пракурор, Беларусь, СМІ, закон, праект, Бяспека
Тэмы:
Пратэсты пасля выбараў у Беларусі
Абітурыенты здаюць ЦТ

У міністэрстве адукацыі РБ распавялі, як зменіцца ЦТ

4
Тэсты ў поўным аб'ёме будуць адпавядаць вучэбнай праграме, аднак пры гэтым частка А скароціцца, а вось частка B - павялічыцца.

МІНСК, 16 кра – Sputnik. У гэтым годзе ЦТ крыху зменіцца, пра гэта распавёў начальнік галоўнага ўпраўлення адукацыі Міністэрства адукацыі Сяргей Каспяровіч.

Ён запэўніў, што тэсты ў поўным аб'ёме будуць адпавядаць вучэбнай праграме. Аднак пры гэтым частка А скароціцца, а вось частка B - павялічыцца.

"Паступова адбываецца ў нас планамернае скарачэнне часткі А (гэта сучасныя трэнды ў свеце ў частцы падыходаў ацэнкі ведаў), што зніжае верагоднасць угадвання і ўплыў угадвання на агульны вынік, і павелічэнне частцы В", - заявіў Сяргей Каспяровіч.

У гэтым годзе абітурыентаў чакае і некаторае скарачэнне тэстаў - па 11 з 15 прадметаў. Так, на 12 заданняў скароціцца тэст па замежнай мове - з 60 заданняў да 48.

На шэсць заданняў скароцяцца тэсты па біялогіі, хіміі, геаграфіі, грамадазнаўстве, гісторыі Беларусі, сусветнай гісторыі (з 50 да 44 пытанняў).

Без змен застануцца тэсты па рускай і беларускай мовах (40 заданняў), а таксама па фізіцы і матэматыцы (32 пытанні).

Сяргей Каспяровіч яшчэ раз падкрэсліў, што колькасць заданняў у частцы А паменшыцца, у частцы В - стане пабольш. Але вялікай праблемы Міністэрства адукацыі ў гэтым не бачыць.

"Для абітурыента, які сур'ёзна адносіцца да тэста і не забег проста паглядзець на тэст і нешта там адгадаць "авось пройдзе", уласна кажучы, структура тэста - цалкам не значны момант. Калі вядзецца належным чынам падрыхтоўка... то частка А ці частка В не важная. Трэба атрымаць гатовы адказ, а потым яго ўпісаць альбо абраць правільны варыянт з наяўных. Для нармальнага абітурыента гэта павінна працаваць менавіта так", - упэўнены Каспяровіч.

Ён дадаў, што ўсё робіцца для таго, каб стварыць умовы для плённай працы над тэстам і, самае галоўнае, аб'ектыўнай і справядлівай ацэнкі.

У пачатку красавіка Мінадукацыі апублікавала графік ЦТ у 2021 годзе - першае тэставанне намечана на 16 чэрвеня.

Чытайце таксама:

4
Тэги:
праграма, тэст, ЦТ, Міністэрства адукацыі РБ