Кіраўнік Міністэрства адукацыі Ігар Карпенка

Выпускныя і ўступныя экзамены зменяцца ўжо ў наступным годзе

29
(абноўлена 11:28 04.06.2018)
Міністр адукацыі ўпэўнены, што неабходна новая метадалогія, якая дазволіла б навучэнцам і бацькам выразна супастаўляць узровень адзнакі ў школе з узроўнем ацэнкі па цэнтралізаваным тэсціраванні.

МІНСК, 4 чэр — Sputnik. Міністр адукацыі Ігар Карпенка анансаваў змены ў выпускных іспытах у сярэдняй школе і пры паступленні ў ВНУ, пра гэта ён распавёў у інтэрв'ю праграме "Тыдзень" тэлеканала СТБ.

Такая неабходнасць даўно наспела, паколькі форма выпускнога экзамену ў школе не адпавядае форме ўступных выпрабаванняў, якія праводзяць вышэйшыя і сярэднія спецыяльныя навучальныя ўстановы, лічыць міністр адукацыі.

"Мы павінны выйсці на нейкую форму, якая дазволіла бы збалансаваць патрэбы і школы, і навучэнца, і бацькоў. І вывесці зусім новы фармат", — адзначыў Карпенка.

Па-іншаму будзе ацэньвацца ўзровень падрыхтоўкі вучняў пры паступленні ў ВНУ ўжо ў наступным годзе.

"За цэнтралізаваным тэсціраваннем нельга страціць асобу абітурыента. Хутчэй за ўсё, могуць па некаторых спецыяльнасцях з'явяцца ўнутраныя ўступныя выпрабаванні", — расказаў міністр.

У міністэрстве зараз разглядаецца пытанне змены падліку балаў па выніках ЦТ.

"Зараз у нас так званая шкала рэйтынгу, і многія навучэнцы і бацькі не разумеюць: як гэта так, ён меў, дапусцім, васьмёрку ў сярэдняй школе па матэматыцы, а тэст раптам напісаў на 45 балаў. Дык гэта што — 4,5 бала? Усе пачынаюць задаваць такое пытанне", — прывёў прыклад міністр адукацыі.

Каб пазбегнуць непаразуменняў і складанасцяў, у міністэрстве распрацавалі новую метадалогію, якую у 2018 годзе паспрабуюць апрабаваць.

"Мы гаворым аб абсалютнай шкале балаў, якая дазволіла б навучэнцам і бацькам выразна супастаўляць узровень адзнакі ў школе з узроўнем ацэнкі па цэнтралізаваным тэсціраванні", — адзначыў Ігар Карпенка.

29
Тэги:
паступленне, ЦТ, Экзамены, Міністэрства адукацыі РБ, Ігар Карпенка, Мінск, Беларусь
Тэмы:
Уступная кампанія 2018: апошнія навіны (22)
По теме
Больш за 43 тысячы чалавек зарэгістраваліся на ЦТ 2018
У Міністэрстве адукацыі вызначыліся з мінімальнымі баламі для ЦТ 2018
Каментары