МІНСК, 15 чэр — Sputnik. Трымальнікі банкаўскіх плацежных картак могуць сутыкнуцца са складанасцямі ў правядзенні аперацый ноччу ў суботу 16 чэрвеня, паведамілі ў Банкаўскім працэсінгавым цэнтры.
Часовыя цяжкасці пры аплаце тавараў і паслуг верагодныя ў прамежак часу з 00:00 да 06:00.
"Будуць праводзіцца тэхналагічныя работы па абнаўленні праграмнага забеспячэння на сеткавым абсталяванні прадпрыемства", — сказалі ў цэнтры.
Там таксама паведамілі, што ноччу ў суботу праблемы могуць з'явіцца пры разліках картамі ў сетцы арганізацый гандлю і сэрвісу, банкаматах і інфакіёсках.
У цэнтры прынеслі прабачэнні грамадзянам за магчымыя часовыя нязручнасці.
