Ускладанне кветак на магілы савецкіх салдат у Польшчы

У Варшаве хочуць дэмантаваць помнік Падзякі Чырвонай арміі

26
(абноўлена 13:13 26.06.2018)
У Польшчы дзейнічае закон, які прадугледжвае дэмантаж помнікаў у грамадскіх месцах, калі на іх прысутнічае савецкая сімволіка.

МІНСК, 26 чэр — Sputnik. Гарадскія ўлады плануюць правесці дэмантаж помніка Падзякі Чырвонай арміі ў Скарышэўскім парку Варшавы, гаворыцца на афіцыйным сайце польскай сталіцы.

Дэпазіт для помніка

Улады Варшавы сцвярджаюць, што далейшы лёс манумента непадалёк ад плошчы Вашынгтона залежыць ад таго, якое рашэнне прыме музей гісторыі Польшчы.

"Пасля атрымання станоўчага рашэння аб захаванні помніка пачнецца яго дэмантаж", — гаворыцца ў афіцыйным паведамленні.

Пры гэтым адміністрацыя польскай сталіцы ўдакладняе, што помнік адправіцца ў якасці дэпазіту ў музей. Любыя працы на мануменце ўзгадняюцца з рэстаўратарам помнікаў Мазавецкага ваяводства.

Помнік Падзякі Чырвонай арміі неаднаразова станавіўся ахвярай вандалаў. У апошні раз манумент быў апаганены ў красавіку бягучага года.

Манумент ёсць, падзякі няма

Мемарыял быў узведзены на месцы брацкага пахавання савецкіх воінаў. Адкрылі помнік у Варшаве ў верасні 1946 года. Пасля рэканструкцыі плошчы Вашынгтона астанкі 26 салдат перапахавалі на мемарыяльных могілках польскай сталіцы. Манумент пасля гэтага быў перанесены ўглыб Скрышэўскага парку.

У мінулым годзе ў Польшчы быў прыняты закон, які забараняе прапаганду камунізму і любога іншага таталітарнага ладу. Інстытут нацыянальнай памяці налічыў па ўсёй краіне 450 помнікаў, якія будуць закрануты новым законам, з іх 230 — помнікі савецкім воінам.

Манументы, якія падпалі пад дзеянне закона, будуць прыбраныя з грамадскіх месцаў на працягу года. Гэта норма не распаўсюджваецца на месцы пахаванняў.

26
Тэги:
помнік, Варшава, Польшча
Ветэран Вялікай Айчыннай вайны ў Гомелі ў Дзень Перамогі

Якія выплаты атрымаюць ветэраны Вялікай Айчыннай у Беларусі

21
(абноўлена 14:22 06.05.2021)
З улікам усіх надбавак сярэдні памер пенсіі інваліда вайны ў траўні складзе 832 рублі, а ўдзельніка вайны - 690 рублёў.

МІНСК, 6 тра - Sputnik. Для ветэранаў Вялікай Айчыннай вайны беларускім заканадаўствам прадугледжаны павышэнні да пенсій - ад 50 да 500% іх мінімальнага памеру, паведаміла на прэс-канферэнцыі 6 траўня начальнік галоўнага ўпраўлення сацабслугоўвання і сацыяльнай дапамогі Мінпрацы і сацабароны Таццяна Фёдарава.

Сумы выплат

Фёдарава удакладніла, што выплаты да пенсій Героям Савецкага Саюза складаюць 342 рублі, інваліды вайны першай і другой групы атрымліваюць 273 рублі, а трэцяй - 171 рубель.

Удзельнікам вайны і тым, хто прымаў удзел у размініраванні тэрыторыі ў 1943-1945-м гадах выплочваюць па 171 рублі. Блакаднікам Ленінграда і былым вязням фашысцкіх канцлагераў належыць па 68 рублёў. Па 34 рублі дадаецца да пенсіі тым, хто ўзнагароджаны ардэнамі і медалямі "За самаадданую працу i бездакорную воiнскую службу ў тыле".

Членам сем'яў, якія страцілі сваіх мужэй ці жонак на вайне і не ўступілі ў паўторны шлюб выплачваюцца надбаўкі да пенсіі ў памеры ад 68 да 123 рублёў.

З улікам усіх гэтых надбавак сярэдні памер пенсіі інваліда вайны ў траўні складзе 832 рубля, а ўдзельніка вайны - 690 рублёў.

Ветэраны і асобы, якія пацярпелі ад наступстваў вайны, - гэта асаблівыя катэгорыі. У дачыненні да іх прымяняецца выявіцельны прынцып аказання дадатковай сацыяльнай падтрымкі. Для гэтага штогод праводзіцца абследаванне матэрыяльна-бытавых умоў іх пражывання.

Ветэранаў становіцца ўсё менш

Зараз у Беларусі засталося 3 337 ветэранаў Вялікай Айчыннай.

  • 1 студзеня 2019 года - у краіне налічвалася 6 845 ветэранаў
  • 1 студзеня 2020 года - 5 217 ветэранаў
  • 1 красавіка 2020 года - 4 806 ветэранаў
  • 1 ліпеня 2020 года - 4 469 ветэранаў

"Самым узроставым ветэранам ужо больш за 100 гадоў, а самым маладым - каля 90", - распавяла Таццяна Фёдарава.

У краіне жывуць два Героя Савецкага Саюза: Іван Ільіч Кустаў атрымаў званне ў 1945 годзе, Васіль Сяргеевіч Мічурын быў узнагароджаны Залатой зоркай ў 1940 годзе.

Чытайце таксама:

21
Тэги:
пенсія, Інваліды, Вайна, удзельнік, Вялікая Айчынная вайна, Ветэраны
Тэмы:
Дзень Перамогі - 2021
Салют у Мінску 9 траўня

Салюты на 9 Траўня ў Мінску запусцяць з пяці кропак

14
(абноўлена 13:14 06.05.2021)
У Дзень Перамогі плануецца пралёт верталётаў з выявай дзяржаўнага сцяга і герба, а таксама самалётаў Мінабароны, якія выпускаюць дым ў чырвона-зялёных колерах.

МІНСК, 6 тра - Sputnik. Падрабязнасці святочных мерапрыемстваў у Дзень Перамогі, якія пройдуць у беларускай сталіцы, агучылі на брыфінгу ў Мінску ў чацвер.

"Усе мерапрыемствы будуць прасякнуты тэмай года народнага адзінства і накіраваны на кансалідацыю беларускага грамадства", - адзначыла кансультант упраўлення дзяржаўных спецыяльных культурных мерапрыемстваў Міністэрства культуры Іна Адамовіч.

У нядзелю, 9 траўня, запланавана цырымонія ўскладання вянкоў і вячэрні канцэрт каля манумента Перамогі. Пройдзе таксама рытуал ушанавання сцяга і гімна з вымаўленнем клятвы вернасці дзяржаўнай сімволіцы.

Урачысты канцэрт у Палацы Рэспублікі адбудзецца 7 траўня.

Месцы запуску святочных феерверкаў у Мінску будуць адрознівацца ад леташніх. Залпы дадуць у пяці кропках горада: на пляцоўцы ў парку Янкі Купалы, каля "Чыжоўка-арэны", у парку імя М. Я. Паўлава, парку ім. Уга Чавеса і ў вёсцы Зацень побач з вадасховішчам "Дразды".

Чытайце таксама:

14
Тэги:
Міністэрства абароны РБ, герб, сцяг, верталёт, Дзень Перамогі, Мінск, салют
Тэмы:
Дзень Перамогі - 2021
МЗС Беларусі

МЗС адказала на заклік "Вялікай сямёркі" правесці новыя выбары ў Беларусі

16
(абноўлена 17:59 06.05.2021)
Па словах афіцыйнага прадстаўніка ведамства, у сваім афіцыйным паведамленні краіны G7 выкарыстоўвалі ў дачыненні да сітуацыі ў краіне "стандартны набор заезджаных клішэ".

МІНСК, 6 тра - Sputnik. Беларусь сама будзе вырашаць, калі і якія электаральныя кампаніі праводзіць, заявіў у чацвер афіцыйны прадстаўнік міністэрства замежных спраў рэспублікі Анатоль Глаз.

Сустрэча G7 ў Лондане

Напярэдадні ў Лондане адбылася сустрэча міністраў замежных спраў краін "Вялікай сямёркі" (G7) пад старшынствам Злучанага Каралеўства. У ёй бралі ўдзел кіраўнікі МЗС Вялікабрытаніі, Германіі, Італіі, Канады, ЗША, Францыі, Японіі, у сустрэчы ўдзельнічаў вярхоўны прадстаўнік ЕС па замежных справах і палітыцы бяспекі.

На сустрэчы міністры прынялі камюніке, у якім, у тым ліку, заклікаюць улады Беларусі адпусціць палітвязняў і правесці новыя выбары пры міжнародным назіранні.

Набор заезджаных клішэ

"Што тычыцца абзаца, якога "удастоілася" Беларусь. Гэта стандартны набор заезджаных клішэ. Такія мантры фактычна без змен вандруюць з пляцоўкі на пляцоўку, дэманструючы, на жаль, глыбокае неразуменне і нежаданне разумець сітуацыю ў нашай краіне іх аўтарамі, антыбеларускую ангажаванасць іх ініцыятараў" , - растлумачыў Глаз.

Паводле яго слоў, у Беларусі самі будуць вырашаць, калі і якія электаральныя кампаніі праводзіць. Для гэтага краіне не патрэбныя "ніякія заклікі, пануканні або ўказанні звонку".

Ён адзначыў, што любое ўмяшанне ва ўнутраныя справы суверэнных дзяржаў супярэчыць асноватворным нормам і прынцыпам міжнароднага права.

"Усе выбары ў нашай краіне праходзілі пад міжнародным назіраннем. Ну, а калі нейкія міжнародныя структуры не змаглі арганізаваць сваю працу, маючы наша запрашэнне, то не трэба спрабаваць перакласці віну", - падкрэсліў Глаз.

Чытайце таксама:

16
Тэги:
ведамства, краіна, Беларусь, Выбары, МЗС