МІНСК, 27 чэр — Sputnik. Беларуская чыгунка (БЧ) прызначыла 37 дадатковых цягнікоў на ліпеньскія святы, паведамілі Sputnik у прэс-цэнтры БЧ.
Беларусы будуць адпачываць чатыры дні запар у сувязі з Днём Незалежнасці — з 30 чэрвеня па 3 ліпеня.
"У перыяд з 29 чэрвеня па 4 ліпеня па Беларускай чыгунцы будзе курсіраваць 31 дадатковы цягнік міжрэгіянальных ліній бізнес і эканомкласа па найбольш запатрабаваных у пасажыраў напрамках", — паведамілі ў БЧ.
Суразмоўцы агенцтва ўдакладнілі, што 28 цягнікоў прызначаныя з Мінска ў абласныя цэнтры: 15 у Гомель, 11 у Брэст, два ў Віцебск. Акрамя таго, адзін пусцяць з Камунар у Мінск, два — з Мазыра ў сталіцу і назад.
"Таксама на маючыя адбыцца святы Беларуская чыгунка прызначыла шэсць дадатковых цягнікоў міжнародных ліній у зносінах Мінск — Львоў і Мінск — Вільнюс", — дадалі ў БЧ.
Так, чатыры цягнікі Мінск — Львоў — Мінск будуць хадзіць праз Баранавічы-Палескія, Лунінец, Удрыцк, Сарны, Роўна, Здалбуноў у перыяд з 29 чэрвеня па 3 ліпеня. А 3 ліпеня два цягнікі Мінск — Вільнюс.
