Станцыя метро Купалаўская

Стала вядома, як будзе працаваць метро ў Мінску на Дзень Незалежнасці

7
(абноўлена 18:34 28.06.2018)
Інтэрвалы руху цягнікоў зменяцца на Аўтазаводскай і Маскоўскай лініях метро ў сувязі з правядзеннем святочных мерапрыемстваў.

МІНСК, 28 чэр — Sputnik. Сталічны метрапалітэн у сувязі са святочнымі мерапрыемствамі 3 ліпеня будзе працаваць з 05:00 да 01:30, паведамілі Sputnik у прэс-службе мінскага метро.

Цягнікі ў метро Мінска на абедзвюх галінах будуць хадзіць з інтэрвалам у 3 хвіліны з 07:30 да 14:00 і з 19:00 да 24:00. Таксама асобны інтэрвал для цягнікоў усталяваны на 3 ліпеня з 14:00 да 19:00 і 4 ліпеня з 00:00 да 01:00: ён складзе 5 хвілін.

Для таго каб пазбегнуць чэргаў ля кас метрапалітэна, у прэс-службе прадпрыемства просяць мінчан і гасцей сталіцы задумацца аб куплі жэтонаў і праязных білетаў загадзя.

"Аплаціць праезд у метро можна бескантактавымі банкаўскімі картамі, з дапамогай валідатараў, устаноўленых на турнікетах усіх станцый", — нагадалі ў прэс-службе.

7
Тэги:
расклад цягникоў, Мінскі метрапалітэн, Мінск, Беларусь
Каментары