Стары дуб

Людзі адстаялі дубровы, якія хацелі аддаць пад могілкі ў Гродне

30
(абноўлена 14:28 06.07.2018)
На сустрэчы з губернатарам жыхарам вёскі Путрышкі паабяцалі, што пакуль не стануць секчы дубровы і даведаюцца, колькі каштуе пашыраць гарадскія могілкі ў процілеглы ад вёскі бок.

ГРОДНА, 5 ліп — Sputnik, Іна Грышук. Жыхары вёскі Путрышкі і прадстаўнік грамадскага аб'яднання "Экаманіторынг" дайшлі да гродзенскага губернатара, каб спыніць высечку каштоўнай дубровы пад могілкі, якія рухаюцца ў бок вёскі. Ім паабяцалі, што горад даведаецца пра кошт іншых варыянтаў пашырэння галоўнага гарадскога некропаля.

Дуброва абараняе не толькі ад могілак, але і ад "Гродна Азот"

Адно з галоўных пытанняў, якія гучалі на сустрэчы гарадзенскага губернатара Уладзіміра Краўцова з жыхарамі Путрышак і старшынёй грамадскага аб'яднання "Экаманіторынг" — чаму пад гарадскія могілкі сталі высякаць дуброву, якая з'яўляецца апошнім зялёным шчытом паміж вёскай і буйным пахаваннем.

Сустрэча прайшла ў гарадзенскім аблвыканкаме 4 ліпеня, размова была доўгай і не зусім простай. Як распавёў Sputnik старшыня грамадскага аб'яднання "Экаманіторынг" Яўген Філімонаў, на яе губернатар запрасіў прадстаўнікоў зацікаўленых службаў — мэра Гродна Мечыслава Гоя, старшыню гродзенскага райвыканкама, начальніка абласнога камітэта прыродных рэсурсаў і аховы навакольнага асяроддзя, а таксама землеўпарадкавальнай службы.

Аказалася, што справа не толькі ў могілках. Аддадзены пад высечку дубовы лес з'яўляецца адзінай санітарна-ахоўнай зонай, якая закрывае Путрышкі ад хімічнага гіганта "Гродна Азот". Чыноўнікі тлумачылі, што хацелі зэканоміць, таму пад пашырэнне могілак выбралі дуброву. Але варыянт апынуўся не самым простым.

"З юрыдычнага пункту гледжання, гэтыя лесапасадкі нельга было высякаць, вы гэта прачытаеце, калі адкрыеце любое пастанаўленне аб ацэнцы ўздзеяння на навакольнае асяроддзе", — растлумачыў пазіцыю Філімонаў.

Тэрыторыю "Гродна Азот", які знаходзіцца ў 1,5 кіламетрах ад Путрышак, у бліжэйшыя гады плануюць пашырыць больш чым на 50 гектараў за кошт будаўніцтва новай вытворчасці. Высечка лесу ў Путрышках выглядае нелагічнай, паколькі памяншае ахоўную зялёную зону ад хімічнага прадпрыемства, якое расце.

Колькі каштуе разгарнуць могілкі ў іншы бок

Аказалася, што магчымасць пашыраць могілкі не ў бок вёскі ёсць. У звароце да губернатара жыхары Путрышак настойліва прасілі разгарнуць некропаль у паўднёвым напрамку — у процілеглы ад вёскі бок.

Жыхарам тлумачылі, што пакуль ёсць два варыянты, абодва звязаныя з адсяленнем людзей. Пры засваенні аднаго ўчастка спатрэбіцца адсяліць вёску на два дамы, пры засваенні іншага ўчастка — 22 сям'і.

"Сустрэча з губернатарам прынесла добры вынік. Зараз разглядаецца эканамічны складнік — куды танней пашыраць могілкі ў іншы ад вёскі бок", — растлумачыў Філімонаў.

На сустрэчы губернатар даручыў зрабіць паўторныя разлікі, вывучыць, якія варыянты танней. Ці былі першыя разлікі, калі прымалася рашэнне аб пераводзе зямель з дубровамі з лясных фондаў у прамысловае прызначэнне, жыхарам не казалі. Ва ўсякім разе, такія разлікі на сустрэчы назваць ніхто не змог.

Таксама на сустрэчы атрымалася вырашыць праблему сцёкавых вод, якія з могілак ішлі ў бок размешчаных ніжэй дубровы і вёскі. На сустрэчы даручылі змяніць сістэму водаадвода.

Гораду патрэбен крэматорый

Гродзенскія могілкі "Аульс" цяпер займаюць больш за 50 гектараў, свабодныя тэрыторыі ўжо скончыліся. У бліжэйшы час пахаванні з'явяцца на месцы высечанага лесу — гэта ўчастак плошчай прыкладна 7 гектараў. Гэтай тэрыторыі хопіць на паўтара — два гады.

Як прапанаваў Філімонаў, гораду ўжо цяпер пара задумацца не толькі пра тое, куды далей будзе расці "Аульс", але і пра тое, як эканомней выкарыстаць землі для гарадскіх пахаванняў. Такім рашэннем можа стаць будаўніцтва крэматорыя і калумбарыя — сховішча для скрыняў з прахам пасля крэмацыі.

Па яго даследаваннях, такому спосабу пахавання можа аддаць перавагу прыкладна пятая частка гараджан. Бакі дамовіліся аб тым, што па пытанні будаўніцтва крэматорыя ў горадзе пройдуць грамадскія абмеркаванні.

А што з дубровамі?

Пасля сустрэчы жыхароў Путрышак па-ранейшаму турбуе лёс дубровы. Аддадзеныя пад высечку амаль 24 гектары лесу свой юрыдычны статус не змянілі. Зараз яны па-ранейшаму застаюцца тэрыторыяй горада, а землі пад дубровамі належаць не да катэгорыі лясных фондаў, а да катэгорыі зямель прамысловага і іншага прызначэння. Гэта значыць, што высечка дрэў можа пачацца без грамадскіх абмеркаванняў.

Жыхары Путрышак разумеюць, што зараз не ідзе гаворка аб вяртанні дуброве ранейшага статусу лесапаркавай зялёнай зоны, якая лічыцца санітарна-ахоўнай зонай ад хімічнага гіганта.

"Не павінна быць так, што "Гродна Азот" расце, а санітарна-ахоўная зона памяншаецца. Але на сустрэчы нам не раз казалі, што рашэнне аб пераводзе зямель прымалася на вышэйшым узроўні, што гэта ўсё законна. Цяпер яны высечку скончылі, але забароны секчы няма, і ў любы момант яе могуць аднавіць", — кажа жыхарка Путрышак Святлана Бозыр.

Паводле яе слоў, у час сустрэчы яны зразумелі, што іх пачулі, і вераць, што гісторыя скончыцца на карысць захавання дуброў. Зараз жыхары Путрышак чакаюць афіцыйныя пісьмовыя адказы ад аблвыканкама. Sputnik працягне сачыць за развіццём падзей.

30
Тэги:
лес, ахова навакольнага асяроддзя, Гродна, Беларусь
Экс-кандыдат у прэзідэнты Беларусі Святлана Ціханоўская

Ціханоўскую не выключалі з міждзяржаўнай базы вышуку СНД

20
(абноўлена 17:24 16.06.2021)
У канцы траўня 2021 года была агучана інфармацыя аб тым, што экс-кандыдата ў прэзідэнты Беларусі не шукаюць на тэрыторыі Расіі, але яна працягвае заставацца ў базе асоб, абвешчаных Мінскам у вышук.

МІНСК, 16 чэр – Sputnik. Апазіцыйнага палітыка і экс-кандыдата ў прэзідэнты Беларусі Святлану Ціханоўскую не выключылі з базы дадзеных асоб, якія абвешчаны ў міждзяржаўны вышук, паведамілі Sputnik інфармаваныя крыніцы ў беларускіх праваахоўных органах.

У канцы сакавіка 2021 года Генеральная пракуратура Беларусі распачала крымінальную справу за падрыхтоўку акта тэрарызму ў дачыненні да Святланы Ціханоўскай і ўдзельнікаў ініцыятывы BYPOL. Беларускія праваахоўныя органы аб'явілі Ціханоўскую ў міждзяржаўны вышук, яна была занесена ў адпаведную базу асоб.

"Па Ціханоўскай нічога не памянялася", - заявіла Sputnik крыніца ў праваахоўных органах, знаёмая з ходам расследавання справы, адказваючы на ​​пытанне ці памяняўся яе працэсуальны статус і ці выкрэслілі яе прозвішча з базы дадзеных асоб, якiя адшукваюцца.

Пытанне з Ціханоўскай у спісках асоб, якiя адшукваюцца, паўстала на гэтым тыдні, калі з'явілася інфармацыя што па ініцыятыве беларускага боку яна была выключана з гэтай базы. Суразмоўца агенцтва растлумачыў, што "маглі паўстаць розначытанні".

У сувязі з гэтым ён нагадаў, што ў канцы траўня 2021 года была агучана інфармацыя, што Ціханоўскую больш не шукаюць на тэрыторыі Расіі. "Хто яе будзе шукаць у Расіі, калі ўсім вядома, што яна знаходзіцца на тэрыторыі Еўрасаюза", - сказаў суразмоўца агенцтва.

Крымінальная справа

Як раней паведамлялася са спасылкай на генеральнага пракурора Беларусі Андрэя Шведа, падставай для распачынання справы ў дачыненні да Ціханоўскай па артыкуле 289 Крымінальнага кодэкса сталі матэрыялы, прадастаўленыя КДБ і МУС Беларусі. Акрамя гэтага, Ціханоўская занесена КДБ Беларусі ў спіс асоб, маючых дачыненне да тэрарыстычнай дзейнасці.

Акрамя гэтага, адзначыў кіраўнік галоўнага нагляднага ведамства, генпракуратура даручыла КДБ неадкладна арганізаваць міжнародны вышук фігурантаў справы і падрыхтаваць пакет дакументаў аб іх выдачы, які потым будзе накіраваны ў кампетэнтныя органы Літвы і Польшчы. Інфармацыі аб тым, што Ціханоўская па просьбе беларускага боку занесена ў міжнародны спіс асоб, якiя адшукваюцца, няма.

Таксама Ціханоўская праходзіць фігурантам па крымінальнай справе, узбуджанай у дачыненні да членаў Каардынацыйнага савета апазіцыі па частцы 1 артыкула 361 КК Беларусі - "за публічныя заклікі да захопу дзяржаўнай улады, гвалтоўнай змены канстытуцыйнага ладу рэспублікі або здзяйснення іншых дзеянняў, накіраваных на прычыненне шкоды нацыянальнай бяспецы краіны".

Чытайце таксама:

20
Тэги:
Мінск, Расія, Беларусь, прэзідэнт, інфармацыя, СНД, Вышук, Святлана Ціханоўская
Тэмы:
Пратэсты пасля выбараў у Беларусі
Упаўнаважаны па правах чалавека ў Расійскай Федэрацыі Таццяна Маскалькова

Маскалькова абмяркуе з паслом Сямашкам лёс расіянкі Сапегі

12
(абноўлена 16:08 16.06.2021)
Расіянка, якой у Беларусі прад'яўлена абвінавачанне па крымінальным артыкуле, з траўня знаходзіцца ў СІЗА КДБ.

МІНСК, 16 чэр – Sputnik. Упаўнаважаны па правах чалавека ў Расійскай Федэрацыі Таццяна Маскалькова абмяркуе з беларускім паслом Уладзімірам Сямашкам лёс затрыманай у Мінску расіянкі Сафіі Сапегі.

Сапега была знята з самалёта ірландскай кампаніі Ryanair, які экстранна сеў у Мінску 23 траўня. У Беларусі расіянка праходзіць па дзвюх крымінальных справах.

"Мы на сувязі з пасольствам (Беларусі), да мяне зваротаў не паступала… Я таксама планую асабіста звязацца з паслом Беларусі, вельмі важна, каб нашы грамадзяне адчувалі, што ім аказваецца дапамога, дзе б яны ні знаходзіліся", - заявіў амбудсмен Маскалькова ў сераду ў Маскве.

Як заявіў на прэс-канферэнцыі кіраўнік Следчага камітэта Беларусі Дзмітрый Гара, Сафія Сапега знаходзілася ў поле зроку беларускіх сілавікоў яшчэ з канца мінулага года як адміністратар прызнанага экстрэмісцкім Telegram-канала.

"Сафія Сапега была затрымана ў аэрапорце па падазрэнні ў здзяйсненні злачынства, прадугледжанага артыкулам 342, гэта ўдзел у масавых беспарадках, але практычна адразу яна была прыцягнута ў якасці абвінавачанай па іншай крымінальнай справе, якая расследуецца па частцы 3 артыкула 130 - гэта распальванне сацыяльнай варожасці і звады", - удакладніў ён.

Кіраўнік СК дадзеныя меры растлумачыў тым, што Сапега была адміністратарам прызнанага экстрэмісцкім Telegram-канала "Чорная кніга Беларусі", дзе выкладвалі дадзеныя сілавікоў і дзяржслужачых.

Чытайце таксама:

12
Тэги:
СІЗА КДБ, Беларусь, Сафія Сапега, Уладзімір Сямашка, пасол, Таццяна Маскалькова
Які сёння дзень: 17 чэрвеня 2021 года

Які сёння дзень: 17 чэрвеня 2021 года

0
(абноўлена 12:10 16.06.2021)
Гэты дзень з'яўляецца сто шасцьдзясят восьмым па грыгарыянскім календары, да канца года засталося 197 дзён.

Сёння адзначаецца Сусветны дзень барацьбы з апустыньваннем і засухай. Якія яшчэ падзеі адбыліся 17 чэрвеня і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 17 чэрвеня

  • У 1416 годзе Канстанцкі сабор прыняў рашэнне, паводле якога Жамойць у адміністрацыйным дачыненні падпарадкоўвалася імператару Жыгімонту, а ў царкоўным — польскім і літоўскім біскупам.
  • У 1793 годзе ў Гародні пачаўся апошні сойм Рэчы Паспалітай.
  • У 1907 годзе на з’ездзе ў Вільні створана Краёвая партыя Літвы і Беларусі.

Хто нарадзіўся 17 чэрвеня

  • 1934 год: Барыс Даўгатовіч, беларускі гісторык і літаратар.

Таксама сёння нарадзіліся расійскі кампазітар Ігар Стравінскі і польскі кінарэжысёр Кшыштаф Занусі.

17 чэрвеня ў народным календары

Сёння праваслаўныя вернікі шануюць памяць свяціцеля Мітрафана.

Палявыя работы, нягледзячы на спякоту, не прыпыняліся – сяляне раскідвалі па палях, якія "адпачываюць" – гэта значыць, не засяваюцца ў гэтым годзе, угнаенні.

Таксама сеялі грэчку. Пра тое, што час для гэтага настаў, казалі паружавеўшыя ягады суніц.

Калі ў гэты дзень быў дождж, ён мог зацягнуцца яшчэ на два-тры дні.

0
Тэги:
народны каляндар, які сёння дзень
Тэмы:
Які сёння дзень: каляндар знакавых падзей