МІНСК, 5 чэр — Sputnik. Мінчане і госці беларускай сталіцы за два дні святкавання Дня Незалежнасці ля Палаца спорту з'елі тры тоны шашлыку і мясной прадукцыі, паведамілі ў чацвер у Мінгарвыканкаме.
Минчане на праздничном гулянье у Дворца спорта 2-3 июля съели 3 тонны шашлыка и мясной продукции!!!#цифры #факты pic.twitter.com/WHq40JeqXE
— Мингорисполком (@minskgovby) 5 июля 2018 г.
Беларусь маштабна адзначыла галоўнае свята краіны на мінулых выхадных — з улікам пераносу жыхары рэспублікі адпачывалі чатыры дні. Галоўныя гулянні ў Мінску разгарнуліся ля Палаца спорту — там былі размешчаны шматлікія пункты грамадскага харчавання.
"Мінчане на святочным гулянні ля Палаца спорту 2 і 3 ліпеня з'елі 3 тоны шашлыку і мясной прадукцыі", — паведамілі ў выканкаме.
Пры гэтым у Дзень Перамогі ў бягучым годзе гэты паказчык быў істотна вышэйшы — за дзень гандлю было прададзена 3,5 тоны шашлыку і іншай мясной прадукцыі. Тады агульны тавараабарот кропак харчавання ля Палаца спорту склаў 250 тысяч рублёў.
