Урадавая дэлегацыя Узбекістана наведала Беларускую АЭС

Узбекістан цікавіцца беларускім вопытам у будаўніцтве АЭС

7
(абноўлена 17:02 06.07.2018)
Дэлегаты з Узбекістана пабывалі на будпляцоўцы Беларускай АЭС з рабочым візітам і азнаёміліся з ходам будавання станцыі.

МІНСК, 6 ліп — Sputnik. Узбекістан зацікаўлены ў вывучэнні беларускага вопыту будаўніцтва АЭС, паведамілі ў прэс-службе міністэрства энергетыкі Беларусі.

Дэлегаты з Узбекістана на чале з віцэ-прэм'ерам рэспублікі Алішэрам Султанавым сустрэліся з прадстаўнікамі міністэрства энергетыкі Беларусі: у сераду госці наведалі будпляцоўку Беларускай АЭС з рабочым візітам.

Як паведамілі ў прэс-службе міністэрства, у ходзе перамоваў спецыялісты абмяняліся вопытам па рэалізацыі беларускай ядзернай энергетычнай праграмы і будаванні станцыі ў Беларусі: у сувязі з тым, што ўрад Узбекістана прыняў рашэнне будаваць АЭС на тэрыторыі сваёй краіны, вопыт Беларусі з'яўляецца для гасцей асабліва актуальным.

Члены дэлегацыі не толькі азнаёміліся з ходам будавання Беларускай атамнай электрастанцыі, але і наведалі яе інфармацыйны цэнтр, а таксама змаглі ацаніць дзейнасць вучэбна-трэніровачнага цэнтра і сацыяльную інфраструктуру горада Астравец.

7
Тэги:
Бел АЭС, Узбекістан, Беларусь
Каментары