Міліцэйскі спецназ набыў яшчэ адно рысяня

© Photo : ВКонтакте / Витебск CityРасяня, якое купілі ў Расіі
Расяня, якое купілі ў Расіі - Sputnik Беларусь
Падпісацца
Зараз паўтарамесячнае рысяня, якое прывезлі з Расіі, знаходзіцца пад наглядам ветэрынараў.

МІНСК, 6 ліп — Sputnik. Вайсковая часць 3214 унутраных войскаў Міністэрства ўнутраных спраў Беларусі набыла яшчэ адно рысяня, гэта самка, ёй паўтара месяца, паведамілі ў прэс-службе ўнутраных войскаў.

Кранальная гісторыя сяброўства салдата і рысі - Sputnik Беларусь
Відэа
Кранальная гісторыя сяброўства салдата і рысі. Відэа

Амаль год таму міліцэйскі спецназ купіў жывы сімвал вайсковай часці 3214 — самца рысі па мянушцы Фенікс.

"Паўтарамесячную самку рысі набылі ў адным з запаведнікаў Расіі. Грошы на яе куплю былі сабраныя афіцэрскім сходам вайсковай часці", — паведамілі Sputnik у пятніцу ў прэс-службе.

Па словах суразмоўцаў агенцтва, на працягу месяца неабходныя дакументы будуць прадастаўлены ў Мінпрыроды для рэгістрацыі жывёлы.

У цяперашні час у маленькай рысі перыяд вакцынацыі, яна знаходзіцца пад наглядам ветэрынараў.

"Мянушку рысяняці яшчэ не прыдумалі", — удакладнілі ва ўнутраных войсках.

Рысь з'яўляецца жывым знакам міліцэйскага спецназа. Яна намаляваная на шаўроне формы спецназаўцаў. На працягу 15 гадоў на тэрыторыі вайсковай часці жылі дзве рысі. Пасля іх смерці кіраўніцтва часткі прыняло рашэнне не мяняць традыцыі і набыла ў расійскім гадавальніку самца рысі, якога назвалі Фенікс.

Стужка навiн
0