Пернікі з партрэтам Дыега Марадоны

Пернікі з партрэтам Дыега Марадоны сталі хітом продажу ў Брэсце

8
(абноўлена 10:49 14.07.2018)
Сувенірную прадукцыю з выявай легенды сусветнага футбола выпусціў ФК "Дынама-Брэст" напярэдадні яго прыезду ў Брэст.

БРЭСТ, 14 ліп — Sputnik, Іна Грышук. Пернікі з выявай Дыега Марадоны сталі прадаваць напярэдадні прыезду вядомага футбаліста ў Брэсце. Ядомыя сувеніры з зоркай спадабаліся прыхільнікам і раскупляюцца больш актыўна за кепкі, кубкі, сцяжкі і іншыя брэндаваныя прэзенты.

Пернікі і іншыя сувеніры распрацаваў футбольны клуб "Дынама-Брэст". Гэта кубкі, майкі кепкі, налепкі, сцяжкі і іншыя рэчы, на якіх намаляваны знакаміты аргентынскі футбаліст. Купіць іх можна толькі ў афіцыйным фан-шопе клуба.

Сувенирная продукция с изображением Диего Марадоны
© Sputnik / Инна Гришук
Сувенірная прадукцыя з выявай Дыега Марадоны

Сувеніры адразу ж ацанілі прыхільнікі. Але асаблівым попытам карыстаюцца менавіта пернікі. Чаму менавіта яны, у краме не могуць растлумачыць. Абяцаюць, што вырабілі іх вельмі шмат, таму павінна хапіць на ўсіх прыхільнікаў.

Дыега Марадона быў прызначаны старшынёй праўлення футбольнага клуба "Дынама-Брэст" у сярэдзіне мая гэтага года. З ім быў заключаны трохгадовы кантракт. Марадона будзе займацца пытаннямі стратэгічнага развіцця клуба.

Пряники с изображением Диего Марадоны
© Sputnik / Инна Гришук
Пернікі з выявай Дыега Марадоны

У Брэст легендарны футбаліст ўпершыню прыляціць 16 чэрвеня. Ён дасць сваю першую ў Беларусі прэс-канферэнцыю і наведае хатні матч брэсцкага "Дынама".

8
Тэги:
ФК "Дынама" (Брэст), Дыега Марадона, Брэст
Тэмы:
Дыега Марадона ў "Дынама-Брэст" (12)
По теме
Дыега Марадона ў "Дынама-Брэст"
Каментары