Пісьменнік Васіль Быкаў

Брэнд беларускай культуры: на радзіме Васіля Быкава зладзяць чарговы летнік

113
(абноўлена 15:21 16.07.2018)
Удзельнікі змогуць сумясціць прыемны адпачынак з працай па ўладкаванні тэрыторыі каля дома-музея пісьменніка.

МІНСК, 16 ліп – Sputnik. Моладзевы летнік у Бычках, на радзіме Васіля Быкава, пад назвай "Брэнд беларускай культуры", пройдзе 14-19 жніўня, паведамілі Sputnik арганізатары.

Да ўдзелу запрашаецца моладзь ад 18 да 30 гадоў. Удзельнікам летніка абяцаюць сустрэчы і лекцыі з беларускімі творцамі, грамадскімі і культурнымі дзеячамі. У розныя гады ў ліку выступоўцаў і лектараў моладзевага летніку ўжо былі Уладзімір Арлоў, Алесь Пушкін, Валярына Кустава, Франак Вячорка, Пятро Клюеў, Аляксандр Лукашук і іншыя грамадскія і творчыя дзеячы.

Госці Бычкоў прымуць удзел у распрацоўцы канцэпцыі, ініцыятываў і праектаў па прасоўванні беларускай культуры. Акрамя таго, нагадваюць арганізатары, летнік – добрая магчымасць адпачыць, завесці новыя знаёмствы, пазнаёміцца з прыродай і культурай мясцінаў Быкава.

Ад удзельнікаў патрабуецца толькі адно — займацца ўпарадкаваннем школы В. Быкава і прыборкай тэрыторыі.

Арганізатары забяспечваюць праезд і харчаванне ўдзельнікаў. Пражываць яны будуць у намётах на тэрыторыі сядзібы.

Удзельнікам трэба запоўніць анкету да 5 жніўня. Дадатковыя пытанні можна задаць праз мэйл.

113
Тэги:
моладзевы летнік, Васіль Быкаў, Віцебская вобласць, Беларусь
Медыцынскія работнікі і пацыент у шпіталі для лячэння хворых на COVID-19

Зноў рост: Міністэрства аховы здароўя назвала статыстыку па каронавірусе

2
(абноўлена 14:58 16.04.2021)
За апошнія суткі ў рэспубліцы памерлі 10 чалавек з дыягнаставанай каронавіруснай інфекцыяй, усяго ад пачатку пандэміі - 2 403.

МІНСК, 16 кра – Sputnik. За мінулыя суткі ў рэспубліцы выяўлены 1 516 новых выпадкаў заражэння каронавіруснай інфекцыяй, пра гэта паведаміла прэс-служба Міністэрства аховы здароўя Беларусі.

Агульная колькасць выпадкаў заражэння за ўвесь перыяд пандэміі склала 341 539.

За апошнія 24 гадзіны ачунялі і выпісаліся з бальніц 1 489 чалавек, усяго ачунялі ад пачатку пандэміі 331 972 пацыенты.

Ад каронавіруса за мінулыя суткі памерлі 10 чалавек, усяго ад пачатку пандэміі памерлі 2 403 пацыенты. Выкананы 18 875 тэстаў на наяўнасць каронавіруса, усяго ў краіне іх правялі 5 627 834.

Трэцяя хваля каронавіруса

Нагадаем, што ў краіне пачаўся чарговы ўздым захворвання - ён звязаны з трэцяй хваляй каронавіруса, пра гэта Міністэрства аховы здароўя паведаміла 13 красавіка. У сувязі з гэтым ведамства ў чарговы раз нагадала беларусам аб захаванні масачнага рэжыму і сацыяльнай дыстанцыі.

У прыватнасці, для прадухілення распаўсюджвання каронавіруснай інфекцыі 12 красавіка ў сталіцы ўвялі новыя абмежаванні, звязаныя з правядзеннем масавых мерапрыемстваў.

Вакцынацыя ў Беларусі

Масавая вакцынацыя ад каронавіруса стартавала ў рэспубліцы 8 красавіка. Даступны два прэпараты: кітайскі "Сінафарм" і расійскі "Спутник V". Запісацца на вакцынацыю можна на сайце паліклінікі або па тэлефонах колл-цэнтраў.

Чытайце таксама:

2
Тэги:
COVID-19, пандэмія, каронавірусная інфекцыя, інфекцыя, чалавек, рэспубліка, каронавірус, Статыстыка, Міністэрства аховы здароўя
Тэмы:
Каронавірус COVID-19
Камеры і журналісты

Інфармацыйная бяспека: праект закона аб СМІ прыняты ў другім чытанні

6
(абноўлена 14:37 16.04.2021)
У адпаведнасці з праектам закона, у Беларусі пракурорам дазволяць блакіраваць інтэрнэт-рэсурсы і сеткавыя выданні.

МІНСК, 16 кра – Sputnik. Беларускія дэпутаты прынялі ў другім чытанні законапраект аб змене законаў па пытаннях СМІ, у адпаведнасці з якім уведзены больш жорсткія патрабаванні да сродкаў масавай інфармацыі ў кантэксце пытанняў нацыянальнай бяспекі.

Першае чытанне праекта закона прайшло ў Авальнай зале на мінулым тыдні, ён быў прыняты аднагалосна. Сёння ў Мінску праходзіць пасяджэнне пятай сесіі Палаты прадстаўнікоў Нацыянальнага схода Беларусі.

Прадстаўляючы праект закона дэпутатам, намеснік старшыні камісіі па правах чалавека, нацыянальных адносінах і сродках масавай інфармацыі, былы міністр інфармацыі Лілія Ананіч адзначыла, што яго прыняцце будзе садзейнічаць найбольш эфектыўнаму забеспячэнню інфармацыйнай бяспекі дзяржавы і рэалізацыі канстытуцыйных праў грамадзян на атрыманне поўнай, дакладнай i своечасовай iнфармацыi.

Як ранняе паведамляла агенцтва, у адпаведнасці з праектам закона ў Беларусі пракурорам дазволяць блакіраваць інтэрнэт-рэсурсы і сеткавыя выданні, калі тыя распаўсюджваюць інфармацыю, здольную нанесці шкоду нацыянальным інтарэсам.

Абмежаваць доступ могуць у выпадку, калі такія выданні "распаўсюджваюць звесткі, накіраваныя на прапаганду вайны, экстрэмісцкай дзейнасці або змяшчаюць заклікі да такой дзейнасці", а таксама за інфармацыю, якая "можа нанесці шкоду нацыянальным інтарэсам".

У праекце закона таксама пашыраны пералік відаў інфармацыі, распаўсюджванне якой забаронена. Таксама ўтрымліваецца норма аб абмежаванні замежнага ўплыву на інфармацыйны рынак, выключыўшы наяўную прэферэнцыю для СМІ, у статутным фондзе якіх прысутнічаюць замежныя інвестыцыі больш за 20%.

Акрамя гэтага, праектам закона прапануецца пашырыць падставы для адмовы ў дзяржаўнай рэгістрацыі і перарэгістрацыі СМІ. Спіс прычын для абмежавання доступу да інтэрнэт-рэсурсу або сеткаваму выданню ў новым праекце таксама стаў шырэй, а такое рашэнне можа прымаць не толькі Мінінфарм, але і пракуроры.

Чытайце таксама:

6
Тэги:
інтэрнэт-рэсурсы, сеткавыя выданні, Інтэрнэт, пракурор, Беларусь, СМІ, закон, праект, Бяспека
Тэмы:
Пратэсты пасля выбараў у Беларусі