Прыём дакументаў у ССНУ стартаваў у Беларусі

© Sputnik / Виктор ТолочкоПадача дакументаў абітурыентамі, архіўнае фота
Падача дакументаў абітурыентамі, архіўнае фота - Sputnik Беларусь
Падпісацца
Абітурыенты змогуць падаць дакументы на бюджэт па 3 жніўня, на платнае аддзяленне прыём скончыцца 14 жніўня.

МІНСК, 20 ліп — Sputnik. Прыём дакументаў у сярэднія спецыяльныя навучальныя ўстановы Беларусі пачаўся ў пятніцу, перадае карэспандэнт Sputnik.

У прыёмную камiсiю ССНУ абітурыент павінен падаць дакумент, які пацвердзіць асобу, заяву, атэстат, сертыфікаты пройдзенага ЦТ, меддаведку і фатаграфіі. Калі паступаючы прэтэндуе на льготы, то неабходна таксама падаць дакументы, якія пацвярджаюць права на іх.

Абітурыенты, якія атрымалі агульную базавую адукацыю, могуць падаць дакументы на бюджэтнае навучанне па 3 жніўня, на платнае аддзяленне прыём будзе доўжыцца па 14 жніўня. Уступныя выпрабаванні былыя школьнікі будуць здаваць з 4 па 8 жніўня. Тыя, хто пройдуць на бюджэт, будуць залічаны ў ССНУ па 10 жніўня, платнікаў будуць залічаць па 16 жніўня.

У абітурыентаў, якія маюць агульную сярэднюю і прафесійна-тэхнічную з агульнай сярэдняй адукацыю, дакументы на навучанне за кошт бюджэту будуць прымаць па 9 жніўня, на платную форму — па 16 жніўня. Уступныя выпрабаванні для гэтых абітурыентаў пройдуць з 10 па 12 жніўня. Бюджэтнікаў залічаць да 14 жніўня ўключна, аб залічэнні на платнае аддзяленне стане вядома да 17 жніўня ўключна.

Стужка навiн
0