Людзі на рэчцы, архіўнае фота

У Беларусі забаранілі купацца ў трох месцах

18
(абноўлена 14:47 21.07.2018)
Спецыялісты праверылі амаль 400 зон рэкрэацыі і выявілі парушэнні ў 49-і.

МІНСК, 21 ліп — Sputnik. Эпідэміёлагі абмежавалі купанне ў Беларусі амаль у 40 месцах, а ў трох — і зусім гэта рабіць забаронена, сведчыць дакумент, апублікаваны на сайце Рэспубліканскага цэнтра гігіены, эпідэміёлагі і грамадскага здароўя.

Спецыялісты ў перыяд з 13 па 19 ліпеня правялі маніторынг зон рэкрэацыі, абследаваўшы 385 месцаў. У выніку абследавання было выяўлена, што на 49 (12,7%) з іх парушаныя санітарныя нормы і правілы. У прыватнасці, пытанні выклікала ўтрыманне тэрыторыі: распранальні, грамадскія прыбіральні, кантэйнеры для збору смецця.

"У цяперашні час у Рэспубліцы Беларусь тэрытарыяльнымі органамі дзяржаўнага санітарнага нагляду ўнесены прапановы па абмежаванні купання на 38 зонах рэкрэацыі, якія не адпавядаюць эпідэміялагічным крытэрыям бяспекі і/або якія знаходзяцца ў нездавальняючым санітарна-тэхнічным стане, забаронена купанне — на 3 зонах рэкрэацыі", — гаворыцца ў дакуменце.

Купанне забаронена на пляжы гарадскога парка ў Жабінцы, а таксама на восьмым і дзевятым пляжах вадасховішча "Заслаўскае" ў Мінску. З поўным спісам зон, на якіх абмежавана купанне для дзяцей, можна азнаёміцца тут.

18
Тэги:
Рэспубліканскі цэнтр гігіены і эпідэміялогіі, Беларусь
Каментары