Зерне

Беларусь можа недабраць збожжа для піваварэння і вытворчасці спірту

14
(абноўлена 16:28 09.08.2018)
Аб памяншэнні ўраджаю ўжо заявілі не толькі ў Беларусі, але таксама ў Расіі і Польшчы.

МІНСК, 9 жні — Sputnik. Беларусь можа недабраць неабходнага для піваварнай і спіртавой вытворчасці ўраджаю, паведаміў у чацвер журналістам намеснік гендырэктара па навуковай рабоце РУП "Навукова-практычны цэнтр НАН Беларусі па земляробстве" Эрома Урбан.

Ураджай у Беларусі ў гэтым годзе прыкметна ніжэйшы за мінулагодні з-за засухі напрыканцы вясны і напачатку лета і праліўных дажджоў у канцы ліпеня.

"Увесну віды на ўраджай былі аптымістычныя — мы разлічвалі атрымаць каля дзевяці мільёнаў тон збожжа. Але потым пачаліся працэсы засухі — надвор'е ўнесла карэктывы. Сёння такое не толькі ў Беларусі, але і Расіі, Украіне. У Польшчы з пасевамі нават горш", — распавёў ён.

Ураджайнасць, адзначыў Урбан, пакуль не радуе: яна ў сярэднім на восем цэнтнераў з гектара менш, чым у мінулым годзе.

"Пэўныя страты ёсць, але дзяржзаказ будзе выкананы ў поўным аб'ёме — ужо сабрана каля 500 тысяч тон, а ўсяго для рэспублікі трэба 1,1-1,2 мільёна тон збожжа", — распавёў прадстаўнік НПЦ.

Акрамя дзяржзаказа, рэспубліцы трэба збожжа і для іншых мэтаў, у тым ліку — 150 тысяч тон для піваварнай прамысловасці і 230 тысяч тон для вытворчасці спірту. Паводле яго слоў, тут могуць быць праблемы: добрага па якасці ўраджаю не хопіць.

Маштабная ўборачная кампанія стартавала ў рэспубліцы некалькі тыдняў таму. У цэлым у рэспубліцы чакаецца атрымаць каля сямі мільёнаў тон збожжа.

14
Тэги:
Уборачная кампанія, Нацыянальная акадэмія навук Беларусі, Беларусь
По теме
Лукашэнка пракаментаваў уборачную кампанію: нас яшчэ Гасподзь пашкадаваў
Будні камбайнера: яшчэ адзін аграблог з'явіўся ў Беларусі