МІНСК, 9 жні — Sputnik. Бізнесмен Андрэй Мельнічэнка, які нарадзіўся ў Гомелі, трапіў у спіс дзесяці найбагацейшых людзей Расіі па версіі часопіса Forbes.
Расійская версія вядомага часопіса апублікавала чарговы рэйтынг найбагацейшых бізнесменаў РФ.
У топ-10 спісу трапіў і Мельнічэнка — ён займае сёмае месца. Цікава, што саўладальнік Сібірскай вугальнай энергетычнай кампаніі і "ЕўраХіма", чыё багацце ацанілі ў 15,5 мільярдаў долараў ЗША, нарадзіўся ў беларускім Гомелі.
Перабраўся ў Расію Мельнічэнка даўно — у 1990-х ён з'ехаў на вучобу на фізфак МДУ, дзе не толькі атрымліваў вышэйшую адукацыю, але і зарабляў: адкрыў валютны абменнік. Пазней будучы мільярдэр вучыўся ў Расійскай эканамічнай акадэміі.
Першае месца ў рэйтынгу Forbes займае Уладзімір Лісін — старшыня савета дырэктароў групы кампаній НЛМК, якая займаецца вытворчасцю сталі. Яго багаццне ацэньваюць у больш чым 19 мільярдаў долараў.
