Бульба, архіўнае фота

Беларусь можа застацца без бульбы з-за надвор'я

27
(абноўлена 15:02 10.08.2018)
Акрамя неспрыяльных умоў надвор'я, на ўраджай бульбы ўплывае і масавае паражэнне фітафторай.

МІНСК, 10 жні — Sputnik. Умовы для фарміравання ўраджаю сярэднеспелых і познаспелых гатункаў бульбы пагоршыліся з-за гарачага надвор'я, паведамілі ў пятніцу ў Белгідрамеце.

Лета 2018 года выдалася няўдалым для ўсяго ўраджаю. Пасля чэрвеньскай засухі, ліпеньскіх дажджоў і вяртання спёкі ў жніўні пацярпелі пасевы, горш пладаносяць і дрэвы. Аказваецца, пад пагрозай нават ураджай аднаго з сімвалаў Беларусі — бульбы.

"У сувязі з усталяваннем гарачага надвор'я аграметэаралагічныя ўмовы для фарміравання ўраджаю сярэднеспелых і познаспелых гатункаў бульбы пагоршыліся", — паведамілі ў Белгідрамеце.

Па дадзеных метэаролагаў, сярэдняя тэмпература глебы на глыбіні ў дзесяць сантыметраў прыкметна вышэй за патрабаваную.

"Практычна на ўсёй тэрыторыі рэспублікі ў бульбы скончылася красаванне, у раннеспелых і сярэднеспелых гатункаў пераважна ў Гомельскай вобласці адзначаецца натуральнае завяданне бацвіння. Па звестках шэрагу метэастанцый Гомельскай, Мінскай і Віцебскай абласцей пасадкі бульбы пашкоджаны фітафторай", — адзначылі метэаролагі.

У бліжэйшы час спёка ў Беларусі захаваецца — гэта таксама будзе ўскладняць ўмовы для росту клубняў. Горш за ўсё прыйдзецца познаспелым гатункам бульбы.

Якога аб'ёму ўраджаю бульбы Беларусь не далічыцца, метэаролагі не распавядаюць. У мінулым годзе сельскагаспадарчыя прадпрыемствы сабралі амаль шэсць мільёнаў тон бульбы.

27
Тэги:
Бульба, Надвор'е, Рэспубліканскі цэнтр па гідраметэаралогіі, кантролі радыеактыўнага забруджвання і маніторынгу навакольнага асяроддзя, Беларусь
Медык праводзіць санітарную апрацоўку машыны хуткай дапамогі пасля дастаўкі пацыента з падазрэннем на каронавірус

Колькасць выяўленых у Беларусі выпадкаў каронавіруса перавысіла 64 тысячы

2
(абноўлена 14:51 07.07.2020)
Паправіліся і выпісаныя, па дадзеных на раніцу аўторка, большасць пацыентаў - амаль 52 тысячы.

МІНСК, 7 ліп - Sputnik. Колькасць выяўленых выпадкаў каронавіруса ў Беларусі дасягнула 64 003, паведамілі сёння ў Міністэрстве аховы здароўя рэспублікі.

Да раніцы аўторка ў Беларусі праведзена больш за 1,078 мільёна тэстаў. За суткі спецыялісты зрабілі яшчэ 4027 аналізаў на каронавірус.

Зарэгістравана 64 003 выпадкі каронавіруса. За суткі іх стала больш на 199 - мінімальнае за некалькі месяцаў значэнне.

Колькасць тых, хто паправіўся і выпісаны, складае 51 902, за суткі іх колькасць вырасла на 782 пацыента.
"За ўвесь перыяд распаўсюджвання інфекцыі на тэрыторыі краіны памерлі 436 пацыентаў з шэрагам хранічных захворванняў з выяўленай каронавіруснай інфекцыяй", - паведамілі ў Міністэрстве аховы здароўя.

Такім чынам, за суткі зарэгістравана сем новых смяротных вынікаў.

Раніцай у аўторак на сустрэчы з актывам Мінска прэзідэнт Аляксандр Лукашэнка заявіў аб пераадоленні цяжкай сітуацыі з каронавірусам у сталіцы - тут яна была найбольш напружанай. "Разбіўкау" па рэгіёнах Міністэрства аховы здароўя не дае з мая.

Чытайце таксама:

2
Тэги:
каронавірус, Міністэрства аховы здароўя Рэспублікі Беларусь, Беларусь
Тэмы:
Каронавірус COVID-19
У студэнцкай вёсцы

Прэзідэнт даручыў пабудаваць чатыры новыя інтэрнаты ВНУ

10
(абноўлена 17:26 06.07.2020)
Гаворка ідзе пра ўзвядзенне новых інтэрнатаў для шэрагу сталічных універсітэтаў - ад БДУІР да БДУФК.

МІНСК, 6 ліп - Sputnik. Прэзідэнт Беларусі Аляксандр Лукашэнка сваім распараджэннем ад 2 лiпеня 2020 г. № 121рп даручыў пабудаваць новыя інтэрнаты для шэрагу ВНУ, паведамілі на Нацыянальным прававым інтэрнэт-партале.
Пабудаваць новыя інтэрнаты для сталічных ВНУ павінны да 2024 года.

Як паведамляюць у НЦПІ, гаворка ідзе пра інтэрнат на 1030 месцаў - яго падзеляць студэнты Беларускага дзяржаўнага ўніверсітэта інфарматыкі і радыёэлектронікі (БДУІР) і Беларускага дзяржаўнага медыцынскага ўніверсітэта (БДМУ).

Акрамя таго, новы інтэрнат пабудуюць для Беларускага нацыянальнага тэхнічнага ўніверсітэта (БНТУ) і Беларускага дзяржаўнага тэхналагічнага ўніверсітэта (БДТУ), абодва - на 1030 месцаў.

Таксама на 700 месцаў плануецца пабудаваць інтэрнат для Беларускага дзяржаўнага ўніверсітэта фізічнай культуры (БДУФК).

Да 2024 года плануюць таксама ўзвесці навучальны корпус практыка-арыентаванага навучання для БДМУ.
"Дакументам вызначаны генеральныя праектныя і падрадныя арганізацыі па будаўніцтве гэтых аб'ектаў, а таксама парадак прадастаўлення і пагашэння крэдытаў на названыя мэты", - паведамілі ў НЦПІ.

Дзе будуць пабудаваны новыя інтэрнаты, пакуль не вядома.

Нагадаем, кіраўнік дзяржавы раней паставіў задачу забяспечыць усіх студэнтаў ВНУ магчымасцю пражываць у інтэрнатах. Сёння праблема з колькасцю месцаў ёсць толькі ў мінскіх універсітэтах, у рэгіёнах недахопу інтэрнатаў няма.

10
Тэги:
ВНУ, Беларусь, Аляксандр Лукашэнка
Выбары прэзідэнта Беларусі 2020

Выбары: агітаваць за кандыдатаў дазволілі толькі на ўскраінах гарадоў

0
(абноўлена 14:39 07.07.2020)
Такія рашэнні прынялі выканаўчыя камітэты па ўсёй Беларусі - ад сталіцы і да невялікіх гарадоў рэспублікі.

МІНСК, 7 ліп - Sputnik. Агітаваць за кандыдатаў у прэзідэнты па ўсёй Беларусі можна будзе толькі на ўскраінах, адпаведныя рашэнні прынялі мясцовыя выканкамы.

Згодна з дзеючым заканадаўствам, месцы вулічнай агітацыі перад выбарамі вызначаюць мясцовыя органы ўлады.
У рамках выбарчай кампаніі гэтага года выканкамы ўжо прынялі адпаведныя рашэнні. Цікава, што па ўсёй краіне праводзіць вулічныя агітацыйныя мерапрыемствы можна будзе толькі на выдаленні ад цэнтра гарадоў.

Так, у Мінску былі вызначаны шэсць месцаў: у двухмільённым горадзе праводзіць мерапрыемствы дазволілі толькі ў парку Дружбы Народаў, парку 50-годдзя Кастрычніка, у Кіеўскім скверы, каля парка Грэкавай, а таксама ў скверы Жукава і Тучынскім скверы. Усе яны размешчаны далёка ад цэнтра.

Аналагічныя рашэнні, як ужо паведамляў Sputnik, прымаліся і ў Гродне: у абласным цэнтры ўсе месцы агітацыі знаходзяцца на выдаленні.

Такая ж сітуацыя - у Гомелі, Магілёве, Віцебску, Брэсце, Баранавічах, Маладзечне. Аналагічна - i ў iншых гарадах.
Цікава, што ў рамках выбараў прэзідэнта ў 2015-м умовы вулічнай агітацыі былі больш ліберальнымі: так, у Мінску можна было праводзіць мерапрыемствы практычна ўсюды, за выключэннем цэнтральных плошчаў і тэрыторый каля адміністрацыйных будынкаў.

Акрамя месцаў для вулічнай агітацыі, выканкамы вызначылі і месцы для сустрэч у выбаршчыкамі ў памяшканнях. З поўнымі спісамі можна азнаёміцца на сайтах камітэтаў.

Агітацыя ў рамках выбарчай кампаніі стартуе пасля рэгістрацыі кандыдатаў у прэзідэнты. На яе будзе адведзена крыху больш за тры тыдні. Выбары прэзідэнта пройдуць 9 жніўня.

0
Тэги:
Выбары, Беларусь
Тэмы:
Выбары прэзідэнта Беларусі - 2020