Вайсковыя могілкі ў Мінску

Уратаваць Вайсковыя могілкі спрабуюць валанцёры

183
(абноўлена 22:26 27.08.2018)
Зараз работы Спецкамбіната па добраўпарадкаванні Вайсковых могілак прыпыненыя па рашэнні пракуратуры, але валанцёры ўпэўненыя: чыноўнікі хутка вернуцца.

Генеральная пракуратура паабяцала прыняць меры адносна выяўленных парушэнняў на добраўпарадкаванні Вайсковых могілак і абяцанне сваё стрымала: зараз на адным з галоўных некропаляў адносная цішыня. Сюды кожны дзень прыходзяць толькі валанцёры — па тры-чатыры чалавекі ў буднія дні і некалькі дзесяткаў — у выхадныя. Працай кіруе гісторык Павел Каралёў.

Каардынуе працу валанцёраў Павел Каралёў
© Sputnik Алеся Шаршнёва
Каардынуе працу валанцёраў Павел Каралёў

"Мы пачалі працаваць тут прыкладна два з паловай месяцы таму, і з таго часу не было ніводнага дня, каб на могілках не ішла праца. Робім усё за ўласныя сродкі або за ахвяраванні добрых людзей. Бывае так, што чалавек фізічна не можа дапамагчы, а проста прыносіць грошы ці нават пэнзлі і фарбу", — распавядае Павел.

Уся інфармацыя аб працы валанцёраў размяшчаецца ў суполках у сацыяльных сетках, але ў хуткім часе можа з'явіцца адмысловы сайт, прысвечаны Вайсковым могілкам. Там будуць дадзеныя не толькі аб дзейнасці валанцёраў, але і гісторыя пахаванняў, фотаздымкі і відэа.

Валанцёры працуюць на Вайсковых могілках
© Sputnik Алеся Шаршнёва
Валанцёры працуюць на Вайсковых могілках

Падлік адноўленых помнікаў не вядзецца. Павел кажа, што проста няма такой мэты, і называе толькі прыкладную лічбу — каля ста. Валанцёры рамантуюць агароджу, чысцяць і фарбуюць кветнікі.

Перш за ўсё праца ідзе з аб'ектамі, пазначанымі жоўтай і чырвонай фарбамі: менавіта так прадстаўнікі спецыяльнай камісіі ў 2015 годзе пазначалі помнікі, якія знаходзіліся ў неналежным стане, у тым ліку патрабавалі дэмантажу канструкцый.

Крыжы і пахаванні, прызначаныя для дэмантажу, прадстаўнікі спецыяльнай камісіі пазначалі жоўтай і чырвонай фарбамі
© Sputnik Алеся Шаршнёва
Крыжы і пахаванні, прызначаныя для дэмантажу, прадстаўнікі спецыяльнай камісіі пазначалі жоўтай і чырвонай фарбамі

Па ранейшай інфармацыі, Мінкульт налічыў каля трох тысяч такіх пахаванняў. Валанцёры лічаць, што такіх аб'ектаў на Вайсковых могілках менш у дзесяткі разоў.

Амерыканскі пантэон замест беларускіх могілак

"Пра тое, што помнікі і крыжы на некаторых пахаваннях збіраюцца дэмантаваць, я даведаўся яшчэ паўтары гады таму. Проста прыйшоў і пабачыў вялікую колькасць шыльдачак, якія папярэджвалі сваякоў пахаваных, што, калі не будуць прынятыя меры па прывядзенні ў парадак надмагільных плітаў, праз тры гады іх заменяць стандартнымі. Яшчэ тады ўразіла тое, што іх вельмі многа", — успамінае Павел Каралёў.

Гісторык займае пасаду сакратара грамадскай назіральнай камісіі пры Міністэрстве культуры, таму адразу ж узняў пытанне і разам з аднадумцамі накіраваў лісты ў Мінгарвыканкам, Міністэрства культуры і КУП "Спецыялізаваны камбінат камунальна-бытавога абслугоўвання". Просьба: каб усё было па законе.

З дапамогай такіх шыльдачак валанцёры спадзяюцца зберагчы пахаванні
© Sputnik Алеся Шаршнёва
З дапамогай такіх шыльдачак валанцёры спадзяюцца зберагчы пахаванні

"Гэтыя помнікі — сапраўды культурная каштоўнасць, іх лёс не павінна вызначаць звычайная камісія. Год таму мяне заверылі, што ўсё будзе адпаведна з заканадаўствам. Трохгадовы перыяд, дадзены людзям на добраўпарадкаванне, скончыўся ў жніўні 2017 года, і тут пачалося штосьці ненармальнае", — дадае Каралёў.

Пахаванне на Вайсковых могілках
© Sputnik Алеся Шаршнёва
Пахаванне на Вайсковых могілках

Ён упэўнены, што праца, якая адбывалася на Вайсковых могілках, супярэчыць і Кодэксу аб культуры, і Закону аб пахаваннях, і пахавальнай справе.

"Прадстаўнікі Спецкамбіната спасылаюцца на 22-і артыкул закона аб пахавальнай справе, у якім размова ідзе аб тым, што могуць прыбірацца надмагільныя пліты, ступень разбурэння якіх выключае рамонт і аднаўленне, але такіх тут вельмі мала. На наш погляд, каля 90% помнікаў тут можна аднавіць і захаваць амаль што ў першапачатковым выглядзе", — падкрэслівае гісторык.

Крыж на Вайсковых могілках
© Sputnik Алеся Шаршнёва
Крыж на Вайсковых могілках

Галоўнай тэмай спрэчкі сталі так званыя "надгалоўнікі", або тыповыя надмагільныя пліты, якімі прадстаўнікі спецкамбіната замянялі разбураныя пліты.

Асабліва ад добраўпарадкавання пацярпелі дзіцячыя пахаванні
© Sputnik Алеся Шаршнёва
Асабліва ад "добраўпарадкавання" пацярпелі дзіцячыя пахаванні

"На такім аб'екце важную роль мае візуальнае ўспрыняцце. На гэтых могілках ёсць агароджы з трубаў, крыжы з шасцяронак і многа іншых цікавых і прыгожых рэчаў. Замена іх тыповымі надгалоўнікамі — парушэнне. Беларускія могілкі, якія існуюць тут з дзевятнаццатага стагоддзя, пераўтвараюцца ў ваенны амерыканскі некропаль. Гэта не наша гісторыя", — звяртае ўвагу Каралёў.

Ідэальнае выйсце

Па словах Каралёва, зараз Міністэрства культуры разглядае праект рэканструкцыі некропаля, па якім тут павінны з'явіцца ліхтары, новыя брамы і прыгожыя лавачкі. Таксама ёсць ідэя зрабіць нацыянальны пантэон.

"Нашы чыноўнікі ўпэўненыя, што калі ўсё будзе выглядаць аднолькава, адразу стане прыгожа. Але тут галоўная задача — не проста зрабіць прыгожа, а захаваць самабытнасць такога аб'екта", — тлумачыць гісторык.

Па меркаваннях актывістаў, ідэальнае выйсце з гэтай сітуацыі — абмеркаваць сітуацыю з усіх бакоў і дазволіць супрацоўнікам Спецкамбіната прыбіраць толькі аскепкі, бо такія месцы сапраўды ёсць.

Валанцёры прапанавалі распачаць грамадскую акцыю: кожная арганізацыя возьме некалькі помнікаў, якія і будзе даглядаць, бо, толькі аб'яднаўшыся, атрымаецца захаваць самабытную гісторыю Вайсковых могілак.

"З гэтага вострага канфлікта трэба ісці на мірную дарогу і паказаць прыклад супрацоўніцтва дзяржавы і грамадскіх арганізацый. На дадзены ж момант мы працуем, і перыядычна на нас вызываюць міліцыю", — заключае Каралёў.

183
Тэги:
валанцёры, Вайсковыя могілкі, Мінск
Слова COVID-19 адлюстроўваецца ў кроплі на ігле шпрыца

Ад правалаў у памяці да загусцення крыві: якія наступствы ў COVID-19

13
(абноўлена 17:52 25.11.2020)
Амаль 60 мільёнаў чалавек па ўсім свеце апынуліся заражаныя каронавірусам. Самая напружаная сітуацыя склалася ў ЗША, Індыі і Бразіліі.

МІНСК, 25 ліс - Sputnik. Урач-імунолаг Уладзіслаў Жамчугоў распавёў аб наступствах каронавіруснай інфекцыі для арганізма.

Паводле яго слоў, у час захворвання магчымыя пашкоджанні цэнтральнай і перыферычнай нервовай сістэмы. У хворага назіраюцца правалы ў памяці, адсутнасць нюху, парушэнні слыху, парэстэзіі - парушэнне адчувальнасці ў розных частках цела.

Наступствы COVID-19 Уладзіслаў Жамчугоў параўнаў з наступствамі ВІЧ/СНІД, а таксама рассеянага склерозу. Паводле яго слоў, гэтым сімптомы могуць захоўвацца доўгі час, паколькі адбываецца аднаўленне нервовых клетак.

"Мы бачым у такіх хворых пры магнітна-рэзананснай тамаграфіі карціну, вельмі падобную на рассеяны склероз. Такое бывае і пры ВІЧ/СНІД", - адзначыў імунолаг ў эфіры НСН.

У нейкім плане каронавірус падобны да інсульта, дадаў урач. У некаторых хворых адбывалася загусценне крыві. У сувязі з гэтым медык рэкамендаваў асаблівую ўвагу надаваць сасудам і згусальнасці крыві пры лячэнні COVID-19.

Разам з тым, ён нагадаў, што каронавірус да канца не вывучаны, таму казаць аб доўгатэрміновых наступствах рана.

Па дадзеных універсітэта Джонса Хопкінса, у свеце каронавірусам заразіліся каля 60 мільёнаў чалавек. Больш за ўсё выпадкаў заражэння зарэгістравана ў ЗША (больш за 12,5 мільёнаў), Індыі (9,2 млн) і Бразіліі (больш за 6,1 млн). Па ўсім свеце памерлі больш за 1,4 мільёна пацыентаў, у якіх быў знойдзены COVID-19.

13
Тэги:
каронавірус
Акцыя медыцынскага персаналу найбуйнейшай бальніцы хуткай дапамогі Сафіі з заклікам выконваць абмежаванні

Ніякіх турыстаў: Балгарыя падоўжыла рэжым НС і ўвяла абмежаванні з-за COVID

6
(абноўлена 16:45 25.11.2020)
Як растлумачылі ўлады, галоўная мэта ўвядзення дадатковых каранцінных мер - неабходнасць дапамагчы сістэме аховы здароўя.

МІНСК, 25 ліс - Sputnik. Рэжым надзвычайнай эпідэміялагічнай сітуацыі працягнецца ў Балгарыі да канца студзеня, пра гэта паведаміў міністр аховы здароўя Кастадзін Ангелаў у сераду.

Акрамя таго, у краіне будуць уведзены дадатковыя абмежаванні, закліканыя прадухіліць распаўсюджванне каронавіруса. У прыватнасці, з 27 лістапада будуць зачыненыя ўсе ўстановы адукацыі, гандлёвыя цэнтры, часткова забароненыя масавыя мерапрыемствы - у тым ліку спартыўныя і культурныя. Месцы грамадскага харчавання будуць працаваць толькі на дастаўку.

Прыпынены ўезд у краіну для турыстаў, паездкі жыхароў краіны за мяжу таксама вырашана адмяніць.

Адкрытымі застануцца прадуктовыя крамы, аптэкі, банкі, паркі і сады.

Дадзеныя абмежаванні ўводзяцца да 21 снежня, затым плануецца іх адмяніць. Раней Міністэрства аховы здароўя Балгарыі казаў аб магчымым прадаўжэнні рэжыму надзвычайнай эпідэміялагічнай сітуацыі на чатыры месяцы - да канца сакавіка.

Медыкі таксама хварэюць

Міністр растлумачыў, што галоўнай мэтай увядзення абмежаванняў з'яўляецца неабходнасць дапамагчы сістэме аховы здароўя. Акрамя таго, што ёсць праблемы з месцамі ў бальніцах і санітарным транспартам, COVID-19 таксама заражаецца і медперсанал, які на працоўным месцы замяніць няма кім. Па дадзеных Міністэрства аховы здароўя, колькасць медыкаў, якія заразіліся каронавірусам, працягвае расці і на сённяшні дзень перавышае пяць тысяч чалавек.

Да працы ў медыцынскіх установах прыцягваюцца добраахвотнікі: студэнты старэйшых курсаў і ўрачы паліклінік. Дапамога па транспарціроўцы тых, хто захварэў аказваюць паліцэйскія і пажарныя.

Рашэнне ўрада выклікала пратэсты - у цэнтры сталіцы перад будынкам ўрада ў сераду сабраліся некалькі соцень чалавек, якія патрабавалі адмены абмежаванняў. Выбудаваныя паліцэйскія кардоны, рух транспарту блакаваны.

Па дадзеных універсітэта Джона Хопкінса на сераду, за ўвесь перыяд пандэміі ў краіне каронавірусам заразіліся 129 348 чалавек, памерлі 3 226 пацыентаў з COVID. Толькі за апошнія суткі ў краіне было выяўлена 4 382 новых выпадкаў заражэння COVID, што на 1 236 больш, чым на дзень раней, памерла 157 чалавек.

6
Тэги:
каронавірус, Балгарыя