Жаніх і нявеста, архіўнае

Беларусы сталі пазней браць шлюб

19
(абноўлена 18:55 03.09.2018)
Мужчыны зараз жэняцца бліжэй да 28 гадоў, а сярэднестатыстычная жанчына ўпершыню выходзіць замуж каля 26.

МІНСК, 3 вер — Sputnik. Беларусы ўсё больш адкладаюць пытанне стварэння сям'і, вынікае з тэксту Зборніка Нацыянальнага статыстычнага камітэта "Дзеці і Моладзь".

У зборніку сабрана інфармацыя аб розных баках жыцця дзяцей і моладзі.

Сярэдні ўзрост першага шлюбу ў беларускіх мужчын склаў па выніках 2017 года 27,9 года. Шэсць гадоў таму мужчыны жаніліся ў 26,6. Прычым гарадскія мужчыны трохі больш рашучыя, чым сельскія жыхары — узрост шлюбу ў гарадскіх крыху менш, чым у сельскіх: 27,9 супраць 28.

Зваротная тэндэнцыя назіраецца ў дзяўчат. Гарадскія дзяўчыны выходзяць замуж крыху пазней (25,9), чым сельскія (25,1). Пры гэтым сярэдні ўзрост стварэння сям'і таксама павялічыўся — да 25,8. Шэсць гадоў таму дзяўчаты выходзілі замуж у 24,5 года.

Адпаведна менш становіцца і разводаў у маладым узросце. У мінулым годзе 7874 мужчыны і 10 912 жанчын да 30 гадоў аформілі развод. Шэсць гадоў таму статус разведзеных атрымалі больш за 11 тысяч мужчын і больш за 15 100 жанчын да 30 гадоў.

19
Тэги:
Шлюб, Нацыянальны статыстычны камітэт, Беларусь
Каментары