Людзі на прыпынку

Трамвайныя шляхі ля чыгуначнага вакзалу ў Мінску рэканструююць у лістападзе

13
(абноўлена 11:54 05.09.2018)
Рэканструкцыя трамвайных шляхоў на вуліцы Першамайскай, Ульянаўскай і Бабруйскай у Мінску пачалася яшчэ ў сакавіку, усе працы планавалі завяршыць да верасня, але не паспелі.

МІНСК, 5 вер — Sputnik. У Мінску да лістапада зацягваецца рэканструкцыя трамвайных шляхоў у раёне чыгуначнага вакзала, пра гэта паведамілі на прадпрыемстве "Сталічны транспарт і сувязь".

Рэканструкцыю трамвайных шляхоў на вуліцы Першамайскай, Ульянаўскай і Бабруйскай пачалі яшчэ ў сакавіку і планавалі скончыць да верасня. З-за рамонтных работ часова перасталі хадзіць трамваі № 1, №4 і №7.

Увесь гэты час іх замяняў аўтобус № 901, які курсаваў па маршруце "ДС Дружная — Камароўскі рынак". Яго маршрут пралягаў праз вуліцу Талстога, плошча Мяснікова, вуліцы Бабруйскую, Ульянаўскую, Першамайскую, Бядулі, Казлова, праспект Машэрава, вуліцу Куйбышава. У адваротным кірунку аўтобус ехаў па вуліцах Харужай, Чырвонай, праспекце Машэрава, вуліцах Казлова, Платонава, Чапаева, Першамайскай, Ульянаўскай, Бабруйскай, плошчы Мяснікова і вуліцы Талстога.

У дадзены момант гаворка ідзе пра тое, што рэканструкцыя будзе цалкам завершана да 1 лістапада бягучага года. Увесь гэты час замест трамваяў будзе дзейнічаць усё той жа часовы аўтобус №901.

13
Тэги:
трамвай, Мінск, Беларусь
Каментары