МІНСК, 7 вер — Sputnik. Сумесны праект інфармагенцтва Sputnik і кампаніі Wargaming у другі раз стартуе ў Парку Перамогі.
У Дзень танкіста беларусам прапануюць падзяліцца ваеннай гісторыяй сваёй сям'і, успомніць сваякоў, якія ваявалі, і расказаць пра тое, дзе ім давялося сустрэць вайну.
Выязная студыя Sputnik будзе працаваць з 14:00, ваш відэааповяд трапіць у "Франтавы альбом". Пазней гісторыі вашых продкаў патрапяць на інтэрактыўную карту, па якой можна будзе прасачыць, дзе ваявалі беларусы.
Многія асабістыя гісторыі пра вайну не трапілі ў падручнікі, але памяць пра подзвігі або проста жыццё ў гэты час засталася ў сэрцах іх сваякоў. Калі вы захочаце падзяліцца гэтай памяццю, прыходзьце ў нядзелю ў Парк Перамогі.
Раней Sputnik збіраў відэаальбом сямейных гісторый пра вайну ў рамках акцыі "Бессмяротны полк", дзе мінчане ў Дзень перамогі распавядалі аб сваіх блізкіх.
