Запуск руху па новым участку Калужскай шашы

МУС Расіі: для беларускіх кіроўцаў у краіне абмежаванняў няма

14
(абноўлена 17:00 18.09.2018)
Па словах кіраўніка расійскага міністэрства, грамадзяне краін, дзе руская мова мае статус дзяржаўнай, не трапляюць пад дзеянне забароны працаваць кіроўцамі.

НАВАПОЛАЦК, 18 вер — Sputnik. Абмежаванняў для грамадзян Беларусі, якія працуюць у Расіі кіроўцамі, няма, заявіў у аўторак кіраўнік МУС РФ Уладзімір Калакольцаў.

Улетку 2017 года Расія ўвяла забарону на выкарыстанне кіроўцамі пасведчанняў замежнага ўзору. Замежнікам, якія прафесійна займаюцца перавозкамі, з тых часоў трэба перавучвацца і атрымліваць расійскія правы.

"Літаральна праз месяц пасля прыняцця таго рашэння быў унесены шэраг паправак у федэральны закон. Гэтыя папраўкі насілі наступны характар: на грамадзян тых дзяржаў, дзе руская мова з'яўляецца афіцыйнай мовай зносін, абмежаванні не распаўсюджваюцца", — адзначыў Калакольцаў, адказваючы на пытанне Sputnik.

Расійскі міністр падкрэсліў, што беларускія вадзіцелі ў Расіі абмежаванняў не адчуваюць.

Акрамя грамадзян Беларусі, выключэнне зроблена і для вадзіцеляў з Кыргызстана.

Жыхары іншых краін пры жаданні прафесійна працаваць у перавозках павінны перавучвацца. Як раней заяўлялі расійскія чыноўнікі, важна не толькі ведаць ПДР, але разумець рускую мову пры працы кіроўцам у РФ.

14
Тэги:
Беларусь, Расія
Каментары