МІНСК, 6 кас — Sputnik. Беларускі прэзідэнт Аляксандр Лукашэнка расказаў журналістам пра любімыя школьныя прадметы — асаблівае яму падабаліся літаратура і гісторыя.
Размова з прадстаўнікамі СМІ адбылася падчас рабочай паездкі кіраўніка дзяржавы ў Івацэвіцкі раён у пятніцу.
Напярэдадні Дня настаўніка Лукашэнка прызнаўся, што заўсёды быў гуманітарыем, але асабліва любіў літаратуру, гісторыю і філасофіі.
"Для мяне філасофія — гэта ўсё. Я вельмі люблю і любіў філасофію падчас вучобы. Скончыў школу лектараў, будучы студэнтам. І ў аснове ляжалі гуманітарныя дысцыпліны", — сказаў Лукашэнка ў эфіры тэлеканала "Беларусь 1".
А вось вучобу на эканамічным факультэце прэзідэнт лічыць сваім няшчасцем: ён адзначыў, што там пакутаваў "за сябе і астатніх".
"Для мяне ўсё, што звязана з матэматыкай, а тады яшчэ з'яўлялася інфарматыка — гэта была бяда", — прызнаўся беларускі лідар.
Лукашэнка ўзгадаў, як ішоў у першы клас без заплечніка — такія бедныя часы давялося перажыць. Кніжкі змясцілі ў матчыну хустку. З тых часоў, прызнаўся прэзідэнт, ён стараецца дапамагаць людзям, якія жывуць у нястачы і вучыць гэтаму сыноў. У гэтым годзе кіраўнік дзяржавы разам з сынам Мікалаем дапамог сабраць да школы каля 50 школьнікаў.
У 1975 годзе Лукашэнка скончыў факультэт гісторыі ў Магілёўскім педінстытуце, а ў 1985-м — завочны эканамічны Беларускай сельскагаспадарчай акадэміі.
