Бацюшка-блогер назваў прышчэпкі ад грыпу хрысціянскім абавязкам

© Sputnik / Андрей ШолыгановПраваслаўны святар з Мінска Аляксандр Кухта
Праваслаўны святар з Мінска Аляксандр Кухта - Sputnik Беларусь
Падпісацца
У Міністэрстве аховы здароўя сёння рабілі прышчэпкі ад грыпу кіраўнікам ведамстваў, усяго ў гэтым годзе плануецца прышчапіць да 40 адсоткаў насельніцтва.

МІНСК, 9 кас - Sputnik. Беларускі праваслаўны святар, іерэй Аляксандр Кухта ў сваім відэаблогу заклікаў вернікаў рабіць прышчэпкі ад вострых рэспіраторных інфекцый (ВРІ) і грыпу, назваўшы ўдзел у кампаніі па імунізацыі насельніцтва абавязкам хрысціяніна.

Прышчэпка ад грыпу - Sputnik Беларусь
Міністэрства аховы здароўя плануе прышчапіць ад грыпу 3,7 мільёна чалавек

Плануецца, што ў Беларусі ў гэтым эпідэмічным сезоне будзе прышчэплена каля 40 адсоткаў насельніцтва. Па дадзеных Міністэрства аховы здароўя, кампанія па вакцынацыі пачалася з 1 кастрычніка і завершыцца да 1 снежня. Пасля гібелі дзіцяці, якому ўвялі карэйскую вакцыну "Эупента", у Беларусі пачалі абмяркоўваць пытанне аб бяспецы вакцыны. Міністр аховы здароўя Валерый Малашка заявіў, што гістэрыя ў СМІ не прывяла да масавай адмовы ад прышчэпак супраць грыпу.

"Прышчэплены чалавек абараняе не толькі сваё здароўе, але і здароўе ўсяго грамадства. Калі прышчэпленая значная частка насельніцтва, уключаецца калектыўны імунітэт, які не дазваляе хварэць тым, у каго сапраўды маюцца супрацьпаказанні да прышчэпак", - заявіў праваслаўны святар у сваім відэаблогу "Бацюшка адкажа". Паводле яго слоў, удзельнічаючы ў кампаніі імунізацыі, людзі праяўляюць клопат пра іншых, што з'яўляецца ўвасабленнем евангельскай запаведзі пра любоў да бліжняга, а значыць, і хрысціянскім абавязкам.

У сваю чаргу прэс-служба Міністэрства аховы здароўя паведаміла, што ў міністэрстве праходзіць акцыя па вакцынацыі ад грыпу - прышчэпкі зрабілі міністру, іншым кіраўнікам ведамства, начальнікам упраўленняў. У Міністэрства аховы здароўя на прышчэпкі прыйшлі супрацоўнікі міністэрстваў, якія знаходзяцца ў раёне плошчы Незалежнасці. На афіцыйным акаўнце ў ФБ размешчаныя фатаграфіі.

У Беларусі ўжо больш за 5 гадоў адсутнічае эпідэмія грыпу з-за таго, што насельніцтва актыўна прышчапляюць ад вірусаў гэтага захворвання.

Стужка навiн
0