Праца з дакументамі, архіўнае фота

Расіяне, якія жывуць у Беларусі, могуць пазмагацца за званне "Лідара Расіі"

8
(абноўлена 11:39 11.10.2018)
Конкурс "Лідары Расіі" дапамагае знайсці і падтрымаць найбольш перспектыўных кіраўнікоў-лідараў, удзельнічаць у ім могуць і расіяне, якія пражываюць за мяжой.

МІНСК, 11 кас - Sputnik. Конкурс "Лідары Расіі" пачынае прыём заявак - з гэтага года ў ім могуць прымаць удзел і расіяне, якія пражываюць у Беларусі, паведамляе Sputnik.

Конкурс "Лідары Расіі" - праект платформы "Расія - краіна магчымасцяў", якая была запушчана па ініцыятыве прэзідэнта РФ Уладзіміра Пуціна ў кастрычніку мінулага года. Галоўная мэта конкурсу - знайсці, развіць і падтрымаць найбольш перспектыўных кіраўнікоў-лідараў.

"Сёння мы запускаем новы этап конкурсу кіраўнікоў "Лідары Расіі" 2018-2019 года", - заявіў журналістам першы намеснік кіраўніка адміністрацыі прэзідэнта РФ Сяргей Кірыенка.

Стартуе і прыём заявак для ўдзелу ў другім сезоне конкурсу.

Сярод важных змен у правілах - павышэнне ўзроставай планкі для ўдзельнікаў. Цяпер падаваць заяўкі могуць кіраванцы ва ўзросце ад 25 да 55 гадоў. Таксама па рашэнні арганізатараў дазволілі ўдзельнічаць у праекце і расіянам, якія пражываюць за мяжой - гэта значыць, тыя расіяне-кіраўнікі, што жывуць у Беларусі, таксама могуць паспытаць шчасця ў "Лідары Расіі".

Таксама ў гэтым годзе павялічана колькасць настаўнікаў - вопытных кіраўнікоў, якія дапамагаюць канкурсантам. У спіс увайшлі такія топ-менеджары, як мэр Масквы Сяргей Сабянін, старшыня праўлення Сбербанка Герман Грэф, кіраўніца Цэнтрабанка Эльвіра Набіуліна.

8
Тэги:
конкурс, Расія, Беларусь
Каментары