МІНСК, 18 кас - Sputnik. Міністр унутраных спраў Беларусі Ігар Шуневіч падарыў майку з аўтографам Дыега Марадоны вучню Магілёўскага спецвучылішча закрытага тыпу Аляксею Хацкевічу.

© Sputnik / Анна Нефедова

Каманда Магілёўскай вобласці

Як перадае карэспандэнт Sputnik, сёння ў Мінску прайшло ўзнагароджанне пераможцаў рэспубліканскага турніру па міні-футболе сярод непаўналетніх "Разам да перамогі". У гэтым турніры бяруць удзел так званыя "цяжкія падлеткі". У кожнай камандзе ёсць супрацоўнік інспекцыі па справах непаўналетніх, а ўсе астатнія - хлопцы.

Міністр унутраных спраў ўручыў спецыяльны прыз юнаку з каманды ад Магілёўскай вобласці. Гэта майка з асабістай калекцыі з аўтографам Дыега Марадоны. Як паведаміў міністр журналістам, адказваючы на пытанне Sputnik, гэтую майку Марадона падпісаў, калі знаходзіўся ў Брэсце. На пытанне журналістаў - ці не шкада расставацца з рарытэтнай майкай, міністр адказаў: "яму важней".

У цырымоніі ўзнагароджання каманд прынялі ўдзел міністр спорту і турызму Сяргей Кавальчук, кіраўнік ЮНІСЭФ у Беларусі.

Першае месца заняла каманда падлеткаў з Гродзенскай вобласці, другое - з Віцебскай, трэцяе - з Гомельскай вобласці.

Як распавялі карэспандэнту Sputnik юныя спартсмены, яны не любяць, калі іх называюць "цяжкімі падлеткамі".

"Мы пазітыўныя, любім спорт і імкнемся быць добрымі. Усё ўжо ўсвядомілі", - кажа адзін з юнакоў.

Паводле яго слоў, у кожнага свая "дарослая гісторыя", якая пакінула след на ўсё жыццё.

Настрой у рабят было прыўзняты, яны чакалі цырымоніі ўзнагароджання і падарункаў. Структура каманд у гэтым турніры пабудавана такім чынам, што ў кожнай камандзе ёсць гуляючы трэнер - гэта супрацоўнік інспекцыі па справах непаўналетніх, а ўсе астатнія хлопцы, якія з-за сваіх "подзвігаў" знаходзяцца пад пільнымі наглядам інспектараў.

© Sputnik / Анна Нефедова

У юных спартсменаў, якія прысутнічалі на свяце, добры настрой

Як распавёў супрацоўнік ІСН адной з каманд, самае галоўнае трымаць дысцыпліну і зацікавіць рабят гульнёй. Паводле яго слоў, у так званых складаных падлеткаў ёсць свае станоўчыя бакі - яны азартныя, амбіцыйныя, што вельмі шануецца ў спорце наогул і ў футболе ў прыватнасці.
На фоне агульнай святочнай атмасферы асабліва драйвовай была каманда Магілёўскай вобласці - яны за свае ўчынкі знаходзяцца ў закрытай навучальнай установе і паездка ў Мінск - двайное свята.

© Sputnik / Анна Нефедова

Гулец каманды з Мінска Максім Чэкун - яму сёння споўнілася 18 гадоў

У гульца мінскай каманды Максіма Чэкунова, які вучыцца ў мінскім ліцэі N9, таксама сёння двайное свята - яму споўнілася 18 гадоў. Ён, не саромеючыся. назваў артыкул крымінальнага кодэксу, па якім нясе пакаранне. Пры гэтым Максім адзначыў, што "ужо завязаў" і амаль год п'е толькі карысныя напоі.

Каманды атрымалі ў падарунак мячы, заплечнікі з лагатыпам ЮНІСЭФ, іншыя падарункі. Але паколькі яны яшчэ па сутнасці дзеці, нягледзячы на тое, што хутка пасталелі і пайшлі "па малалетцы", ім падрыхтавалі салодкі падарунак - каманды павезлі на экскурсію на кандытарскую фабрыку.

МІНСК, 15 сту - Sputnik. Расія будзе і далей дапамагаць Беларусі ў барацьбе з COVID-19, пра гэта заявіла афіцыйны прадстаўнік МЗС РФ Марыя Захарава.

"Мы працягнем усялякую дапамогу брацкай Беларусі ў барацьбе з распаўсюджваннем каронавіруснай інфекцыі, у тым ліку праз імунізацыю насельніцтва рэспублікі расійскімі вакцынамі", - сказала яна.

Нагадаем, што Расія ў пачатку студзеня на бязвыплатнай аснове перадала Беларусі 300 набораў тэст-сістэм і рэагенты для правядзення лабараторных даследаванняў. Гуманітарны груз дастаўлены ў Мінск.

"Спутник V" у Беларусі

Беларускія медыкі завяршаюць кантроль якасці новай партыі расійскай вакцыны ад каронавіруса "Спутник V". Яна прыйшла ў канцы снежня, аб'ём склаў 20 тысяч доз. Пасля праверкі працягнецца вакцынацыя медыцынскіх работнікаў.

© REUTERS / Piroschka van de Wouw / Pool

Як праходзіць масавая вакцынацыя ў свеце - фота

23

Масавая вакцынацыя ў рэспубліцы стартавала 29 снежня. Беларусь стала першай замежнай дзяржавай, дзе пачалі выкарыстоўваць расійскі прэпарат. Першыя прышчэпкі былі зроблены медыкам 5-й гарадской клінічнай паліклінікі.

Плануецца, што вакцынацыя ахопіць больш за 5,5 мільёна чалавек, гэта больш за палову насельніцтва рэспублікі. Прышчэпліваць грамадзян будуць на добраахвотнай аснове.

Цяпер ідзе працэс перамоваў аб вытворчасці расійскага прэпарата на беларускіх прадпрыемствах. Мяркуецца, што першыя партыі могуць вырабіць ужо ў лютым-сакавіку.

Чытайце таксама:

• Пасол РФ: у лютым-сакавіку расійскую вакцыну пачнуць вырабляць у Беларусі
• У Расіі абверглі заяву аб тым, што вакцына "Спутник V" неправераная
• ЕС пачне працэс сертыфікацыі расійскай вакцыны "Спутник V"