Долары, архіўнае фота

Лукашэнка: доларавым мільярдэрам у Беларусі не станеш

14
(абноўлена 16:13 19.10.2018)
Беларусь з'яўляецца адной з лепшых краін для жыцця людзей, упэўнены беларускі лідар.

МІНСК, 19 кас - Sputnik. Доларавымі мільярдэрамі грамадзяне Беларусі стаць не змогуць, канстатаваў у пятніцу прэзідэнт рэспублікі Аляксандр Лукашэнка.

Кіраўнік дзяржавы ў ходзе сустрэчы са студэнтамі распавёў аб вартасцях Беларусі, сярод якіх - скрыжаванне транзітных шляхоў, што стварае добрыя ўмовы для заробку і развіцця краіны.

"Цяпер праз Беларусь рухаецца ўсё. Таму што ціхая, спакойная транзітная краіна. Ну, акажы паслугу чалавеку, які вязе тавар. Я утрыравана кажу: дзесьці адрамантуй машыну, прапануй дранікі яму. У нас на трасе ад Смаленска да Брэста ўсюды добрыя вёскі і гарады. Так, мільярдэрам доларавым, як у Расіі, не станеш. І не трэба", - сказаў Лукашэнка.

Прэзідэнт прызнаўся, што бачыць Беларусь як зручную для жыцця краіну: той чалавек, які хоча жыць у рэспубліцы спакойна, гадаваць дзяцей і хоча зарабіць, заўсёды гэта атрымае. Аднак усе задаволенымі быць не могуць, а каб чагосьці дамагчыся, неабходна прыкласці намаганні, адзначыў ён.

"Той будзе паспяховым, хто, зрываючы пазногці і пальцы, караскаецца на гэтую гару, атрымліваючы адукацыю, навучаючыся і атрымліваючы жыццёвы вопыт, займаецца сабой. Той атрымае больш. Усё залежыць ад чалавека", - упэўнены Лукашэнка.

Прэзідэнт падкрэсліў, што Беларусь - добрая краіна: у яе заўсёды хочацца вяртацца.

Чытайце таксама:

14
Тэги:
студэнты, Гродна, Аляксандр Лукашэнка
Каментары