Вучні, якія здаюць тэсты

Чыноўнікі адказалі на прэтэнзіі да новай сістэмы ацэнкі ЦТ

15
Казаць пра "завышэнні" балаў цяпер нельга - гаворка хутчэй ідзе пра тое, што больш не будзе іх "заніжэння", падкрэсліў дырэктар РІКВ.

МІНСК, 26 кас - Sputnik. Дырэктар Рэспубліканскага інстытута кантролю ведаў (РІКВ) Юрый Міксюк распавёў пра новую сістэму ацэнкі цэнтралізаванага тэсціравання (ЦТ).

Па новай сістэме цэнтралізаванае тэсціраванне будуць ацэньваць у 2019 годзе, аднак выкарыстоўваецца яна ўжо і на рэпетыцыйных тэстах. Пасля з'яўлення першых вынікаў методыка выклікала нараканні ў педагогаў: за некалькі вырашаных заданняў можна было атрымаць дастаткова высокія балы. На ўсе гэтыя прэтэнзіі адказаў дырэктар Рэспубліканскага інстытута кантролю ведаў (РІКВ) Юрый Міксюк.

Не завышэнне, а адсутнасць заніжэння

"У ранейшай сістэме чым больш абітурыентаў ведалі пэўны раздзел вучэбнай праграмы і, адпаведна, выконвалі тую ці іншую задачу - тым менш быў унёсак гэтых задач у выніковы бал. Кошт заданняў, з якімі справіліся 100% абітурыентаў, увогуле набліжаўся да нуля. І ў гэтым была пэўная хібнасць старой методыкі ацэньвання", - распавёў Міксюк у інтэрв'ю выданню "Настаўніцкая газета".

Па словах кіраўніка РІКВ, ранейшая методыка якасна ранжыравала добра падрыхтаваных абітурыентаў, аднак пры ацэнцы абітурыентаў сярэдняга і невысокага ўзроўню ведаў розніца была значнай.

"Цяпер заніжэння балаў з-за таго, што канкрэтнае заданне выканала вялікая колькасць абітурыентаў, не будзе. Балы налічваюцца за кожнае правільна зробленае заданне. Такім чынам, новая сістэма будзе не толькі эфектыўна ранжыраваць абітурыентаў, але і адлюстроўваць рэальны ўзровень іх ведаў", - упэўнены Міксюк.

Балы будуць не ніжэйшыя

Як падкрэсліў кіраўнік РІКВ, вынікі, разлічаныя па дзвюх методыках, у высокіх балах, амаль цалкам супадаюць.

"А вось у ніжняй частцы шкалы ёсць істотныя разыходжанні. Новая методыка, дзе прымаюцца да ўвагі ўсе правільна выкананыя заданні, дазваляе больш дакладна ацаніць веды абітурыентаў і, адпаведна, ранжыраваць іх ва ўсім дыяпазоне 100-бальнай шкалы", - упэўнены Міксюк.

Балы, атрыманыя па новай методыцы, будуць не ніжэйшыя за тыя, якія былі б па старой, падкрэсліў кіраўнік РІКВ.

Таксама ў гэтым годзе спецыялісты параўноўвалі вынікі ЦТ, атрыманыя па новай методыцы, з вынікамі незалежных кантрольных работ. У выніках выпрабаванняў была адзначана значная карэляцыя.

"Гэта таксама сведчыць аб тым, што новая методыка карэктна і даволі дакладна вымярае веды абітурыентаў", - падкрэсліў ён.

Кіраўнік Рэспубліканскага інстытута кантролю ведаў падкрэсліў, што цяпер ЦТ - інструмент не толькі ранжыравання, але і дакладнага вымярэння ўзроўню ведаў абітурыентаў.

15
Тэги:
Юрый Міксюк, РІКВ, Беларусь, ЦТ

COVID абдымкам не перашкода! У доме састарэлых з'явіўся пакой для сустрэч - відэа

27
(абноўлена 12:03 05.03.2021)
Пастаяльцы італьянскага дома састарэлых зараз не будуць пакутаваць ад адзіноты. Дзядулі і бабулі атрымалі магчымасць абняцца са сваімі роднымі і блізкімі ў спецыяльным пакоі. Глядзіце на відэа, як там усё ўладкована.

Пастаяльцы дома састарэлых, якія пакутуюць ад адзіноты і ізаляцыі ў сувязі з абмежавальнымі мерамі, выкліканымі COVID-19, атрымалі магчымасць абняцца са сваімі роднымі і блізкімі ў спецыяльным "Пакоі для абдымкаў".

Надзіманы тэнт быў усталяваны ў доме састарэлых на паўднёвым захадзе Італіі па ініцыятыве кансорцыума сацыяльных службаў. "Пакой для абдымкаў" размешчаны ў тэнце, складаецца з пластыкавай перагародкі, праз якую людзі могуць мець зносіны, абдымацца і дакранацца да рук у адпаведнасці з прынятымі мерамі сацыяльнай ізаляцыі, уведзенымі ў краіне.

Раней улады Італіі адобрылі падаўжэнне абмежавальных мер, накіраваных на стрымліванне вялікай колькасці выпадкаў заражэння COVID-19.

Глядзіце таксама:

27
Тэги:
відэа, сустрэча, дом, каронавірус, Італія
Тэмы:
Каронавірус COVID-19
Экс-кандыдат у прэзідэнты Беларусі Святлана Ціханоўская

Генпракуратура накіравала Літве просьбу аб экстрадыцыі Ціханоўскай

9
(абноўлена 11:46 05.03.2021)
Справа ў дачыненні да чатырох давераных асоб экс-кандыдата ў прэзідэнты, якія праходзяць па крымінальнай справе, накіравана ў суд.

МІНСК, 5 сак – Sputnik. Генпракуратура Беларусі накіравала ў Літву просьбу аб экстрадыцыі Святланы Ціханоўскай для прыцягнення да крымінальнай адказнасці, паведаміла ў пятніцу прэс-служба ведамства.

Экс-кандыдата ў прэзідэнты збіраюцца прыцягнуць да крымінальнай адказнасці "за злачынствы супраць парадку кіравання, грамадскай бяспекі і дзяржавы".

Нагадаем, 2 сакавіка Следчы камітэт Беларусі перадаў у Генеральную пракуратуру дакументы на экстрадыцыю экс-кандыдата ў прэзідэнты Святланы Ціханоўскай.

Давераныя асобы

Генпракуратура таксама накіравала ў Гомельскі абласны суд крымінальную справу ў дачыненні да чатырох давераных асоб Ціханоўскай. Менавіта яны фігуруюць на кадрах відэа сустрэчы, дзе, па версіі следства, і абмяркоўваліся планы па захопу ўлады.

"Пасля вывучэння матэрыялаў справы ў Генпракуратуры прыйшлі да высновы аб абгрунтаванасці абвінавачання, дастатковасці сабраных доказаў, поўным і аб'ектыўным даследаванні абставін злачынстваў", - гаворыцца ў паведамленні.

Генпракуратура пагадзілася з класіфікацыяй учыненага па арт.369 ("Абраза прадстаўніка ўлады"), ч.1 арт.13 ("Падрыхтоўка да злачынства"), ч.2 арт.293 ("Удзел у масавых беспарадках") і ("Захоп будынкаў і збудаванняў") Крымінальнага кодэкса РБ.

Давераных асоб Ціханоўскай затрымалі з 6 па 8 жніўня, яны застаюцца пад вартай.

Чытайце таксама:

9
Тэги:
суд, крымінальная справа, справа, прэзідэнт, Святлана Ціханоўская, Літва, Генеральная пракуратура Беларусі
Тэмы:
Выбары прэзідэнта Беларусі - 2020

Як расійскія ракетчыкі пераўзбройваюцца на "Авангарды" - відэа

0
(абноўлена 12:17 05.03.2021)
Злучэнне РВСН ў Арэнбургскай вобласці першым у краіне атрымала новы ракетны комплекс "Авангард". Глядзіце на відэа, як усталёўваюць ракеты ў шахты.

Ролік, у якім бачна, як перагружаюць ракеты, апублікаваны Мінабароны Расіі. Міжкантынентальная балістычная ракета усталёўваецца ў пускавую шахту з дапамогай спецыяльнага абсталявання.

"Найскладаныя тэхналагічныя аперацыі доўжацца некалькі гадзін", - гаворыцца ў паведамленні ведамства.

У рамках пераўзбраення ракетчыкам быў дастаўлены ўжо другі "Авангард". Першы паступіў на ўзбраенне яшчэ ў снежні 2019 года.

Аб стварэнні "Авангарда" ў сакавіку 2018 года абвясьціў прэзыдэнт Расіі Уладзімер Пуцін падчас выступу перад Федэральным сходам. Комплекс складаецца з міжкантынентальнай балістычнай ракеты УР-100Н УТТХ і гіпергукавога крылатага блока, здольнага вытрымліваць падчас палёту звышвысокія тэмпературы. Серыйную вытворчасць гіпергукавых баявых блокаў "Авангард" пачалася ў ліпені таго ж года.

0
Тэги:
відэа, шахта, краіна, Арэнбургская вобласць, ракетны комплекс, "Авангард", ракета, ракетчыкі, Міністэрства абароны РФ